شكراااااااااااااا وشوية طلبات اخيره !
أستاذ mimo3000 ... جميل اوى موضوع اسعارك ده بس انا عايزها automatic لانى للاسف ماسوقتش مانيوال من حوالى 4 سنين وكنت مقيم بالكويت حيث كل حاجه اوتوماتيك
مين استاذ ايمن ده ...وأوصل له أزاى ... اكيد يعرف يعمل الخصم فى الاوتوماتيك ؟
وسؤال اخير ... أيه رأيك فى البيرسونا ... شفتها انهارده عجبتنى أوى ..
تجمع بين شكل الشبابى الحلو وواسعه بردو (بحس صالون الجين 2 ضيق شويه)
معلش والله انا عارف انى اسئلتى كتيره وبايخه بس الحيره بقى انت عارف
فياريت اسعار البيرسونا والجين 2 اوتوماتيك وتقول لى رأيك الشخصى (أيهم أفضل)
وبالله عليك ماتفتكرش انى مكسل أدور بس الموضوع ملغبط جدا هنا فى المنتدى بحيث انك ممكن تلاقى 15 سعر و15 رأى
استاذ karaktar والاستاذ mboma
انا مش professional فى انواع العربيات ولا الفروق البسيطه
والامانه لله انا مؤمن ان السيراتو اكيد احسن لانها ببساطه اغلى بحوالى 20 الف بس انا مضمون سؤالى (هل فرق السعر ده يغطى الفروق الفنيه بين الاتنين .. ولا العمليه محصله بعضها)
استاذ mohamed3abdallah وأستاذ gagareen
شكرا على ردودكم واكيد السيراتو فيها عيوب ..ماهى مش bmw بردو .. بس الاقبال عليها رهييييب زى مانتوا شايفين فى الشوارع
وياريت اراؤكم فى البيرسونا لانى شايف انها تنفع اللى زيى أوى (واحد على وش جواز... 27 سنه ) لان الجين 2 شكلها شبابى أوى أوى (22 أو 23) ... فاهمين قصدى ؟
وبصراحه يا جماعه مشكورين جدا لانى بأمانه كنت فاكر انى هارمى الرساله هنا واجى بعد شهرين الاقى واحد رادد عليا أو اتنين بالكتير أوى
ومعلش على خسارة مصر انهارده :)
وسلام عليكم