الموضوع: تعمل إيه عند إستلام سيارتك البروتون؟

السلام عليكم يا بروتوناوية يا وحوش نايل موتورز

بما إن فى ناس كتير منا هتستلم عربياتهم اليومين الجايين دول (وأنا منهم إن شاء الله)

نفسنا نسمع نصايح البروتوناوية الجامدين فى الواضيع التالية:

نعامل العربية إزاى فى التليين؟

-حاول ألا تسير بالمحرك على أكثر من 3000 RPMاثناء فترة التليين قدر الإمكان
2-لا تسير على سرعة ثابتة او غيار ثابت لفترة طويلة سواء سريعة او بطيئة
3- تجنب السحب الشديد بالسيارة(ماتقرصسش فى السحب خلال فترة التليين)
4- تجنب السرعات العالية فى أول 2 -3 كيلومتر من حركة السيارة صباحا والمحرك بارد
5-ماتسخنش الموتور كثير فى الصباح، 30 ثانية الى دقيقة واحدة لا أكثر، ثم إبدا الحركة ببطء حتى يكمل الموتور تسخينه
6- تجنب المطالع الطويلة والمرتفعة قدر الإمكان وفى حالة الإضطرار الى التعامل معها يكون الكبس على البنزين بالعقل
7- تجنب تحميل السيارة بأوزان زائدة، لا داعى للفسح العائلية ذات الستة افراد فى فترة التليين
8-تجنب الفرامل العنيفة طالما امكن ذلك
9- لو عربيتك ذات نقل يدوى حاول إستعمال الفتيس بكثرة والنقل على الغيار المناسب لسرعتك وطول الوقت وماتكسلش فى النقل

فى النهاية كل ذلك يمكن إجماله فى جملة واحدة(فى فترة التليين خليك حنين على العربية وخد وإدى معاها وحس بيها )
منقووووووووووول

مشكور يا أ. أحمد

جازاكم الله كل خير

طب لو العربية أوتو أعمل إيه فى rpm وأتحكم فيه إزاى؟

متابع باهتمام جدا ... ياريت المزيد من المعلومات عن
الخطوات المطلوب عملها عند الإستلام (يعنى نعمل Check على إيه بالظبط)

تشوف العداد عامل كام كيلوا

تسلم يا هندسة على ردك

بس الرينج الطبيعى للعداد بيكون كام؟

المشاركة الأصلية كتبت بواسطة mohamed_3abdel3al

مجرد انك تخف رجلك من على البنزين في الاوتو هو هيدي الغيار الي بعده على rpm قليل

شكرا يا محمد باشا

طب بقولك إيه. هو الكتالوج بتاع العربية فى شرح للإستخدام الأمثل للفتيس الأوتو؟

لو فى أى موضوع هنا فى نايل موتورز ياريت يا باشا لو تدلنى عليه

وجازاك الله كل خير

م. عمرو أبو مريم (أبو مييم )