يا جماعة انا عربيتى 132 2000cc
كان لى استفسار
هو 20 لتر بنزين يعملو كام كيلومتر
الن عندى بتعمل فى الصفيحة 67 كيلومتر
فهل دا طبيعى :U_thin1[1]:
معايا بردو عربية 125 1600cc
موتورها موتور 132 بتعمل فى الصفيحة 120 كيلومتر
ارجو المساعدة
عرض للطباعة
يا جماعة انا عربيتى 132 2000cc
كان لى استفسار
هو 20 لتر بنزين يعملو كام كيلومتر
الن عندى بتعمل فى الصفيحة 67 كيلومتر
فهل دا طبيعى :U_thin1[1]:
معايا بردو عربية 125 1600cc
موتورها موتور 132 بتعمل فى الصفيحة 120 كيلومتر
ارجو المساعدة
انت عندك معدل الاستهلاك عالي جدا ومش طبيعي للعربيتين فلازم تروح لاي ورشة من بتوع اصلاح الكربراتير في ف شبرا وفي في النزهة الجديدة وفي اكتر من مكان كويس قولنا ساكن فين وهندلك علي أقرب حد كويس من مكان سكنك
الف شكر يا باشا
انا ساكن فى المنيل
انا كمان عايز اعرف متخصص كربراتير ضرورى
ياجدعان حد يدلنى على بتاع كربراتير كويس انا من المعادى
مفيش حد يا جماعه عارف ؟؟؟؟؟؟؟؟
اية هى انواع الكربيراتير الى ممكن تركب ل 132 ال 2000
و يريت اسعارها ؟
الى كل من شتكى من الكرباريتر اولا هل فى دخنة سوادء بتطلع من الشكمان سحب العربية كويس بتغيب فى الدوار اذا كان عندك كل حاجة فى واحد بتاع كرباريتر كويس جدا فى امبابة فى شارع الطيار فكرى ادخل الشارع واسال علية الف من يدل روح لة ويفك الكرباريتر لو قال لك فية اكس وباب يباق هات واحد جديد احسن لك لان اكس وباب بيرجع يرد تانى
الف شكر يا LADA2010
:S_thum1[1]:
انا محتاج اغير الكربراتير من سنة و اتصلح ياما و مفيش فيدة
استهلاك 70 لتر فى الصفيحة
فا كنت بسال على انواع الكربيراتير الى ممكن تركب ل 132 ال 2000
و يريت اسعارها ؟
عشان اخلص من الكربراتير الى عندى
:ma:
عندك كربيراتيرين واحد اسمه Solex و التاني فييـبر و الأتنين الماني و في منهم بكابل هواء و في نوع تاني بسنسور حرارة كهرباء يقلل عدد لفات الموتور لما حرارته ترتفع و نوع اخير عبارة عن كربيراتير كهرباء برده وواصله خراطيم ميه سخنة من الردياتير علشان تسخن الهواء و البنزين اللي داخل و تمنع شرقة العربية مع الدعسات المفاجئة و تقلل استهلاك الوقود.
اما بخصوص كربيراتيرك فأنصحك تكشف علي الأتي:
- فلتر الهواء نظيف
- فلتر البنزين مش مسدود او كاتم الحركة للبنزين بعض الشئ
- خراطيم البنزين مش ناشفة و مابتسحبش هواء من الجو للبنزين و لما تجيب غيرها يحبز تجيب الخرطوم اللى مكسي بضفيرة قماش زي بتاع الفابريكة علشان تحمي الخرطوم من النشفان و التشقق بسبب حرارة الموتور و حرارة الصيف و حرارة الشكمان.
- فتح جسم الكربيراتير و التاكد من عدم انسداد 3بيكات للكربيراتير(2 بنزين-1هواء)
- العوامة شغالة بدون اعاقة لحركتها داخل الكربيراتير
- اكشف على جواني (وش و قاعدة) الكربيراتير بيسربوا مع العمر لأن غليان الموتور و السخونية بتخليهم ينشفوا وثمكهم بيقل ويعوجوا من الأطراف فيسرب هواء و يسرب بنزين.
- تأكد من سلاسة حركة البوابة الأولي مع حركة دواس البنزين
- تأكد من سلاسة فتح البوابة الثانية عند 100كم\س مش بعد كده
لو بتفتح متأخر يبقي حتاكل منك بنزين حتي وانت علي الغيار الأول لأنها بتفتح برده مع الأمبليهات المفاجئة عند اي سرعة و القرس علي الغيار لتلبى رغبة المحرك ثنائي الكامات في دخول كمية هواء اكثر بسهولة و البنزين يمر من الكربيراتير بسهولة.
لو البوابة التانية مابتفتحش او بتفتح متأخر يبقي الموتور حيسحب هواء بصعوبة من بوابة واحدة و حتبقي سرعة دخول الهواء عالية جدا"عن سرعة دخوله في بوابتين" و حيخلي في Vaccum عالي في بوابة واحدة و البنزين يتسحب بشراهة من بيك واحد بس و مع الإستمرار في كدة البيك حتبدأ فتحته توسع بسبب (سخونة جسم الكربيراتير من الموتور و الأحتكاك والنحر بسبب التحميل الزائد علي بيك واحد)
فمجمل الإستهلاك بيبقى عالى بشكل مستفز
و مقاس البيكين بيبقي 110 و Solex Germany115نحاس مش نيكل.