يا ترى فى حل تانى لمشكلة تصفير الكاوتش فى الملفات ؟

**popahly** · 06-10-2009 03:20 PM

اخوانى فى منتدى نايل موتورز كل التحية لكل الناس المحترمين اللى مبتبخلش خالص على حد بنصيحة او بتقديم معلومة

انا كنت عملت توبيك من يومين تقريبا بخصوص كذا نقطة والحمد لله بعد نصيحتكم كل شئ تمام إلا حاجة واحدة بس ودى اللى عملتلى قلق جامد جدا وهو موضوع تصفير الكاوتش فى الملفات او فى المنحنيات..

لسه من شوية فاكك الفردتين اليمين والشمال لاقتهم متأكلين من الداخل بس مش قوى ياعنى مسح بسيط بس غير طبعا باقى الكاوتش الناحيتين يمين وشمال ممسوحين من الداخل ودا كان من قبل مظبط زوايا وبعد مظبتها طبعا الكاوتش كان فيه المشكلة دى بس العجل بيصفر يا ترى التصفير دا من ايه هل هو من المسحة اللى على الاطراف اللى فيه ولا من حاجة تانية ارجوكم طمنونى وشكرا جدا

**samirayad** · 06-10-2009 03:34 PM

لسه من شوية فاكك الفردتين اليمين والشمال لاقتهم متأكلين من الداخل بس مش قوى ياعنى مسح بسيط بس غير طبعا باقى الكاوتش الناحيتين يمين وشمال ممسوحين من الداخل ودا كان من قبل مظبط زوايا وبعد مظبتها طبعا الكاوتش كان فيه المشكلة دى بس العجل بيصفر يا ترى التصفير دا من ايه

ياريت تعيد ضبط الزوايا تانى فى مكان أفضل من السابق

لأن واضح أن عندك خلل فى زاوية الكامبر (يعنى الكاوتش قالب للداخل من فوق وفاتح للخارج من تحت )
وده سبب التآكل على أحرف الفرد الأماميه من الداخل

كما بالشكل الموضح عليه

negative camber

طبعا مع ضبط هواء الكاوتش كله على 32

**MMamdouh** · 06-10-2009 07:58 PM

و ممكن يكون التاكل دة بسبب ان الكاوتش مفتوح زيادة

too much toe out

MMamdouh

**MMamdouh** · 06-10-2009 11:58 PM

يعنى لو انت قاعد جوة العربية و ضابط الدركسيون فى النص تماما حتبقى العجلة الشمال محودة شمال و اليمين محودة يمين... طبعا الكلام دة فى حدود درجات قليلة جدا مش حتشوفها بالعين المجردة لكن يبان فى القياسات على جهاز الزوايا و يبان من خلال تاثيرة على تاكل الكاوتش

MMamdouh