الموضوع: تجربتى مع ملمع الموبليات

المعطيات :-
النهارده قررت بعد قرائه موضوع عن الملمع بتاع الموبليات انى اجربه بقى مهو اصل مينفعش اسمع عن حاجه ومجربهاش

المطلوب :-
قبل كل شئ اغسل العربيه غسله محترمه من فوق لتحت بالشامبو بتاع العربيات قبل ما تغسل بيه خد دور ميه بس وبعد كده ميه بجاز ( للعربيات اللى لونها غامق ) وبعد كده الميه بشامبو وبعد كده الميه ونشف يا سيدي
1- ملمع الموبليات من نوع جلييد
2- علبه كامبوند للخرابيش
3- كيس قطن مصرى طويل التيله
4- الفوطه الصفرا لا غنى عنها
5- ودى للتلميع الداخلى ( هتكلم عنها فى اخر الموضوع)

الطريقه :10D5C8~1107::-

اول حاجه استعملتها الكمباوند وهو برضه مالوش سحر ولا شعوزه بس اهو الواحد بيقول الى يجي فى الريش بقشيش
وبعدين بعد ما ايدي وجعتنى وبدون فايده الا شويه فى الهايش كده ميزكروش يعنى
جبت الملمع تاج الموضوع كله الى بتكلم فيه
وعلى الازازه قريت الكلام دا
1- المكونات = شمع وملينات وعطر ( العربيه الناس عماله تعدى من جنبها وعمالين يشمشمو فيها ) ومذيبات ( ودا على ما اعتقد ليه فايده فى انه بيخلط فى عمليه القطنه الى بتدعك بيها الورنيش والشمع الى على العربيه على بالملمع وبيبقى بينهم تناسق
2- طريقه الاستعمال = رج الازازه عموديا من فوق لتحت لفوق وهكذا ( رجه بسيطه مش تخلي الازازه بالى فيها يتغاظو منك
وبعد كده من على مسافه قريبه من السطح المراد تلميعه بتاع 15 سم رش عليه ولو لقيت اان الهوا بيطير الرش الى بترشه ممكن ترش على القطنه الى قولنا عليها فى المطلوب * راجع اعلى الصفحه
ومكان ما انت رشيت امسك القطنه بحجم ايدك كده وافرك براحه مش تخلي القطنه تشرب الملمع لا مشيها الاول على الاجزاء لحد ما تحس انك مسكت حيز ومليته من الفراغ وبعد كده اقرص لحد ما التجييره البسيطه تروح واللمعه تظهر
وهكذا افضل شغال لحد ما تجيب العربيه كلها
( ملحوظه بسيطه ) انا قلت اجرب استغل عليها على الجلد الى على الفتيس والى مغطى فرامل الهاند والاماكن الكاوتشيه على الباب وكده لقيت العوالق الى عليها بتتشال اكتر من الملمع بتاع التابلوه

البرهان :-:10D5C8~1107:
بكره الصبح اجبلكم صور للعربيه بعد ماتش التلميع الرهيب بتاع النهارده علشان تبقى بالنهار هتوضح اكتر
ومعلش مش هعرف اعمل قبل وبعد علشان مفكرتش فى انى هصور العربيه خالص قبل ما المع

انتظرونى

لا يا عم ربنا يفك قربتك ويصلحلك الاحوال
اهم حاجه عايزينك انت تبقى فايق كده والاحوال متظبطه معاك