الموضوع: سؤال هام لو العربيه راشه دواخل

إخواني الأعزاء سمعت آراءكم كلكم واراء ناس كتير
بس انا فعلا قدامي عربية 28 موديل 83 وراشه دواخل ده لأن السمكرى ضحك على صاحبها عشان ياخد فلوس زياده
والفيصل كان الكشف على العربية فى البنزينة على الشاسية بالكامل اللى طلع زي الفل ما فيهوش أي حاجه خالص والحمد لله
انا كنت حاسس انها كويسه لأن صاحبها كان بيحلفلي انها كويسه والكشف فى البنزينه كان هو الفيصل

الموضوع مش بس سمكري او بتاع دوكو ضحك على صاحبها

لأنة علشان يرش الدواخل حتى لو "نضافة" لازم يحل موتورها برة العربية و يرش و بعدين يسقط الموتور تاني

ومافيش حد حايعمل كدة علشان يرش الحوض "نضافة" و لا وساخه إلا لو كانت العربية واكلة حادثة و محتاجة سمكرة و زراجين و محتاجه ان الموتور يتحل برة علشان الزراجين بتاعه الحوض و كمان يتغير اجزاء اتكسرت في الموتور نتيجه الحادث

و لو الموضوع "نضافة" يبقى كان يكفي ان يرش الكارتيرات من فوق بس من غير ما يحل الموتور برة و يرش الحوض و فرد الشاسية كمان و الحتت اللي مزنوقة حوالين الموتور

و الله أعلم

و اقولك على حركة

لو العربية مرشوشة دوكو "للنضافة" يعني مافيش معجون تحتها و ممكن الحوض يتغسل بتنر و دة ينزل الدوكو بس و مايأثرش على بوية الفابريقة, لا ينزلها و لا يمسحها يعني

يعني انت بحتة قطنة و تنر تقدر تمسح الدوكو (تعمل كمادات شوية الأول) اللي في الحوض و تشوف اذا كانت البوية تحتية فعلا فابريقة و للا فية معجون و مافيش بوية فابريقة

انت بس قول لصاحب العربية طيب طالما هي مرشوشة نضافة بس يبقى نغل الحوض بتنر ننزل الدوكو و نشوف بوية الفابريقة من تحتة

انا عملتها من اكتر من 10 سنين في عربية هوندا كانت معايا و كانت مغيرة لون برة و جوة, غسلت الحوض و عملت كمادات قطن بتنر عالحوض نزل كل الدوكو الاحمر و بقت عالبوية الفابريقة البيضاء و بعتها دواخل فابريقة على أبوها

هذا صحيح ........لو وضعت تنر علي البوية ستتم ازالة الدوكو و تظهر بوية الفابريقة لو لم يتم و ضع معجون عليها.......
بس بالنسبة لموضوع رش الدواخل فهي مش مشكلة ابدا في سيارات الفيات القديمة موديلات الثمانينات و انت نازل كده علشان عربيات الفيات مشهورة بان البارومة بتاكل صاجها بسرعة ......