الشركة الأم سبب تأخر تسليم "سيراتو وكارينز"!!!!!!!

**M.Mekawy** · 07-10-2009 12:20 AM

4 اكتوبر 2009 - 16:47

أرجع خالد يوسف رئيس قطاع السيارات بالشركة المصرية العالمية وكيل سيارات "كيا ورينو" في مصر تأخر تسليم سيارات "كيا سيراتو" و"رينو لوجان" إلى الشركة الأم في كل من كوريا الجنوبية والمغرب ، مؤكدا أن أسعار قطع غيار التوكيلين ليست غالية وفي المتناول.

وقال يوسف في حوار مطول مع ملحق سيارات "أخبار اليوم" إن السوق المحلي بدأ يتعافى من أثار الأزمة الاقتصادية العالمية بفضل التعامل المصري مع الأزمة الذي لم يؤثر كثيرا على المبيعات.

وكشف رئيس قطاع السيارات عن أن سبب تأخر تسليم السياراتين "سيراتو ولوجان" راجع لأن الشركة الأم قللت الإنتاج بفعل الأزمة ، وفضلت بعض الأسواق على السوق المصري ومنها السوق الأمريكي الذي تحول بفعل الأزمة للسيارات الصغيرة المفضلة لدى المصريين.

ونفى في الوقت ذاته تعمد شركته لتعطيش السوق من أجل رفع سعر السيارة لدى الموزعين ، مؤكدا أن الطلب المتزايد على "سيراتو ولوجان وكذلك كارينز" راجع لأنها سيارات حققت نجاحا مبهرا في السوق المصري.

الخبر منقول من كونتاكت كارز نقلا عن ملحق الأخبار

يعنى توكيلنا فى مصر بالصلاة على النبى فى السليم و ملوش دعوة بالتأخير و لا بتاع و لا الشاى اللى بالنعناع

**Ghost2** · 07-10-2009 12:52 AM

طيب حضرتك اديني مبرر ان العربية الخليجي التاجر بيجيبها رخيصة ويبيعها اغلى من سعر الوكيل .. وطبعا ده مش موجود في الماركات تانيه لان الخليجي طول عمره ارخص .. انا شايف انه من المنطقي ان التوكيل هو اللي عامل القلق ده .. لان الناس لو اشترت الخليجي رخيص محدش هيشتري من التوكيل ..وهو عارف كويس ان الناس لو اشترت الخليجي وعملو شكوى للشركة الام هيدخل العربية الضمان حتى لو خليجي لانها كده كده من انتاج شركة كيا ولو ده حصل ستصبح كيا مصر مجرد مركز لصيانه السيارات الخليجي يعني بدل ما يبيع عربية هيصلحها ويبيع قطع غيارها بس ومن المنطقي ان رئيس الشركة يقول ملناش دعوه .. يا سيدي الفاضل .. انا لحد الان مشفتش في مصر وكيل سيارات بيتعامل مع العملاء بشفافية وصدق .. من اول هيونداي لحد جاجوار .. ربنا يحنن قلب الوكلاء علينا

**Samah AbdAllah** · 07-10-2009 02:34 AM

يعنى هو ممكن يقول معلش يا جماعة التأخير من عندنا؟

**m_o_sakr** · 07-10-2009 09:16 AM

But i also don't agree with EIm policy for the 3 month waitng, the should manage them self better than this,,

**أحمد كمال** · 07-10-2009 11:27 AM

المشاركة الأصلية كتبت بواسطة ghost2

طيب حضرتك اديني مبرر ان العربية الخليجي التاجر بيجيبها رخيصة ويبيعها اغلى من سعر الوكيل .. وطبعا ده مش موجود في الماركات تانيه لان الخليجي طول عمره ارخص .. انا شايف انه من المنطقي ان التوكيل هو اللي عامل القلق ده .. لان الناس لو اشترت الخليجي رخيص محدش هيشتري من التوكيل ..وهو عارف كويس ان الناس لو اشترت الخليجي وعملو شكوى للشركة الام هيدخل العربية الضمان حتى لو خليجي لانها كده كده من انتاج شركة كيا ولو ده حصل ستصبح كيا مصر مجرد مركز لصيانه السيارات الخليجي يعني بدل ما يبيع عربية هيصلحها ويبيع قطع غيارها بس ومن المنطقي ان رئيس الشركة يقول ملناش دعوه .. يا سيدي الفاضل .. انا لحد الان مشفتش في مصر وكيل سيارات بيتعامل مع العملاء بشفافية وصدق .. من اول هيونداي لحد جاجوار .. ربنا يحنن قلب الوكلاء علينا

لأن الخليج مش بيحبوا الكوري و سهل يسحب كل المخزون من الوكيل اللي هناك

-

الموضوع: الشركة الأم سبب تأخر تسليم "سيراتو وكارينز"!!!!!!!

LinkBack

أدوات الموضوع

عرض