معلومات عن فيات لينيا اللى مش تربو ؟؟؟؟؟

**abohalmos** · 07-10-2009 02:10 AM

يا جماعة عايزين شوية معلومات عن لينيا بالماتور العادى مش التربو

هل اولا موجودة فى موديل 2009 و لا الموديلات القديمة بس ؟؟؟؟؟؟؟
خصوصا ان مش كل الناس بتاعة شد و جرى فيه ناس برضه عندها اسرة و بتمشى بالراحة عشان المدام و الاولاد (زيى كده ) و برضه فيه فرق فى السعر مش قليل للناس اللى فاتحة بيوت و لا ايه ؟؟؟؟؟؟؟

2- نوع الوقود المستخدم للماتور العادى لانه مكتوب هنا نسبة الانضغاط 1:11 و ده معناه انها تاخد بنزين 95 على الاقل مش كده ؟؟؟؟؟؟؟؟؟؟

3- المرايا بتاعة العربية سواء التربو او العادية تحس انها طالعة لبرة اوى و بارزة عن العربية يعنى ممكن تتخبط بسهولة فى الزحمة صح و لا ايه يا جماعة ؟؟؟؟؟؟؟ يعنى اقصد المراية بتتقفل ممكن و لا تفضل مفتوحة كده على طول ؟؟؟؟؟؟؟

4- الماتور العادى بتاعها بيدى 77 حصان طب ده مش قليل عليها لو معاك ناس و مشغل التكييف و كده ؟؟؟؟؟؟؟؟؟؟؟ مع العلم انى عمرى ما بمشى اكتر من 120 كم و مش بتاع سحب و جرى و شد و كده و كمان موضوع 8 صباب يعنى زى تقريبا الافيو ........ محتاجين شوية معلومات عن قدرات الماتور ده و يا سلام لو حد عنده الموديل ده و يخبطنا تقرير من اللى هوا

5- شكرا مقدما

**lolo2884** · 07-10-2009 02:29 AM

حضرتك اعمل بحث هنا هتلاقي انشاء الله تقريري عن العربية

**SeiffoZ** · 07-10-2009 02:30 AM

ال77 حصان دول صافى ... يعنى هتأخذهم كلهم ..
مش زى الأفيو بيحسبلك الحصان بتاع الموتور بس مش كله بتستفيد بيه ..

طبعا هتبقى معاك زى الفل .. لكن ما تتوقعش منها أداء محرك قوى على السرعات العالية ..
تمشى على 120 130 حلو قوى بيها و هتديك كل إللى إنت عايزه

**abohalmos** · 07-10-2009 05:12 AM

المشاركة الأصلية كتبت بواسطة lolo2884

حضرتك اعمل بحث هنا هتلاقي انشاء الله تقريري عن العربية

اهلا بيك

حضرتك اول لينياوى فى المنتدى

و اكيد حضرتك دلوقتى عملت بالعربية مسافات كبيرة

لو امكن يعنى تدينا حضرتك تقييم عن العربية دى طول الفترة اللى فاتت و رايك فيها ايه دلوقتى ؟؟؟؟ و هل حضرتك ندمان انك مجبتش التربو بتاعها ؟؟؟؟؟؟

كمان ملاقيتش التقرير المصور بتاع حضرتك ؟؟؟؟؟؟ هوا حضرتك نزلت صورها و لا لا؟؟؟؟؟

و برضه محتاج رأى حضرتك فى موضوع انه المرايا بارزة شوية لبرة يعنى ممكن تتخبط بسهولة ......؟؟؟؟؟؟؟ يعنى بتتقفل زى المرايات التانية و لا بتفضل مفتوحة ؟؟؟؟؟؟

برضه لو امكن حضرتك جدول الصيانات و قطع الغيار ؟؟؟؟؟؟

و اخيرا عملت ايه فى الخبطتين اللى العربية خدتهم قبل كده ؟؟؟؟؟؟؟ يعنى صاج العربية اخباره ايه ؟؟؟؟؟؟ وزى ايه من العربيات الجديدة مثلا ؟؟؟؟؟؟؟

و اخبار التكييف معاك ايه ؟؟؟؟؟ اصلى انا من الصعيد و موضوع التكييف عندنا اهم من العربية نفسها ؟؟؟؟؟؟؟؟؟

و التوكيل برضه اخباره مع حضرتك ايه ؟؟؟؟؟

معلش لو اسئلتى كتييييييييييييييييييرة بس انت اول لينياوى هنا و لازم نستغلك هههههههههه

**lolo2884** · 07-10-2009 01:40 PM

انا حضرتك انهاردة كنت في التوكيل بعمل صيانة 10000 وخبطتين تاني غير الاولانيين وانشاء الله هقولك علي كل اللي انت عايزة مع اني مابحبش الاستغلال بس عشان خاطر الناس الحلوة اعضاء نايل موتورز الي زيك هديك تقييم رخم علي ماتخلصة قرايت تكون فيات نزلت موديلات احسن التقييم كمان اسبوعين اول ماتطلع من التوكيل بالصور والافلام اوكي

**abohalmos** · 07-10-2009 02:07 PM

المشاركة الأصلية كتبت بواسطة lolo2884

انا حضرتك انهاردة كنت في التوكيل بعمل صيانة 10000 وخبطتين تاني غير الاولانيين وانشاء الله هقولك علي كل اللي انت عايزة مع اني مابحبش الاستغلال بس عشان خاطر الناس الحلوة اعضاء نايل موتورز الي زيك هديك تقييم رخم علي ماتخلصة قرايت تكون فيات نزلت موديلات احسن التقييم كمان اسبوعين اول ماتطلع من التوكيل بالصور والافلام اوكي

ده حضرتك اللى ذوق و عسل كمان

على فكرة انا بعد اذنك امبارح قريت كل مشاركاتك من اول واحدة للاخر حتى قعدت عليهم من الساعة اتنين صباحا لحد الفجر مع انى كونت فى قمة الارهاق بس بصراحة حلاوة المشاركات و تميزها اجبرونى انى اكمل للاخر

بس معلش انا مش فاهم ايه قصد حضرتك هل العربية هاتقعد فى التوكيل اسبوعين عشان الخبطتين و صيانة 10 الاف كم

شكرا مقدما

**bahaahssn** · 07-10-2009 07:53 PM

السلام عليكم
مستر لولو هل حصل عندك اى نوع من انواع المشاكل للعربية فى خلال ال 10.000كم اللى فاتوا يا ريت توضحلنا المشاكل بالتفصيل و هل العربية ظهر فيها اى عيوب

**lolo2884** · 07-10-2009 10:39 PM

المشاركة الأصلية كتبت بواسطة abohalmos

ده حضرتك اللى ذوق و عسل كمان

على فكرة انا بعد اذنك امبارح قريت كل مشاركاتك من اول واحدة للاخر حتى قعدت عليهم من الساعة اتنين صباحا لحد الفجر مع انى كونت فى قمة الارهاق بس بصراحة حلاوة المشاركات و تميزها اجبرونى انى اكمل للاخر

بس معلش انا مش فاهم ايه قصد حضرتك هل العربية هاتقعد فى التوكيل اسبوعين عشان الخبطتين و صيانة 10 الاف كم

شكرا مقدما

هتقعد اسبوعين عشان الخبطتين هما مش خبطتين بس بصراحة هما ياسيدى باب خلفى يمين ورفررين ورا والعتية يمين وكام خدش كدا(بس)

بس هيا مافيهاش اى حاجة خالص زى الفل ا
وانا يشرفنى انك قريت مشاركاتى كلها
هقولك حاجة هيا والله مافيهاش مشاكل خالص انت اشتريها كل اللى بعملو للعربية بوديها تتغسل وبديها بنزين وبسوق وبخبطها الحمد لله وبخصوص البودى هو جامد انا خبطت فى عمود نورقبل كدا مرة يمين ومرا شمال و مافيش خدش مكانة بس الخبطات اللى ودتها دى كانت جامدة شوية
والمراية مش طالعة لبرة خالص بالعكس بس هيا بتفتح على الجنب التانى وكل شويا واحد زى حالاتى سواقتة على ادة يخبطهالى تيجى طالعة لقدام واعدلها بس وتكييفها رائع والله جدا وهما بيقولو والله اعلم انها هتنزل تربو بس وانا برشحلك التربو هو مش عشان دى وحشة لأ التربو مافيهوش مشاكل انا كنت هجيب تربو بس كانت مشكلة كماليات معايا بس الهاى لاين 110 والله جباااااااااارة وسعرها رهيب على امكانيتها والتربو بياخد 92 عادى والعربية اللى من غير تربو بتاخد 90 عادى بس ماتكترش منه يعنى بخليه فى حالة لو ملقتش 92 هحكيلكوا عن التوكيل والتأمين هما محترمين فى التعامل جدا وسعر صيانة 10000 هيكلف كله كله حوالى 450 هو المهندس قالى زيت ب235 وفلتر ززيت 90 و مصنعيات وكدا معلش طولت عليكم بس لسه لما تيجى السنيورة التقرير انشاء الله

**lolo2884** · 07-10-2009 10:48 PM

المشاركة الأصلية كتبت بواسطة bahaahssn

السلام عليكم
مستر لولو هل حصل عندك اى نوع من انواع المشاكل للعربية فى خلال ال 10.000كم اللى فاتوا يا ريت توضحلنا المشاكل بالتفصيل و هل العربية ظهر فيها اى عيوب

هيا مافيهاش مشاكل خالص حط بنزين وامشى بس ماتخبطهاش زي ما انا بعمل
هيا فى حاجة بس انها مش بتاعة سحب وشد بس هيا موفرة جدا اعلى سرعة 165 ثباتها رائع كنت هتقلب سرحت مرة وباخد ملف ضيق على 130 الدريكسيون لعب من مرة واحدة وماتفهمش ايه اللى حصل وعدلت نفسها معجزة الحمد لله

بلاش تجيب اللون الاسود منها بيلم تراب زى اى لون اسود والالوان بتاعتها التانية حلوة وجميلة وجذابة كدا