عرض للطباعة
بعد لما رخصت عربيتى فى المنصورة وانا كنت شارى السيارة من المصريه قالوا لى الضمان عند اقرب فرع لمنصور فى مدينتك وهو فى المنصورة فى شارع عبد السلام عارف ولمعرفه اقرب موزع فى مدينتك اتصل ب الرقم المختصر لشركه منصور وهى 16424 وبعدين بيصوروا الرخصه وبطاقه ماللك السيارة وبعد اسبوع بتروح تستلم الكتالوج والضمان ارجو انى اكون قد خدمتكم بشئ
انا ماردوشي يدوني الكاتالوج مع العربيه بس استنيت كام يوم و جيبته بالعافيه
انا بصراحه ادولى الضمان على طول
التقيم ناقص الأسوء وهيا بصراحة بدون زعل الأسوء أنا معايا العربية بقالها سنة ونص ونفسي أخلص منها النهردة قبل بكرة
نفس رأيي بالظبطاقتباس:
التقيم ناقص الأسوء وهيا بصراحة بدون زعل الأسوء أنا معايا العربية بقالها سنة ونص ونفسي أخلص منها النهردة قبل بكرة
طيب هى الافيو وحشه ليه ..... الاخوة الزملاء برجاء الافادة عن اسباب رفضكم للافيو او حبكم ليها
علشان انا ناوى باذن الله اشترى افيو اتوماتيك .... يارب يخليكم افيدونى بسرعه
مع شكرى واحترامى
أهلاً بيكاقتباس:
طيب هى الافيو وحشه ليه ..... الاخوة الزملاء برجاء الافادة عن اسباب رفضكم للافيو او حبكم ليها
علشان انا ناوى باذن الله اشترى افيو اتوماتيك .... يارب يخليكم افيدونى بسرعه
مع شكرى واحترامى
حضرتك ممكن تقلب في مواضيع شيفروليه أكيد هتعرف و على فكرة معظم الي كاتبين مواضيع يمتلكون السيارة
في اسباب كتير متعلقة بالسيارة نفسها
زي مشاكل الأر بي ام بيعلق
الكاسيت على طول بايظ
المساعدين عمرهم حمولي 10000 او 15000 كم ( في الاستخدام العادي )
علبة الدركسيون
الطنابير بتتغير قبل ما التيل يخلص
و هكذا
و بعض المشاكل المتعلقة بالتوكيل
و دي حتلاحظها بردو
ان انت شاري عربية بـ 86000 الف جنيه هتعملي فيها مش عارف ايه أحمد ربك الاهم الي راكبين فوق 120000
يعني القانون لا يحمي .....
و الانيل من كدة
ان اوتوماستر بيركب قطع غيار مضروبة او مستعملة و منصور سايبة شغال عادي و ده كلام عضو معانا هنا شغال في منصور نفسه
رأيي ابعد عنها خالص بلاش وجع دماغ
و لو تحب تجرب عربيتي انا تحت امرك بس هي مانيوال عاملة 35000 كم و كل صيانتها في مقار و شوف البلاوي بنفسك
ده رابط موضوع حاول تقراه
http://www.nilemotors.net/Nile/93324-a.html
بالظبط كده بس أنا مبستخدمش الكاسيت فمعلقش معايا (ربنا يخلي الراديو)اقتباس:
المشاركة الأصلية كتبت بواسطة أبـو آســـــر
وعلبة الدركسيون لسا سليمة عندي
والعربية المساعد ضعيف وممكن يتني من أي مطب (وده كلام ناس في التوكيل وقالولي لو تعرف تجيب مساعدين مختلفين يبقى أحسن)
العربية بتخلف زوايا بسبب أي حفرة في الأرض(هتظبط زوايا كل ٣ أو ٤ أسابيع بالكتير)
الجنوط الحديد الhardness بتاعتة مش كويسة وهترصص كل شهر أو تجنط(كلام من ناس في التوكيل برده)
وكل رد التوكيل هو كده وعلى قد تمنها :rfds:
وعادي لما تلاقي رئيس خدمة العملاء يقولك هو كده وبره التوكيل (ويشتم) ولما تزعق فية وتشتمة وتهدده إن لو العربية متصلحتش هتوديه في داهية تلاقي العربية بقدرة قادر بيصلحوها
ده غير إن منصور نفسة بيركب طنابير وtps مستخدمين ولما تقلهم يقولك مكتوب في الضمان إن التوكيل ممكن يركب قطع مستخدمة تم تصليحها قبل كده!!!
العربية عاملة ٢٧٠٠٠ كم وهتتباع في أقرب فرصة إن شاء الله
لا حول ولا قوة الا بالله