أفكار لسيارتك ....... تكسب بها حسنات

**MTAK** · 10-11-2007 08:59 AM

الدال على الخير كفاعله

جزاك الله خيرا

**gade2** · 10-11-2007 09:05 AM

فكره حلوه يابو حمزه ...لكن الواحد لازم ياخد حظره برضه مش اى حد عمال على بطال اركبه ممكن ياذينى
لكن فى النهايه فكره كويسه لو طبقنها بحرص

**sab3aawy** · 10-11-2007 02:21 PM

روح يا شيخ الله يفتح عليك

لو كلنا فكرنا بالأسلوب ده ممكن بلدنا ترجع له روحها الطيبة بتاعة زمان

كتر الله من امثالك

**اسلام المصرى** · 10-11-2007 02:27 PM

جزاك الله خيرا يا أخ أبو حمزه :-) موضوع جميل و أفكار رائعة بارك الله فيك. أنا متفق معاك فى كل حاجة ما عدا:

خذ أي حد في سكتك

بقلق الصراحه و خصوصا الناس ديه بيكون معاها حاجات و شنط و مش عارف فيها أيه.... و الزمن ده معادش فيه أمان , أنا بعملها ساعات لو سيدة عجوزة مثلا أو رجل كبير فى السن أنما الشباب ممكن يسلكوا و يتشعبطوا فى أى مقطورة

ربنا يحفظنا جميعا من كل سوء.

**Heshaam** · 10-11-2007 02:38 PM

جزاك الله خيرا

والله كلها أفكار جميلة والواحد إن شاء الله يحاول يستفيد بيها ويطبقها

**Zekairy** · 10-11-2007 03:57 PM

المشاركة الأصلية كتبت بواسطة sab3aawy

روح يا شيخ الله يفتح عليك

لو كلنا فكرنا بالأسلوب ده ممكن بلدنا ترجع له روحها الطيبة بتاعة زمان

فعلاً يا جماعة
والله ممكن المعاني الجميلة دي ترجع تاني
وممكن نكون احنا السبب في رجوعها لو أحييناها بين الناس

بس أهم حاجة إننا نبدأ بالتنفيذ ولا نكتفي بعبارات التشجيع وفقط لأننا اتعودنا في المنتدى هنا على العمل الفوري الإيجابي المفيد
وده ملاحظ في أعضاء المنتدى هنا بالفعل
ناس بتحب تفيد لوجه الله
ربنا يكثر من أمثالكم

**Hazemabdallah** · 10-11-2007 04:11 PM

ربنا يجزيك كل خير , على الموضوع الجميل ..

و هى وصية النبى - صلى الله عليه و سلم - , لكل من ملك ما يزيد عن حاجته من مال أو ركوبة ..

عن أبي سعيد الخدري رضي الله عنه قال: بينما نحنُ في سفرٍ مع النبي صلى الله عليه وسلم إذ جاء رجلٌ على راحلة لهُ، فجعل يصرفُ بصره يميناً وشمالاً، فقال رسول الله صلى الله عليه وسلم : (( من كان معه فضلُ ظهرٍ فليعد به على من لا ظهر له، ومن كان له فضل زاد ، فليعد به على من لا زاد له )) فذكر من أصناف المال ما ذكر حتى رأينا أنه لا حق لأحدٍ منا في فضل. رواه مسلم ..

الصراحة أكثر حد شفته بيعمل الحكاية دى حمايا , أكون راكب معاه العربية , و فجأة ألاقيه بيركن و بيركب راجل مريض , أو ست عجوزة , و سبحان الله , ساعات الناس بيكونوا رايحين فى نفس المشوار اللى احنا رايحينه ( حصلت قدامى ثلاث مرات ) , لدرجة أنى مسميه ( الصياد ) .. صياد حسنات يعنى .. ;) ;)