النهارده كنت مطبق علشان نازل رايح البنك الصبح فى مهمه رسميه و لسه طالع من شارعنا لاقيت عربيه ايوس الناس ملمومه عليها.. الاول كنت فاكرها جيتا ..و علشان طبعا انتمائى لفولكس قلت اشوف فيه ايه .. بس لما قربت لاقيتها ايوس انا كمان استغربت ايوس فى منطقتنا (منطقتنا شعبيه شويه) دى بتحصل مع كسوف الشمس.. المهم اتضحلى انها مخبوطه..اتفرجت على الخبطات و مشيت .. و قلت يا خساره كان نفسى اصورها لنايل موتورز .. بس الناس ملمومه و لو شافونى بأصورها هيضربونى علقه.. و صاحب العربيه بالذات لو شافنى ممكن يخبطنى بأى طوبه فى دماغى و احنا عندنا الطوب بخيره .. المهم رحت البنك و ما غبتش هناك و انا راجع لاقيت صاحبها قفلها و مشى و مافيش حد حواليها ..قلت هى دى اللحظه .. و صورتها فى الخباثه .. بس بأمانه العربيه و صاحبها صعبوا عليا ..اسيكوا بقى مع الصور و اسف للاطاله
طبعا انا عارف ان العربيه مش لايقه مع المنطقه خااااااااااالص ههههههههههههه بس هو اللى جابه لنفسه العربيه دى لو معايا ما كنتش اروح بيها الا مناطق معينه بس ههههههههههههه
المفضلات