سحب العربية بيقل احيانا

**SAMEH_FOUAD** · 12-10-2009 04:06 PM

ممكن بس تكون حراراة العربية بالنهار عالية ,عشان كدة بتاثر على اداء السيارة ,وانصحك ماتجريش بالنهار او تشد على العربية عشان السخونية الناتجة من الاحتكاك العالى لاجزاء الماتور بتزيد مع الجو الحر او بالنهار عموما فبياثر على الماتور بسرعة ,بعكس الليل بيبقى الهواء اللى بيبرد الماتور حراراتة منخفضة فبيرد اجزاء الماتور بسرعة

**SAMEH_FOUAD** · 14-10-2009 06:18 PM

طيب ماتنظف فلتر البنزين الاول يمكن يكون مسدود

**samirayad** · 14-10-2009 06:47 PM

اعتقد انه فعلا هايكون فلتر عاوز تغيير

أديها فلتر جديد وريح نفسك علشان نشوف الجديد
وأرجو من الله أن يكون هو فقط لاغير

وكويس على اللى راكب 20 ألف

الموجود بقاله 20 ألف كيلو

مع بنزينا الجميل

حسبى الله ونعم الوكيل فى بتوع البنزينات
الفلتر عندك عامل نصف المطلوب
حتى الفلتر بيعاملنا
على أننا عالم تالت

ههههههههههههه

**waled369** · 15-10-2009 11:14 AM

طبعا كل اللي ذكره الأخوة صحيح ربما يكون السبب بس كمان فيه أسباب تانية بتأثر على السحب يعني مثلا عندك الاسبراتير ممكن يكون بيتحرك مش مربوط كويس أو فيه شرخ مثلا و ممكن طقم الأسلاك اللي واصلة م الاسبراتير على البوجيهات يعني ممكن يكون بسبب حاجة في الكهرباء مش بس الميكانيكا عامة طالما انته مغير اسطوانة الدبرياج يبقى عندك دايرة البنزين شوف جايز تكون الأنابيب فيه شوائب أو الفلتر متسخ أو الطلمبة لما بتسخن بيضعف أدائها أو البخاخات أو موزع البخاخات نفسه متسخ أو الكهرباء زي ما قلت لك و ربنا يوفقك و تحل المشكلة .

**mtradwan** · 15-10-2009 01:13 PM

دى مشكلة طلمية البنزين لأن المشكلة دى كانت عندى ومكنتش عارف ايه سببها وكنت كنت شوية اغير حاجة فيها علشان اعرف المشكلة فمثلا غيرت فلتر الهواء وفلتر البنزين والبوجيهات ... الخ لكن عرفت ان المشكلة فى طلمبة البنزين ولازم تجيبها استيراد علشان تبقى اصلى لان كل الزيرو مضروب

**mtradwan** · 15-10-2009 02:09 PM

ياريت لو حد يعرف حاجة عن السيارة هيونداى اكسنت اذا كانت حلوة ولا لأ وايه عيوبها ومشاكلها واسعار قطع غيارها ايه وكل حاجة عنها ... ياريت يرد عليا بسرعة ... وجراكم الله خيراً