سحب العربية بيقل احيانا

**wisambasha** · 07-10-2009 11:41 AM

استفسار بخصوص مشكلة تظهر وتختفى وهى ان العربية وهيا ماشية وبالذات علي الغيار التالت واحيانا التاني والرابع آجى ادوس بنزين متديش اى رد فعل يعنى ابقى دايس دواسة البنزين على الآخر ووالعربية تحس انها مخنوقة و ما بتسحبشي مع تقطيع (رجرجة) وكل ما كنت ازود بنزين مكانش بيفرق معاها وبعدين تروح لوحدها المشكلة دى بتظهر وتختفي علي فترات زمنية متباعدة مع العلم انا لسه مغير طقم دبرياج من 3 شهور وايضا نضفت فلتر الهواء بعد تغييره وغيرت بوجيهات

دلوقتى انا مش عارف هل العيب تانك البنزين عايز تنظيف ولا تنظيف الحساسات والبخاخات ولا طلمبة البنزين باظت ولا اغير فلتر البنزين ولا اية... ارجو من الاخوة الافاضل ارشادى

**gabr_mer** · 07-10-2009 03:08 PM

ده عيب فى الرشاشات هاتلاقيها عايزة تنظيف بجهاز الألترا سونيك ودى عملية سهلة و بتدى نتائج هايلة يعنى بتحس بفرق كبير جدا قبل التنظيف و بعد التنظيف و ممكن تنظفها فى مركز الرضا لصيانة السيارات الحديثة و رقم تليفونهم 0106664900 و صاحبه إسمه مهندس رضا وتحياتى

**wisambasha** · 07-10-2009 03:44 PM

المشاركة الأصلية كتبت بواسطة gabr_mer

ده عيب فى الرشاشات هاتلاقيها عايزة تنظيف بجهاز الألترا سونيك ودى عملية سهلة و بتدى نتائج هايلة يعنى بتحس بفرق كبير جدا قبل التنظيف و بعد التنظيف و ممكن تنظفها فى مركز الرضا لصيانة السيارات الحديثة و رقم تليفونهم 0106664900 و صاحبه إسمه مهندس رضا وتحياتى

اشكر حضرتك علي سرعة الرد بس اسمحلي هم عنوانهم فين بالظبط كمان هي اسعارهم ايه وهل حضرتك اتعاملت معاهم قبل كدة

**SAMEH_FOUAD** · 08-10-2009 01:50 AM

على فكرة دية هتلاقيها طلمبة بنزين ,لائما تفكها تنظفها ,لائما تغيرها ,وممكن تفكها تقيس قوتها عشان ساعات بتضعف ومش بتدى القوة الكهربائية بتاعتها صح عشان تضخ البنزين للماتور ,
ولو ممكن تلاحظ هتلاقيها بتعمل كدة بعد مشوار طويل شوية ,او لما تسخن ,وانا استبعد رشاشات عشان لو رشاشات هتلاقى العربية بتنتش ومش بتمشى مظبوطة ابدا ,وهتلاقى الاربى ام بيلعب كل شوية

**toto_sh** · 08-10-2009 05:36 PM

تعقيب على طلمبة البنزين ...... انا برجح نفس العطل انه فعلا في طرمبة البنزين..... او الموبينة لان المفترض ان ده عيب كهرباء قبل ما تدور على الرشاشات ...

**samirayad** · 09-10-2009 12:22 AM

ولا اغير فلتر البنزين ولا اية

أرشحلك أن تبدأ بهذا

**wisambasha** · 09-10-2009 09:18 PM

المشاركة الأصلية كتبت بواسطة samirayad

أرشحلك أن تبدأ بهذا

هو المفروض الفلتر بيتغير على كام ألف? الموجود بقاله 20 ألف كيلو

**samirayad** · 09-10-2009 09:23 PM

فلتر البنزين من خلال كتالوج الدايو
بيتغير كل 40 ألف

بس ده مع أنواع البنزين النظيفه

وعندنا المفروض بنرتبط بغياره عند أى وضع غير طبيعى فى السحب

لأن أنت عارف المصريين وألاعيبهم فى غش البنزين

فممكن تقع فى بنزينه مغشوشه
وتغير الفلتر بعد 5 آلاف ......مش 20 ألف
وفى حالتك المفروض تبدأ بالأسهل وهكذا
يمكن ربنا يسهل وتلاقى المشكله أتحلت
وأكشف كمان بالمره على فلتر الهواء (يعنى نظفه بالهواء )