متشكر جدا عالردود الحلوة دي و تواصلكم معانا في الموضوع المقصود منه كالعادة السخرية من حالنا و حياتنا في مصر........اللي بقت فعلا لازم نضحك عليها و الا نطق و نموت.........
بالنسبة لموضوع المهمة الصعبة في ظلام لليل فرد أبو عبدالله عجبني جدا و قعدت أضحك بجد من قلبي و عايز أقوله انه مهما كانت العملية صعبة مش مهم المهم النتيجة و ان الايصال طلع من أول مرة ما قليش حاول في وقت لا حق مثلا......كلنا لازم نضحي!!!!!وانت اللي هتغني يا منعم.............
شوفوا فين النظام في الموضوع (أحب أقول ده نظام قبل ما يكون رفاهية)
-المخالفة خدتها من عربية شرطه سرية ما قدرتش أبق معاه
-المخالفة نهائية لا مجال فيها لوكيل النيابة و لا للواسطه لأن ايصال المخالفة مفيهوش قيمتها الادارة هيه اللي بتحدده بناء على وصف الحالة اللي الظابط كاتبه
-خلال شهر لازم تدفع و نبئى خالصين علشان تتعور فيها و تحترم القانون بعد كده مش تخالف و تعيش حياتك و بعدين تدفع براحتك في اي وقت و بعد مرور الشهر تصبح الضعف
-لا داعي للزحام في المرور نهائي كل المخالفات و حتى رسوم استخراج الرخصة أول ما جيت كله من عالنت أو من ماكينات الصراف
-حتى لو جبت عربية زيرو لازم تروح تستلمها من المعرض أو التوكيل مترخصة جاهزة بالنمر مش تطلع من غير نمر ولا بنمر تجارية و تعيشلك أسبوع ولا حاجة من غير نمر و تعملك كام مصيبة و طبعا ضد مجهول (واحد جارنا اتسرقت منه النترا 2009 زيرو لسه معلقتش نمر و طبعا عوضه على الله).................
أما بالنسبة لموضوع الرفاهية و العيشة أنا بقالي سبع شهور بس و قريبا جدا راجع مصر.....هما يومين كده شغل و خلاص..................
و أرجع أشوف العناد....في عيون الولاد.......و تحدي الزمن