ياباشا لو فيه عربية عطلانة على كوبري 6 أكتوبر الكوبري هيقف - ومطالع الكوبري هتقف ولما مطالع الكوبري تقف الجيزة كلها هتقف عشان الفهلوية اللي طالعين الكوبري اللي واقف جايين - مثلاً - من اقصى الشمال ويطلعوا من المطلع اللي عاليمين ويقفوا - ماهو المطلع واقف - وهكذا وشوية وهتلاقي كل الشوارع اللي بتؤدي للكوبري مثلا وقفت العيب مش اللي انت قلته وبس !!! هي منظومة فيها كل الناس اللي ماشية في الشارع بما فيهم بتوع المرور ولو عربية واحدة بس استهبلت الدنيا كلها باظت - وجهة نظر شخصية بحتة وعن تجربة لأني كنت شغال في شارع جامعة الدول العربية وبيتي في مساكن شيراتون وكنت بانزل الاقي الطريق واقف من أول شارع جامعة الدول والسبب ان البطل واقف والسبب انه مطلع الكوبري واقف والناس مصرة تطلع الكوبري من اقصى الشمال ويقرطسوا الناس اللي واقفة عاليمين ومستنية الكوبري يتحرك ولما اطلع الكوبري وامشي مثلا لحد رمسي او غمرة تكتشف ان في عربية عطلانة في الحتة الضيقة اللي فوق الاسعاف او تشريفة كانت طالعة من التحرير وبتوع المرور- اللي مش غلابة - بيوقفوا الكوبري عشان التشريفة تعدي
غير كدة الميكروباصات والتاكسيات اللي مش مقتنعين ان في حد تاني من حقه يمشي في الطريق - ان شاء الله يكون واحد بيعدي عشان يركب الميكروباص - وكأنهم لوحدهم في الشارع وزي ما قلت المرور مش بيقدر يتفاهم معاهم لانهم شوية بلطجية ولو لاحظتم اثناء مرور التشريفات الجامدة بس بيقدروا عالميكروباصات ويمنعوا مرورها في المكان اللي هما عايزينه - انا شايف ان المرور ورجاله يقدروا بس مش عايزين وهما كدة بيسترزقوا واللي بيخالف مبسوط بنفسة كدة بيعمل اللي هو عايزه ويعدي بعشرة ولا عشرين ولا حتى خمسين او مية جم وخلاص على كدة
البيضة الأول ولا الفرخة --- موضوع المرور شبهها شوية -
عايزين رجالة مرور في الشارع يكونوا رجالة فعلا وفي نفس الوقت ناس مستعدة تنفذ القانون وتطبقه وفي كتير من الأحيان ممكن عربية تقطع اشارة غلط والناس تتطلع وراه واتقفل التقاطع كدة وشكرا عايزين بقى حلال عقد ييجي يفك التقاطع
المفضلات