سؤال قديم بس افتكرته فجأة

**M.Mekawy** · 07-10-2009 02:20 PM

هوة السؤال دا قديم شوية و أكيد اتسأل قبل كدة , بس جه فى دماغى دلوقتى و افتكرت انى طالما فكرت فيه دون الوصول لاجابة شافية
هما ليه حاطين يفط عالمحور بتقول " أمامك رادار على بعد.... كيلو"
يعنى اللى حاطين اليفط دى كانوا عايزين ايه بالظبط ؟؟

**Amrrr** · 07-10-2009 02:26 PM

عشان عايزين الناس ماتجريش بس ومش عايزين يحصلوا منهم مخالفات !!! وبرضة الناس بتجري فوق التسعين وتيجي عند الرادار وتهدي !!! واخدين موقف من الرادار ومن السرعة القانوني ومن اي حاجة ليها علاقة بالقانون

**أبو صلاح** · 07-10-2009 02:29 PM

هو برضه احسن من مفيش
وفي اعتقادي انها فكرة ناجحة الى حد ما
بتخليك ماشي على المحور باحترامك حتى لو جريت بيقى بحدود لان ظروف الطريق مش هتساعدك (أقصد العربيات اللي ماشية معاك على نفس الطريق)

**mohamed_rhem** · 07-10-2009 02:39 PM

علشان لما تتصور 4 مرات يبقي مبكش حجة
ده لو الردارات شغالة

ولو مش شغاله الواحد يحترم نفسه ويمشي قانوني

**M.Mekawy** · 07-10-2009 02:41 PM

ياخوانا انا مش بسأل هما ليه حاطين رادار , ما الطبيعى انهم يحطوا رادار .....
أنا بكلم هما ليه بيقولولى على مكانه , المفروض ان الطبيعى ان مكانه ميبقاش معروف و متغير عشان الناس تفضل ماشية باحترامها طول الطريق , او انهم يعرفوا يحصلوا مخالفات اكتر , ايا كان الغرض........

**zaza_lanos** · 07-10-2009 02:48 PM

ده متبع فى امريكا وكمان فى اجهزة لكشف الرادار
وسعات بتبقى رادارات وهمية

ده علشان الناس تخاف ومتكسرش السرعة
ومحدش من بتوع المرور هيقولك ايه السبب
للانهم بينقلوا عميانى من غير ميشغلوا الطاسة

**Amrrr** · 07-10-2009 03:03 PM

عموما انا لحد دلوقتي معرفشي اي حد جاتله مخالفة رادار عالمحور مع اني تقريبا كل اللي أعرفهم اتصوروا حتى والدتي شخصيا خدتلها كام صورة وكان معاها والدي وبتجري على مستشفى الشيخ زايد عشان كان تعبان والمخالفات دي مشفتهاش

**SeiffoZ** · 07-10-2009 03:28 PM

عشان الناس ماتجريش و تهدى ..

و مش هتلحق تجمع سرعتك لسرعة عالية .. و هتلاقى اليافطة فى وشك ... هى فكرة كويسة و فعلا ساهمت فى تقليل السرعة ..
عشان معروف إن فى رادار , فالناس لازم هتهدى ..
لكن لو مش معروف رسمى .. هتلاقى الجرى شغال زى الفل

**Ahmed Nouh** · 07-10-2009 05:39 PM

مفهوم اسمه الرادار الصديق

وده بتتبعه الدول المحترمه اللى كل هدفها هو زياده الامان على الطريق , بحيث ان كل ما يكون فى كاميرا سرعه او رادار يقولك قبلها ان كمان كذا فى رادار تقوم انت طبعا مقلل سرعتك فهو يحقق مبتغاه من تخفيف السرعه , لكن غير هنا الحكومه بتتصيد تعملك رادار فى منزل مثلا علشان غصب عنك لو السرعه زادت ياخد منك الاتاوه ولو حتى كنت ماشى 103

بس احنا هنا خدنا النص الاولانى وكبرنا دماغنا من النص التانى , يعنى برا مثلا طريق 150 كيلو علشان يغطيه بالاسلوب ده وليكن كل 5 كيلو رادار مش هيقعد بقا يجيب 240 رادار يرشقهم على طول الطريق لا بيبقى مثلا فى 3 رادارات بس هما اللى شغالين والباقى العلبه بتاعت الكاميرا او الرادار وفاضيه فأنت طبعا مش عارف مين شغال ومين فاضى تقوم تهدى عند كله علشان المخالفات

-

الموضوع: سؤال قديم بس افتكرته فجأة

LinkBack

أدوات الموضوع

عرض

سؤال قديم بس افتكرته فجأة - انشر الموضوع فى :

-

-

-

-

المواضيع المتشابهه

معلش سؤال قديم جداً

سؤال قديم عن عفشجى محترم و امين

سؤال قديم بس محيرني اخد قراراصحاب البيكانتو وال i10يساعدوني

انا لسة جديد معاكو هنا وعندى سؤال يمكن يكون قديم شوية

سؤال قديم من عضو جديد

الكلمات الدلالية لهذا الموضوع

المفضلات

المفضلات

ضوابط المشاركة