مطلوب نصيحة بخصوص السيارة تشانا بيني

**aliabutaleb** · 07-10-2009 02:56 PM

السلام عليكم ورحمة الله وبركاته
الأخوة الأعزاء
صديق عزيز طالب النصيحة بخصوص تشانا بيني
للأسف دورت كتير في المنتدى وملقيتش أي موضوعات تناولتها ولا بالسلب ولا بالإيجاب
صديقي تقريباً أخد القرار إنه يشتريها طبعاً لسعرها المغري وثانياً لان وكيلها شركة تابعة لمجموعة شركات سعودي بما يملكه من خبرة طويلة مع سوزوكي ونيسان.
هل فيه أي مخاوف أو عيوب ظهرت في السيارة؟
سواء من ملاكها أو من حد عنده فكرة.
مع ملاحظة إنه ظروفه المادية لا تسمح بأكثر من المبلغ اللي هايدفعه فيها
وطبعاً انا قناعتي إن المستعمل في الفئة دي هايكون أفضل كتير بس هو مش عاوز يركب مستعمل تاني وكمان هايجيب العربية تقسيط
وضروري لو تقدروا تفيدونا بخصوص أسعار الصيانات وقطع الغيارات ومدة توافرها سواء داخل التوكيل أو إن كانت بتباع خارجه

جزاكم الله خيراً مقدماً.

**aliabutaleb** · 07-10-2009 03:54 PM

انا بعد ما فشلت في إني ألاقي أي معلومات عنها باستخدام خاصية البحث في المنتدى اتصفحت المنتدى الصيني العام صفحة صفحة وكونت فكرة كويسة عنها
بس اللي لا زلت محتاجه هو تجارب الملاك مع التوكيل ومدى توافر قطع الغيار، وإن كان ظهر للسيارة أي عيوب تصنيع أو ما شابه

**Hacker5** · 07-10-2009 04:14 PM

نصيحة خليه يشوف حاجة تانية منتشرة
حضرتك روح جرب بس تقعد جواها
خليك يزود شوية و يجيب اسبيرانزا او سوزوكى التو او لانوس مستعمل نضيف بالسعر دة

**ahmed_elbokl** · 07-10-2009 04:34 PM

اوعى يجبها العربية رديئة عن تجربة اخويا عمل بيها حادثة و العربية اتكهنت و لما راحت التوكيل اخويا دخل لمدير التوكيل يسئلة ايه السبب قلة بمنتهى البساطة انت هتجيب جودة عربية زى نيسان مثلا ب 90000 الف جنه زى عربية ب اربعين الف

**CryptonX** · 07-10-2009 11:39 PM

للاسف معرفش عنها اي معلومات , غير اننا جربناها و هي راكنة طبعا و لم تعطيل لاي احد اي انطباع "بالدوام " او بالاعتمادية ,, جميع الاجزاء " بتزيق " و قفلة الباب سيئة جدا .

ارجحله ال a113 سيارة ممتازة و عيوبها معروفة و بسيطة و ثمنها ممتاز كمان .

**seaf_sawy** · 31-12-2009 04:08 AM

اللهم صل على محمد وعلى آله وصحبه أجمعين

**aliabutaleb** · 31-12-2009 06:57 AM

صلى الله عليه وسلم
رسي في الآخر على بيكانتو :)

**CryptonX** · 31-12-2009 10:19 AM

المشاركة الأصلية كتبت بواسطة أبو حمزة

صلى الله عليه وسلم
رسي في الآخر على بيكانتو :)

احسن حاجة :)

انا كنت مش بحب البيكانتو دي خالص . لحد ماخدتها مرة مشوار لمدة 3 ساعات ..

كرهت عربيتي بعدها :) عربية صغيرة و محندقة و بتتحشر في اي حتة في الزحمة و في الركنة .. و كنت فاكرها بطة بس ماشاء الله داخل البلد طلقة والله :)