ما معنى غرزة مقفوله ؟

**Mosmafa** · 08-10-2009 03:16 AM

الغرز الجامدة دي لعربية ماسكة نفسها بي ام وانت طالع
لكن اللي بيعملها بعربية تعبانة يستاهل اللي يجراله
قبل كده واحد صاحبي بيعمل غرزة على سرعة الكبالن فرطت منه
والعربية اتشقلبت بيه كانت كيا ريو

وواحد تاني عملها بنوبيرا المقص اتكسر منه وهو بياخد غرزة جامدة ولبس حفرة وهو بيطلع من العربية
اللي قصاده
مش هقدر اوصف العربية جرالها ايه اكتر من كنزاية متداس عليها ووشها بقى في ضهرها
وربنا يكفينا شر الطريق و شر العربيات

**M.Osman** · 08-10-2009 03:35 AM

المشاركة الأصلية كتبت بواسطة most_wanted

انا بحب اخد الغرزه ديه اووووووي

اااااه
و عشان كدا حضرتك بقى الـmost wanted ؟؟
مش كدا؟؟

**eng.octooo** · 08-10-2009 03:47 AM

بجد حرااااااااام الى بياخدوا غرز دول ( ممكن اسرة كاملة تروح فى غرزة من دول بجد حرااام )

**a7mode** · 08-10-2009 04:03 AM

يا جماعه انتو والله فاهمين غلط تمامآآآآآآآآآآآآآآآآآآآآآ آآآآ

يا جماعه فى حاجه اسمها تهور وتخلف وفى حاجه اسمها احتراف وتعود

التهور دا واضح ان حضراتكم بتشوفوه كتير وعشان كدا عملكو فكره غلط فى دماغكو ..

انما الغرزه الصح هيا اللى بتتاخد وانت واااثق انك مش حتأذى غيرك وتعتبر عمليه حسابيه مدروسه ومعروف نتايجها 99 % وال 1 % حيكون اخطاء الاخرين لا قدر الله .. يعنى سواقه الغرز دى مش هبل ولا هيا اى فتحه بين عربيتين احط نفسى فيها وخلاص !!!

**ahmedsamir79** · 08-10-2009 11:19 AM

المشاركة الأصلية كتبت بواسطة a7mode

يا جماعه انتو والله فاهمين غلط تمامآآآآآآآآآآآآآآآآآآآآآ آآآآ

يا جماعه فى حاجه اسمها تهور وتخلف وفى حاجه اسمها احتراف وتعود

التهور دا واضح ان حضراتكم بتشوفوه كتير وعشان كدا عملكو فكره غلط فى دماغكو ..

انما الغرزه الصح هيا اللى بتتاخد وانت واااثق انك مش حتأذى غيرك وتعتبر عمليه حسابيه مدروسه ومعروف نتايجها 99 % وال 1 % حيكون اخطاء الاخرين لا قدر الله .. يعنى سواقه الغرز دى مش هبل ولا هيا اى فتحه بين عربيتين احط نفسى فيها وخلاص !!!

و يا تري 1 % دول شويه
حرام عليك

**ahmedsamir79** · 08-10-2009 11:21 AM

يا جماعه أرواح الناس مش لعبه
هي مش لعبة فيديو جيم...لو أحتمال المخاطره 1 في المليون يبقي ما زال ده غلط
الواحد لما بيكون سايق عربيه يبقي مسئولية سلامته و سلامة اللي معاه و اللي علي الطريق أمانه في رقبته ربنا حيحاسبه عليها يوم القيامه

**Mohamed.Ramah** · 08-10-2009 06:24 PM

المشاركة الأصلية كتبت بواسطة nabaster

والله انتا بتفهم

ايوه في موقف بتحتاج منك انك تجري بس ميكنش الجري ده علي حساب غيرك

السواقه الصح انك متحسسش الي راكب معاك انك سايق ولا تخلي حد وراك يضرب فرامل علشان انتا حابب تتنطط ولا حابب تجريلك وتشد شويتين

منظر واحد زميلك كان معاك قريب وتشوفه قايم العربيه داخل في صدره مش هين والمشكله انه مكنش هوا الي بيسوق, ده بس كان راكب جمب السواق

تحب تكون انهي فيهم؟؟؟

الولد الي اتوفي ولا الولد الي كان بيسوق الي هيكمل باقي عمره معقد وفرقبته دم زميله؟؟

a.yakout

كلامك مظبوط ودة حادثة حصلت بالفعل بسبب السواقة والتهور او بمعنى اصح الغشومية والمنظرة

**Ahmed Nouh** · 09-10-2009 12:32 PM

المشاركة الأصلية كتبت بواسطة strong

اللي داخل بيعمل الغرزة هو اللي بيدوس فرامل ولا مين ؟

وايه الفرق بين الغرزة العادية والغرزة المقفولة ؟

لا الغرزه المقفوله بتبقى ضيقه جدا فطبيعى لو الاخ اللى ملوش ذنب اللى ورا فضل ماشى بنفس سرعته هيخبط اللى بياخد غرزه فبيضطر يدوس فرامل علشان يسيبه يعدى

الغرزه العاديه ضيقه برده بس بيكون فى فرق يعنى بين العربيات شويه انما الضيقه دى بيبقى مفيش مكان يعديه اساسا بس هو بيدخل لمجرد العناد , والاتنين خطر خطر وربنا هيحاسب كل اللى بيعملهم

المشاركة الأصلية كتبت بواسطة mosmafa

الغرز الجامدة دي لعربية ماسكة نفسها بي ام وانت طالع
لكن اللي بيعملها بعربية تعبانة يستاهل اللي يجراله
قبل كده واحد صاحبي بيعمل غرزة على سرعة الكبالن فرطت منه
والعربية اتشقلبت بيه كانت كيا ريو

وواحد تاني عملها بنوبيرا المقص اتكسر منه وهو بياخد غرزة جامدة ولبس حفرة وهو بيطلع من العربية
اللي قصاده
مش هقدر اوصف العربية جرالها ايه اكتر من كنزاية متداس عليها ووشها بقى في ضهرها
وربنا يكفينا شر الطريق و شر العربيات

الغرزه لو حصل فيها خطأ اى عربيه كانت هتتحول لكومه صاج , قدام عينى الفئه الثالثه الجديده على طريق الاسماعيليه كان بياخد غرزه من الشمال لليمين وداخلها بعنف قوى وبسرعه فاللى ورا اتخض راح تلقائيا كاسر الدركسيون شمال وطبعا راح لاطش ظهر البى ام عكس اتجاه حركتها

فى لحظه كانت البى ام بعرض الطريق وهوب على سقفها والعربيه اللى ورا نزلت فى الرمله , اى عربيه على سرعه ( وده شرط اساسى فى الغرزه طبعا ) لو اتلمست من ورا هتزحف بجنبها وهتلف وساعتها احتمال انها تتقلب او حتى جاى يجرى من وراها يدخل فيها هيكون كبير جدا

ويبقى ال 10 ثوانى اللى وفرهم الاخ بتاع الغرزه علشان وقته الثمين اتحول لأسبوعين فى الجبس , دا اذا كان ربنا رحمه من اصابح خطيره

المشاركة الأصلية كتبت بواسطة a7mode

يا جماعه انتو والله فاهمين غلط تمامآآآآآآآآآآآآآآآآآآآآآ آآآآ

يا جماعه فى حاجه اسمها تهور وتخلف وفى حاجه اسمها احتراف وتعود

التهور دا واضح ان حضراتكم بتشوفوه كتير وعشان كدا عملكو فكره غلط فى دماغكو ..

انما الغرزه الصح هيا اللى بتتاخد وانت واااثق انك مش حتأذى غيرك وتعتبر عمليه حسابيه مدروسه ومعروف نتايجها 99 % وال 1 % حيكون اخطاء الاخرين لا قدر الله .. يعنى سواقه الغرز دى مش هبل ولا هيا اى فتحه بين عربيتين احط نفسى فيها وخلاص !!!

والله صدقنى مش دايما المشكله بتبقى من الاخ بتاع الغزره , لكن اللى بيعمله هو اللى بيعمل ربكه حواليه وفى ناس بتتخض وتفقد تحكمها فى العربيه لما يلاقى واحد طالع من تحت الارض واترمى قدامه فجأه

لو الناس اللى ماشيه حوالين الاخ بتاع الغرزه غلطوا ده مش ذنبهم لأن الغرزه دى هى اللى عملت كدا

وبعدين يعنى ايه غرزه محسوبه , هل انت بتحضر للغرزه من قبلها ب 200 متر مثلا ؟

اللى بياخد غرزه بتكون عاده لحظيا كدا ومش محسوبه لأنك اساسا داخل بسرعه ومفيش مجال لتصحيح اى خطأ , غير كدا انت متعرفش ايه فى دماغ الاتنين اللى هتاخد منهم الغرزه مش يمكن واحد فيهم يطلع غشيم ويفرمل او يرمى فى اى جنب فجأه ؟

اقولك كدا شويه مواقف تفكر فيها

1 - اولا انت داخل مندفع على عربيه قدامك وبتتحرك وراه بعرض الطريق وعايزك تتخيل وانت وراه كدا هو ضرب فرامل فجأه , صدقنى ساعتها هتبقى كارثه خصوصا لو وراك عربيات , وأكيد انت عارف لو عربيه اتخبطت وهى بتاخد ملف بيحصلها ايه

2 - توقع الموقف زى اللى حكيته فوق واللى وراك خد شماله منك وخبطك من ورا ايه اللى هيحصل ؟

3 - تخيل وانت داخل الغرزه وطبعا انت مش شايف الحاره اللى انت رايحلها علشان فى عربيه وراك واحد كان جاى يجرى منها وهو برده مش شايفك ايه اللى هيحصل ؟

**eslam_wega** · 09-10-2009 01:12 PM

انا متفق مع احمد نوح ان فعلا الى بياخد غرز مقفولة دة انتحارى والمبرر الوحيد ان يكون معه حالة ولدة او وفاة وعايز يلحقهم
لكان بالنسبة للسواقة عموما فهى حاليا فى الضياع
واغلب الناس الى بتاخد غرز غشماء ومش محترفين عشان كدا الناس واخدها فكرة وحشها عن السواقة الرياضة
لان فى ناس كتير بتسوق بالطريقة دى وماشين بمبدا المجازفة وطبعا دة اكبر غلط
لاكن فى سواقة رياضية ومحترمة جدا جدا
وقليل الى بيسوق بيها
وهى بتعتمد على قراء خريطة الطريقة بشكل عام سواء العربيات الى قدامك او حتى الى على اخر بعد نظرك
وتوقع حركة كل سيارة لما تبدا تقرب منها وديما احتمال كل التوقعات
ولازم ويشترط انا حالة الطريقة تكون جيدة والعربية نفسها تكون جيدة جدا
والسائق يكون متمرس ووعندة خبراءة وممارسة طويلة
ومع كل دة تجنب السرعات الجنونية
يعنى يكون ازيد من سرعة الطريق بى 40 كليو على الاكثر
ويشترط ايضا عدم اخذ الغرز المقفولة
وعدم المرور من اقصى يمين الطريق الا للضرورة القصوى
وساعتها لو كل الشروط دى اكتمالات ممكن تاخد غرز زى ما تحب ومحدتش من العربيات الى حواليك هيفكر يدوس ولو سنة بسيطة على الفرامل او يجيب سنة شمال او سنة يمين ودة هو السائق المحترف الى بيعمل كل الى هو عايزة من غير ما يبقا فى خطر او يعرض حد للخطر او حتى القلق لكان للاسف دة قليل جدا دلوقتى

-

الموضوع: ما معنى غرزة مقفوله ؟

LinkBack

أدوات الموضوع

عرض

-

-

-

-

-

-

المواضيع المتشابهه

غرزة موت !!!!!!!!!!

اعمل غرزة بفرامل اليد

غرزة شيك .... غرزة بنت ناس.... غرزة محترمة...!

هوايات التكييف فى النوبيرا بتدخل هواء و هى مقفوله

الهوندا سيفك مقفوله على 215 كم

الكلمات الدلالية لهذا الموضوع

المفضلات

المفضلات

ضوابط المشاركة