الموضوع: ما معنى غرزة مقفوله ؟

أنا هقولكم كلمتين
الأولى إن يوم العيد بالليل واحد (ربنا يسامحه) راكب شاهين واحنا ماشيين على 120 كم ساعة على الدائري جه بسرعة جنونية وخد غرزة مقفولة على يميني وخبط عربيتي من الرفرف الأمامي ، وكان هايتقلب .. وطبعاً ولا وقف ولا أي حاجة أعتقد إنه كان بيجري بشاهين واخدين بالكم شاهين بسرعة فوق 160 كم ساعة ..
والخسائر والحمد لله تعريجة بسيطة على سوكة الرفرف رغم الاصطدام العنيف
ربنا سترها معانا على الآخر ..

الكلمة الثانية : اتنين من صحابي بيسوقوا كويس جداً .. والاتنين ساكنين في مدينة نصر وشغلهم في المهندسين
واحد فيهم غاوي غرز
اتفقت معاهم يطلعوا في نفس اللحظة
واحد يغرز ويجري آخر حاجة
والتاني يسوق سواقته المعهودة الهادئة المنضبطة
النتيجة
أن الفارق الزمني كان أقل من سبع دقائق فقط
يعني حوالي 30 كم كان فرقهم 7 دقائق بين التهور والرعونة والتحفز واستهلاك الأدرينالين في الدماغ
وبين قيادة هادئة على أنغام موسيقى حالمة بعيداً عن التهديد
عسى كل واحد بيعمل غرز يعرف إن الوقت اللي بيوفره في هذا الجنون في الآخر ولا حاجة ..
غير شدة الأعصاب وتهديد الباقين ودعواتهم عليه وعلى أهله .. وبهدلة العربية

يا جماعة تكنيك الغرزة أصلاً بيعتمد على ثبات السيارات الأخرى على الطريق
لكن مجموعة بتغرز جنب بعض فثق تماماً إن النتيجة كارثية

ربنا يحفظنا جميعاً
تقبلوا خالص مودتي

المشاركة الأصلية كتبت بواسطة strong

أنا لما باشوف حد جاي جنبي من ورا سريع جدا والمسافة الجانبية هتدخله بصعوبة وعايز ياخد غرزة قدامي باسحب علشان اقفل المسافة البسيطة بيني وبين اللي قدامي

هل كده غلط ؟

قفل الغرزة إجراء احترازي كويس لما يكون الطريق متشاف قدامك كويس واللي بياخد الغرزة قدامه خيارات تانية
ودايماً بانصح الناس تقفل الغرز بينها بين أي عربية جنبها علشان ولا الطريق يتسد ولا يبقى شارع مفتوح قدامك لكل من هب ودب يخش فيه
لكن أنا عن نفسي لما الطريق بيتحول لساحة جنان
أنا اللي باوسع للناس ياخدوا غرزهم ويغوروا بعيد عني

أمبارح و انا راجع علي طريق السويس كان أمامي 3 عربيات نقل بمقطورة و احدة منهم كانت بتعمل غرزة بين العربيتين التانيين
بصراحة انا قلبي وقع في رجليا و قولت للسواق اللي كان معايا يهدي بسرعة و يشغل الانتظار لأني توقعت كارثة هاتحصل قدامنا بس الحمد لله عدت علي خير

الغرز فن من فنون التكتيك
مااحبش اضر عربيتى ولا ااذى حد
بالعقل اولا

لا لا لا يا جماعه انتو فاهمين موضوع الغرز ده غلط ده انا خدت غرز كتير و عملت حوادث كتير جدا قبل كده و لا بيحصل اي حاجه كل الي بعملو بشتري عربيه جديده و اخسر شوية فلوس بس بتتعوض فالسباق الي بعدو بس اهم حاجه اعمل tune للعربيه الجديده عشان تساعدني فالسباقات و لو مش عايز اعمل كل ده برجع ال save game من ال backup الي انا عاملو ففولدر تاني هههههههههه

برجاء كل الناس من فضلكم سوقو بأمان حفاظا على حياتكم و حياة الآخرين و بلاش فلسفه في امور خطره ملهاش داعي و عواقبها وخيمه و ربنا يحفظنا كلنا

هيه المشكله الوحيده ان اى حد محترم سايب مسافه بينه و بين العربيات اللى قدامه بيعتبر هدف متحرك لصائدى الغرز

و النوع ده بيجيله ضغط و سكر بدرى عشان حرقه الدم من اللى بييجى يلزق ورى و اللى بيحشر نفسه من قدامه

المشاركة الأصلية كتبت بواسطة a7mode

يا جماعه انتو والله فاهمين غلط تمامآآآآآآآآآآآآآآآآآآآآآ آآآآ

يا جماعه فى حاجه اسمها تهور وتخلف وفى حاجه اسمها احتراف وتعود


التهور دا واضح ان حضراتكم بتشوفوه كتير وعشان كدا عملكو فكره غلط فى دماغكو ..

انما الغرزه الصح هيا اللى بتتاخد وانت واااثق انك مش حتأذى غيرك وتعتبر عمليه حسابيه مدروسه ومعروف نتايجها 99 % وال 1 % حيكون اخطاء الاخرين لا قدر الله .. يعنى سواقه الغرز دى مش هبل ولا هيا اى فتحه بين عربيتين احط نفسى فيها وخلاص !!!

كلاااام مظبوط 100%
وسواقه الغرز بتدي تركييز عالي في الطريق