ما معنى غرزة مقفوله ؟

**brown-eyes** · 09-10-2009 10:06 PM

المشكلة ان في ناس بتكون ماشية في الطريق ودي بشوفها كتير علي الدائري يكون ماسك اقصي الشمال وماشي 70 مثلا والطريق قدامه فاضي وتقلبله تزمرله عشان يوسع مفيش فايدة انا عن نفسي باطلع منه من اليمين وبصراحة بغلس عليه بس مش عارف ده صح ولا غلط وساعات كتير بطر اخد الغرز دي بسبب كده اني اجي اطلع من اليمين تكون في عربية في نص الطريق فا يدوبك بالحق اطلع منه وامسك الشمال تاني
بصراحة في ناس مستفذة جدا خصوصا ان في ناس منهم تكون ماشية بتكلم في الموبيل ولا كانهم قاعدين في البلكونة !!!!!!!!!!!!

**TaoTao** · 09-10-2009 10:52 PM

المشاركة الأصلية كتبت بواسطة blazer

حسب السرعه !
ممكن لو خبطه بزاويه ما عربيته تلف ووشها يبقى فى وش عربيتك
وممن عربيته تعرض و تلبس فيه
ربنا يستر طبعا
بس دا ممكن يحصل وبيحصل كل يوم فعلا
خصوصا مع عرباتنا القديمه اللى فراملها ضعيفه وثباتها ضايع و طرقنا العظيمه

المشاركة الأصلية كتبت بواسطة nadernabil

لطشة في رفرف العربية الأمامي ممكن تخلي العربية تلف و تتقلب أو تخش في عمود أو تروح الإتجاه المعاكس
و دي على فكرة بتحصل كتير جداً جداً
و لسه إمبارح حاصلة...شاب تيكي تيكي...بياخد غرزة بين عربيتين اللي ورا كانت نوبيرا...لفت و خبطت في السور الفاصل بين الإتجاهين على الدائري و وشها بقى في عكس إتجاه العربيات!

لا حول ولا قوة إلا بالله، يعني اللي بياخد الغرزة مش بيغور في داهية لوحده ده بيعرض ناس تانية لمجزرة .. على رأي توت في توقيعه زمان "ربنا يحرق اللي بياخدوا غرز" :)

مش عارف اللي بيدافعوا عن الغرز إزاي بيعتبروها فن وحرفنة وتركيز !! أي غلطة ممكن ينتج عنها 3 أو 4 ضحايا يبقى قتل عمد أو شروع في قتل .. يعني أنا لو جبت طقم سكاكين ولعبت بيهم زي السيرك كدة -أنشن حوالين أجسام الناس في ميدان التحرير مثلاُ- هاتبقى حرفنة وتركيز حتى لو كنت عبقري من عباقرة السيرك الروسي؟!! القيادة الرياضية ليها مكانها في حلبات السباق .. الطرق للبني آدمين الطبيعيين اللي عاوزين يروحوا لأهلهم بالسلامة. وربنا يسلم طريقنا ويحفظكم أجمعين من كل سوء.

**pro_samir** · 10-10-2009 01:38 AM

مش الغرزة المقفولة دي اللي بتحصل بعد كبسة البوليس و تشميع الغرزة ؟

_ _ _

بصراحة لما بلاقي أي حد ناوي يعمل غرزة قدامي وهيخليني حتي اشيل رجلي من علي البنزين بقفلهالة ويلبس هوا حر بقي يفرمل ولا يروح مطرح ماهو عايز

بتوع التريلات اللى ملهمش حل فى الموضوع دة وتجنبهم غنيمة

و بصراحة برضو مينفعش الواحد يمشي من غير غرز أساسا بس المهم ان اللى بتعدي منة ميحسك بيك ولا تضطرة انة يخف رجلة من علي البنزين فضلا عن إنة يفرمل

**هيثم** · 10-10-2009 02:05 AM

مظهر من مظاهر الجهل و الاستهتار بحياه الاخرين
ربنا يهدى

**brown-eyes** · 10-10-2009 02:19 AM

المشاركة الأصلية كتبت بواسطة NaderNabil

طب تعمل إيه بقى لو بنت و بتتكلم في الموبايل و بتجري و بتاخد غرز في نفس الوقت...
يعني المادة الخام للتهور و الإستهتار في عربية واحدة!

بشوفهم كتير بس بحاول اتلاشهم خالص لان البنت مهما كان اعصابها ضعيفة وممكن في اي لحظة او اي حاجة تيجي قصادها

فاببعد عن الشر واغنيله

**Eng_Mostafa_89** · 10-10-2009 03:16 AM

انا لما حد يجي ياخد غرزة من قدامى بقفلهالة
ولو واحد غتت جى يا خدها من اليمين بقفلهلة برضة
انما لو عايز يعدى باحترام اهلا بية

**hhhmmmzzzz** · 10-10-2009 03:33 AM

كل الناس الحلوة اللى ردت علي الموضوع عاقلين
امال فين المجانين اللى بنشوفهم فى الشوارع.........اختفوا؟؟؟؟؟؟؟� �؟
انتو حسستونى بردودكم ان شوارع وسائقى السيارات بمصر لسة بخير

**bmw323** · 10-10-2009 04:11 AM

والله أمبارح ياجماعة كنت مع صديق هنااا من المنتدى راجعين على كوبرى 6 أكتوبر فا كان بيحكيلى بيقولى مشوفتش الموضوع الى بيتكلم عن الغرزة المقفولة قولتلة لا هو كانو بيتكلموا فية عن أية قالى واحد بيسئل أية هى الغرزة المقفولة قولتلة ألى زى دى ورحت واخد غرزة على 100والله على 100 بس كان الطريق مساعد لأن كوبرى أكتوبر أحلى طريق يسخنك أنك تأخد غرز
لقيتة بيقولى يعنى أنتوا عمالين تتكملوا على المنتدى وتقولو بلاش غرز وأنتوا الأساس والله وقعنى من الضحك
وأنا علشان محدش يقول حاجة أنا مبحبش أخد الغرز خالص ولا حاجة بس لقيت الطريق فاضى بس فى العادى الحمد لله مليش ولا فى الغرز ولا القرف لأنها فعلا تهور وربنا يهدى

**bassemali** · 10-10-2009 11:58 AM

انا الصراحه بلجأ أحيانا لموضوع الغرزه ( المحسوبه وليست المقفوله) في بعض حالات الأستعجال الشديد بأخد غرزه واسعه مش مقفوله أوي ولا واسعه أوي برضه مسافتها طبفا لتقديري كويسه بس الكلام ده خطورته تزيد 70 % في مصر لأن الطرق زحمه وضيقه ومتهالكه ومش منظمه لكن هنا في السعوديه 90% من شوارع البلد زي صلاح سالم كده في الحجم بلإضافه إلى الأسفلت الناعم منعدم النقر والحفر والمطبات والعلامات الأرشاديه اللي في كل مكان بتنبهك ان في يوترن قريب أو مطبات صناعيه أو مدرسه أو مفترق طرق ... الخ غير أن حارات الطريق مفصوله بعيون القطط عشان كده بتلاقي كل سواق ماشي جوه حارته وملتزم بيها مش ماشي في النص لا أنت عارف هو في الحاره اللي في النص ولا في الحاره اللي في الشمال ومش عارف تطلع منه لا من الشمال لأنه مش بيوسعلك ولا من اليمين لأنه واخد نص الحاره دي ودي لحساب أم........
ملحوظه :
أنا بقالي سنه ماربطتش العفشه بتاعت العربيه ومافيهاش اي صوت رغم اني عامل في السنه دي 28500 كيلو ... وفي مصر كنت بروح أربطها كل ثلاثة أشهر تقريبا ( بولو موديل 2000 ) .... كمثال للإختلاف الكبير في حالة الطرق .

-

الموضوع: ما معنى غرزة مقفوله ؟

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

غرزة موت !!!!!!!!!!

اعمل غرزة بفرامل اليد

غرزة شيك .... غرزة بنت ناس.... غرزة محترمة...!

هوايات التكييف فى النوبيرا بتدخل هواء و هى مقفوله

الهوندا سيفك مقفوله على 215 كم

الكلمات الدلالية لهذا الموضوع

المفضلات

المفضلات

ضوابط المشاركة