الموضوع: ما معنى غرزة مقفوله ؟

علي فكرة اللي بياخدوا غرز سواء مقفولة ولا مفتوحة ولا مواربة بيعتبروا فعلاَ في بعض الدول مرضي نفسيين و بيتم وقف رخص قيادتهم لحين العرض علي طبيب نفسي للتعرف علي سبب ممارستهم لهذه الممارسات الشاذة علي الطرق العامة .

المشاركة الأصلية كتبت بواسطة د.أحمد سمير

الكلمة الثانية : اتنين من صحابي بيسوقوا كويس جداً .. والاتنين ساكنين في مدينة نصر وشغلهم في المهندسين
واحد فيهم غاوي غرز
اتفقت معاهم يطلعوا في نفس اللحظة
واحد يغرز ويجري آخر حاجة
والتاني يسوق سواقته المعهودة الهادئة المنضبطة
النتيجة
أن الفارق الزمني كان أقل من سبع دقائق فقط
يعني حوالي 30 كم كان فرقهم 7 دقائق بين التهور والرعونة والتحفز واستهلاك الأدرينالين في الدماغ
وبين قيادة هادئة على أنغام موسيقى حالمة بعيداً عن التهديد
عسى كل واحد بيعمل غرز يعرف إن الوقت اللي بيوفره في هذا الجنون في الآخر ولا حاجة ..

انا عملت نفس التجربة دي يا دكتور مع واحد صاحبي من اللي غاويين غرز و كل شوية عامل حادثة .

الطريق كان من جامعة مصر في 6 أكتوبر لحد نصف شارع الهرم تقريباَ عند بيته و كانت الساعة 4 و نص يعني منتهي الزحام .. هو عربيته سبيرانزا 113 و انا عربيتي سيريون .. الإتنين هاتش باك حجمهم صغير 1300 سي سي و 86 حصان .. يعني نفس الإمكانيات تقريباَ .. و كانت النتيجة إن هو وصل قبليا للصحراوي بفارق بسيط و اما الطريق وقف كنا واقفين جنب بعض و في الزحمة انا وصلت قبله !

يعني مش أحياناَ مش بتفرق خالص بل علي العكس القيادة الهادئة بتوصلك أسرع .

المشاركة الأصلية كتبت بواسطة motorizer

علي فكرة اللي بياخدوا غرز سواء مقفولة ولا مفتوحة ولا مواربة بيعتبروا فعلاَ في بعض الدول مرضي نفسيين و بيتم وقف رخص قيادتهم لحين العرض علي طبيب نفسي للتعرف علي سبب ممارستهم لهذه الممارسات الشاذة علي الطرق العامة .

الف الف شكر ليك

المشاركة الأصلية كتبت بواسطة r0xer

يا kloda: انا عارف الغرزة المقفولة و كنت احد روادها لحد ما ربنا تاب عليا الحمد لله....اللي أقصده إن أحيانا في غرز بتبقى مضطر تعملها واول ما تنبه اللي على شمالك ووراك انك هتاخد الغرزة وتديله اشارة تلاقيه راح قافل الغرزة عليك..مع انك ممكن تكون في أمس الحاجة للغرزة دي زي إن اللي قدامك مثلا هدى فجأة او اي حاجة تاني.....وعشان كدا سواء اللي بياخد غرز ميكروباصات على حد وصفك او اللي بيقفلوا الغرز.....كلاهما أسوأ من بعض. وربنا يتوب عليهم هما كمان

انا افتكر مرة كنت على الزراعي باليل مروح الساعة 8 وعربية كورولا على يميني وفجأة اللي قدامه فرمل بغباء منقطع النظير ولو الراجل مخدش غرزة هيلبس فيه بدون اي شك....والله تلقائيا سقطت نقلة وفرملت خالص لان الراجل لو مخدش الغرزة هيموت لانا الكل كان ماشي على سرعة لاتقل عن 120 والراجل عدى واخد الغرزة لما لاقاني وسعتله و فضل طول الطريق يطلعلي ايده يشكرني لاني انقذته من حادثة محققة. وطبعا انا معملتش غير المفروض عليا.

الخلاصة ان المفروض الطريق دا ملك للجميع والكل يحاول يساعد بعضه عليه لتجنب الحوادث قدر المستطاع مش المناظر اللي بنشوفها يوميا على الطرق دي وخلت الواحد والله كره العربية وسواقتها .

المشكلة حضرتك ان كل و احد ماشي في الشارع فاكرو بتاعو لوحدة
و ساعات بكون نازل متاخر فا لما بلاقي غرزة مستريحة باخدها لان الطريق بيكون مفتوح بعدها بس الي قدامي كل و احد ماشي بمزاجة الي بيكلم مع الي جنبة و الي بيكلم في الموبيل و الي ماشي براحةةةةةةةةةةةةة
انا حصل معايا نفس الموقف بس الي كان مكان حضرتك كانت تريلا و الحمد لله عديت في اخر لحظة بس غرزة عادية و ربنا سترها

المشاركة الأصلية كتبت بواسطة kloda

الف الف شكر ليك

العفو .. ده كان مجرد توضيح الدول اللي سبقانا بسنين ضوئية بتصنف قائدي الغرز إزاي -زي ما قلت .. بيتم تحويلهم للطبيب النفسي- و لكن في بلدنا الحبيب و في ظل إنعدام القانون يصنف هؤلاء السائقون أنفسهم إنهم حريفة و عارفين هم بيعملوا إيه و مستعجلين لأن مفيش قانون يصنفهم .. و لكن لو كانوا أو راحوا أي دولة محترمة سيكونوا أمام خيار واحد .. الإلتزام في القيادة بأدب .. أو لن يتم السماح لهم بالجلوس خلف مقود السيارة .. وفي النهاية ينتهي بهم المطاف في عيادة الطبيب النفسي المختص بجرائم المرور لأن الطبع غلاب .

تحياتي .

لان كل الناس هناك ملتزمة فما حدش بيحتاج يعمل كدة
هو حضرتك بقي عمرك ما خدت عرزة و لا وقفت صف تاني او تالت و لا كسرت و لا حدفت و لا و لا و لا و لا اي حاجة
ياريت ترد بمنتهي الامانة