من راى الوجان
شوف التقرير ده
http://www.nilemotors.net/Nile/90472-2010.html
ربط يوضح عدد الملاك
http://www.nilemotors.net/Nile/94000-a.html
اسعار الصيانه وقطع الغيار
http://www.nilemotors.net/Nile/88842-8-8-2009-a.html
وبالتوفيق:wink:
عرض للطباعة
من راى الوجان
شوف التقرير ده
http://www.nilemotors.net/Nile/90472-2010.html
ربط يوضح عدد الملاك
http://www.nilemotors.net/Nile/94000-a.html
اسعار الصيانه وقطع الغيار
http://www.nilemotors.net/Nile/88842-8-8-2009-a.html
وبالتوفيق:wink:
لوجان طبعا
انا اخويا معاه فيرنا , بس اتوكل على الله وخليك فى اللوجان
اى حد ينصحك برينو . لا تسمع كلامه . وتلاقيهم فى مصر بس وشغالين فى التوكيل لما يسوق لك سيارة جديدة وهو نفسه ماجربها ولاعارف المغرب من اسبانيا ولا عارف ان حصه رينو فى تراجع وتوكيلها فى السعوديه قفولها قاعدين سنين علشان يبيعوا للمصريين والتوانسه عايزك تتفرج على الرينو فى السعوديه ( ان وجدت من اصله ) ولا فى مصر تلاقى معظم العربيات فاتحين الزجاج من الحر . تكيف تعبان وفوق كدة بيسخن العربيات . عربيات عايزة تعمل فى القطب الشمالى متنفعش فى دول حارة زى مصر الان . وبعدين قطع غيارها غاليه وصيانتها غاليه ومش اى حاجه تلاقيها فى قطع الغيار سيبك من القطع الاستهلاكيه المعروفه . فى حاجات مع اى حادث لاقدر الله لن تجدها
ههههههههههههههههههه
والله واحشتنى تعليقاتك يا استاذ اكرم
ربنا يكرمكم شلوني من الحيره الي انا فيها انا كده احتارت اكتر
الحيرة اللى انت فيها نتيجة ان الناس بتقول هى "بتحب" انهى عربية فيهم و بالتالى انت مش حتوصل لحاجة
عشان تقارن اى عربيتين لازم تاخد فى حسابك عوامل كتير منها:
السعر
االاداء
الكماليات
تكلفة التشغيل
الصيانة
العمر الافتراضى
سعر اعادة البيع
بعد كدة تقيم كل عربية مقارنة بكل عامل فيهم و فى الاخر تختار العربية اللى تقييمها النهائى اعلى
يعنى مثلا ححط نفسى مكانك....
السعر بين الاتنين مش فرق كبير فا حنخلليه على جنب
الكماليات و المواصفات العامة... اللوجان فيها عناصر امان اكتر (اير باج) و كمبيوتر و شنطتها اوسع و صالونها اوسع...
بالنسبة للاداء فا موتور الفرنا ياكل اللوجان اكل لاكن فرامل الفرنا فى الضياع... انا مسوقتش اللوجان لكن انا مشوفتش عربية عليها لوجو رينو بفرامل وحشة... مقدرش اقارن الثبات لانى مسوقتش لا دى ولا دى بس ناس كتير قالت على الفرنا انها مش ثابتة و انا مس مبسوط من ارتفاع اللوجان الكبير لان دة اكيد حياثر على الثبات
تكلفة التشغيل... الاتنين بموتور 1600 بالتالى فرق استهلاك البنزين مش حيبقى حاجة عليها القيمة لدرجة انة يفضل عربية على عربية
الصيانة... لما تقارن مع عربية كورى بتبقى النقطة دى فى مصلحة الكورى دايما الا اذا كنت بتقارنها بعربية كورى تانية... اسعار قطع غيار اللوجان اغلى من الكورى بشكل عام بفرق مش قليل و قطع غيار اللوجان مش فى انتشار الهيونداى خالص... على الجانب الاخر توكيل رينو يوزن 10 الاف غبور
العمر الافتراضى للوجان لسة مش معروف لانها عربية جديدة فى السوق... الا ان اعتمادها على موتور متجرب قبل كدة بيخللينا نتطمن شوية ليها... باقى المكونات حاص باللوجان شخصيا و بالتالى معندناش عنة اى معلومات فيما يخص العمر الافتراضى و ان كانت عربيات رينو مش من العربيات المعيوبة او كثيرة الاعطال... الفرنا اتقال عليها كلام كتير و ناس جابت مواتير فى فترات قليلة و معظم المشاكل من الوكيل اللى مش بيهتم بالعربيات بتاعتة
سعر اعادة البع لمصلحة الفرنا... و دة لانها قديمة فى السوق عن اللوجان... لما اللوجان تثبت نفسها الوضع حيتغير اكيد بس النهاردة تحديدا المقارنة دى فى مصلحة الفرنا
طيب حتسالنى انا اشترى ايه بعد المقارنة دى.... انا حشترى لانوس.... لانها غطت عيوب الفرنا و اخدت ميزاتها بالتالى حتنافس اللوجان بقوة شديدة و تتفوق عليها فى بعض النقاط... لكن يحسب عليها ضعف الفرامل و ارتفاع سعرها عن اللوجان ( و البعض بيقول شكلها قديم... مع نا انا شايف انها احلى من اللوجان 100 مرة)
و قرارى دة راجع برضة لانى اعرف اللانوس كويس اوى مسمار مسمار و عارف قطع غيارها فين و بكام و خبرتى فيها كبيرة... و دى حاجة مش عند اى حد بالتالى قرارى الشخصى ممكن اوى ميبقاش صح بالنسبة ليك لان انا ظروفى مختلفة عنك
اذا فى النهاية انت صاحب القرار... ابنى قرارك بناء على مميزات و عيوب كل عربية... و اسال 10 الاف مرة عن كل حاجة قبل ما تشترى لان قرار شراء عربية تانى اصعب قرار فى حياة الرجل ( و ان كان الراجل لو غلط و اشترى عربية مش حلوة حيبيعها و يخلص لكن لو اتدبس فى الجواز يبقى كل سنة و هو طيب)
المهم فى النهاية و باختصار جمع بيانات عن العربيتين و قارنهم ببعض و اللى تطلع احسن من وجهة نظرك مش وجهة نظر اى حد بيحب الفرنا او اللوجان (او اللانوس) يبقى توكل على اللله و مبروك مقدما
ملحوظة: ارجو من الزملاء المشاركين فى قسم المقارنات بناء مقارناتهم على اسس علمية و معلومات مفيدة عن السيارات و الابتعاد عن الاهواء الشخصية عشان نعرف نفيد الناس اللى بتسال
MMamdouh