الموضوع: مشاكل سنة فى العربية قولولى اعمل ايه

السلامو عليكم ورحمة الله وبركاتة على كل البروتونية الموجودين
بصو يا جماعة انا من أشد المحبين للجين 2 وبالنسبالى العربية دى كانت اكبر طمحى فى العربية البتمناها بكل مميزتها ولكن انا دلوقتى بقالى داخل على سنة تقريباً معايا جين 2 موديل 2009 شوفت فيها مشاكل كتير مع العربية ومع التوكيل منها مشكلات كتيرة حاولت اتأقلم عليها و أتعايش معاها ومنها حجات خلاص خلتنى بقيت مش طايق حد فىالتوكيل ومش عارف اعمل ايه وحاسس انى تايه ومش فاهم وعندى أحساس كبير قوى ان التوكيل بيشتغلنى ودة أكتر احساس مكرهنى فى العربية كمان واليكم تفصيل المشكرت العندى والمش عارف هل الحجات دى تبقى داخل الضمان ولا خارج الضمان لانى مش عارف هما ايه قواعد المان عندهم ولما تيجى تسأل يا جماعة دة فى الضمان ولا خارج الضمان يقولك ربنا يسهل لما تيجى تعملها هانشوف معليش طولت فى المقدمة بس انا حاسس بقهر من التوكيل ومش عارف اذا كان حقى ولا لآ
المشكلات كالاتى :-
1 - انا عندى زراير المالتى ميديا فى الدريكسيون أوقات كتير بتهيس الزرار البيعلى تلقية يعمل أستوب والعكس وكل زرار المفروض يعمل وظيفة تلقيه بيعمل وظيفة زرار تانى
ولما روحت التوكيل قالى كدة لازم تغير طارة الدريكسيون كلها ولما سألت فى الضمان ولا خارج الضمان يعنى هادفى فلوس ولالآقالى ربنا يسهل ومخدتش إجابة مفيدة .
2 - وكمان كان من فترة حسيت ان النور العالى بقى ضعيفبعد معملت صيانة فى مسرح البالون ولما روحت اعمل الصيانةفى الصحراوى قولتلهم على النور قالولى هانشوفه وشافوه وظبطوة ودفعت تمن ظبط الانوار تقريبا 135 جنية وانا للأسف معرفتش اجرن النور لآن كنا الصبح وحسيت انه بقى كويس ومشيت وانا فى السكة بجرب الزرار بتاع الفوانيس البيعلى النور ويوطيه لقيتة بيلف على الفاضى كبرت دماغى ومرجعتش وقلت خلاص طلما لانور بقى على مش مهم الزرار وبعدين لما روحت الصيانة فى اسكندرية قلولى هانغيرلك الزرار وبردة مش عارف دة هادفعلو فلوس ولا فى الضمان .
3 - بقالى فترة مش كبيرة بحس ان فى رجرجة فى الفرامل لما ادوس عليها لما روحت صيانة ال20000كم قلتلهم قالولى الطابورة عايزة تتخرط والكلام دة بعد رمضان بقى تبقى تجيلنا نعملهالك ولما سألت على إذا كان الحجات دى تتعمل فى الضمان ولا لآ بردة كالعادة مخدتيش إجابة مفيدة
4 - مفتاح العربية بيعلق كتير ورحت قبل كدة وبرمجه واشتغل ورجع تانى يعلق ورحت تانى وبرمجه ورجع تالت يعلق .
5 - العربية دلوقت بتحدف شوية ودى مشكلة لسة مقلنهاش للتوكيل ومش عارف هايكون عيب ايه .
6 العربية كل شوية كدة ارجع اشتكى أن سحبها وحش وان العربية مخنوقة مبتجريش زى الاول وفى كل مرة اعمل صيانة بقلهم على الشكوى دى ولما العربية بتطلع من الصيانة بتبقى سحبها احسن وبعدين يرجع تانى نفس المشكلة .
7 - العربية بتستهلك بنزين كتير أو انا حاسس كدة معرفش دة صح ولا غلط انا حاولت احسبها كنت مفول العربية وخدة قراية على العدا ومشيت 98 كم ومونت 10 لتر علشان ارجع افول لما اقسم دة على دة يبقىالمعدل 9.8 كم \لتر ودة كانو 98 كم على طريق مفتوح مش فى وسط البلد وبيتهيقلى ان كدة معدل قليل المفروض يعمل من 11 ألى 12 كم لكل لتر ولا انا غلطان
انا اسف جدا انى طولت عليكم يا شباب بس دى حجات حصلت فى سنة بحاول اختصرها فاعزرونى على التطويل انا بس عايز اعرف المشاكل دى المفروض تتصلح فى الضمان ولا بدفع فلوس علشان اصلحها فى التوكيل ولو هدفع فلوس فى التوكيل اصلحها برة فين وتتكلف كام وخصوصا الموضوع بتاع الطنبورة دة وبالنسبة لتيل الفرامل قالولى انه فى الصيانة بتاعة 25000 هانغير التيل دة بيتكلف كام واغيرة فى التوكيل ولا برة انا عارف انى سألت أسئلة كتيرة بس انا محتاس ومش عارف اعمل ايه افيدونى افادكم الله .