-
يا استاذة ice لو كل واحد قال مش هارخص وهابيع العربية البلد كلها هتمشي علي رجليها احنا قعدنا تقريبا 10 ايام ماشيين بالعربية بدون نمر ومجبنهاش غير بالواسطة ده غير لما كنت بطلع الرخصة الخاصة بتاعتي رحت الساعة 9 مشيت 4 من مرور السلام وكان معايا واسطة كبيرة جدا وحتي كان فيه واحد معرفة قالي انا بروح مرور مدينة نصر اخلص الورق في تلت ساعة.
والطريف ان الراجل اللى كان معايا كان مدبس الورقة الخاصة بالواسطة في الملف بتاعي علشان لما يدي الورق علي الشباك يخلص علي طول وعلي اخر امضاء للظابط الظابط بعد مامضي راح مقطع الورقة دي علشان منستخدمهاش تاني وكل ده في مرور السلام وهو ومرور شبرا اسوأ مرور علي مستوي القاهرة الكبري.
-
يا استاذ ابو الوليد انا والله مش مضايقة مالمشوار علي اد منا مضايقة من العطلة اللي خلتني اطلع شهادة بيانات مرة واتنين ودي التالتة لانتهاء تاريخهم
وكمان المخالففة الاخيرة دي حسبي الله ونعم الوكيل
-
بصي يا ايس استنى شوية لما تخلصى امتحنات وبعد كدة ايقى خلصى كل حاجة على رواقة
-
لو معاك واسطة ورقك يخلص على ما تشرب القهوة
لو مش معاك واسطة ورقك يخلص على ما تزرع البن
دة توقيع واحد فى المنتدى بس بصراحة انا متفق جدا معاه لانة كلام صح 100 100
-
وعايز انصحك تشيلي فكرة بيع العربية من دماغك لأن ده مش حل للموضوع بالعكس انت كده ممكن تدخلي في متاهات تانية لما اللي حد يشتري العربية يلاقي عليها مخافات ب1500 هايتصرف ازاى معاكي ولو حبيتي تشتري عربية تانية هتخشي برده في متاهات الترخيص والقرار ببيع العربية اتاخد في لحظة غضب علشان كده اخواتك بيهرجوا ويضحكوا.
الحل انك تستني بعد الأمتحانات وتشوفي موضوع شهادة البيانات تخلصيه في يوم وتاخدي اليوم من اوله واليوم التاني تخلصي موضوع الترخيص ونقل الملكية وحبذ لو لقيتي حد يروح معاكي يحجزلك وتبدلوا مع بعض في الطوابير علي الأقل.
-
ربنا يعينك على حالك وان شاء الله تعدى على خير
بصى الموضوع محتاج يتاخد خطوه خطوه براحه مع حد فاهم وكل حاجه هتمشى ان شاء الله
انا تبع مرور عبود ( شبرا ) وعارف النظام هناك كويس اوى ياريت تقوليلى كدا انتى واقفه على ايه وايه وضع الورق اللى معاكى يمكن ربنا يقدرنى واقدر اقولك تخلصى الدنيا هناك ازاى
-
يفندم انا نقلت من عبود لمرور اكتوبر
بس طلبوا مني ادفع الضريبة هناك
رحت دفعتها الظابط نصحني اسلم الملف والنمر هناك وبقي خلاص كدا
واكتوبر يادوب استلم النمر والرخصة بس
وانا بديلة الملف شهادة المخالفات بقت منتهية
رحت اجددها لقيت العفريت اللي طلعلي دا
وبعدين ازاي استني بعد الامتحانات هستني تلات اربع شهور لسه.؟.
واي اللي هيحصل ملمخالفة موجودة
اناللي دفعته بس فلست شهور اللي فاتو كافيين انهم يكوونوا نص تمن حاجة زيرو محترمة
-
بصي...من الآخر مفيش حاجة في الدنيا ملهاش حل...
وبعد ايام هتلاقي الموضوع ذكرى بايخة ضمن ذكريات بايخة كتير بنحكيها لبعض...زي اي موقف عدي عليكي قبل كده...وانتهى
نصيحة من اخ اكبر...قومي ادعي ربنا واطلبي منه المغفرة والهداية...وبالله عليكي ركزي في المذاكرة ونفضي لحوار العربية ده دلوقت...وقضيها بقه تاكسيات ولا ميلي على واحده صاحبتك من اللي انت تاعبة نفسك في مشاويرهم دول...يكون معاها عربية تشيل معاكي اليومين دول...
وأظن عدد مرات خروجك المفروض اقل بحكم الإمتحانات...
ابعدي عن حوار العربية ده نهائي وسلميها لله...والله هتتحل
يا رب نسمع عنك كل خير ان شاء الله
-
بصراحه ربنا يكون في عونك
جايز لما العربيه كانت مخبوطه كنتي راكناها عكس الاتجاه :d
المشكله انك مش هتعرفي تثبتي عكس كدة :)
و الله فعلا البلد دي ميتبكيش عليها و لا الواحد المفروض يقعد فيها اصلا
حسبي الله و نعم الوكيل
-
1) تنزلى بدرى من بيتكوا
2) مشوار المرور دة انا بكون مطبق بكون هناك قبل الموظفيين نفسهم :))
3) تقولى للموظفين يكتبولك المطلوب بالتفصيل فى ورقة بيضا
4) حاولى تدورى ع حد شغال هناك تديلة ورقة بخمسين يخلص الليلة دة انا عملت كدة و ظبطت صحابى بالطريقة دى
5) اول ما تيجى الساعة 12 ولسة مخلصتيش تروحى بيتكوا و تيجى تانى يوم اول واحدة
6) الموضوع عاوز 48 ساعة تطبيق
استعينى بالريد بول و النسكافية البلاك و ربنا معاكى :)))
Content Relevant URLs by
vBSEO 3.6.0 PL2