المشاركة الأصلية كتبت بواسطة mantoros
انا جيت اهو
انا معايا الرائعة موديل 2006 و الثبات يا استاذي خرافيييييييي
انا تعمدت أخذ ملف علي سرعة عالية 90 و كنت دائما متعقد منه بالبيجو 405 و بالكيا ريو كواترو و بالجولييت و باللانسر الكريستالة
الملف الغبي اللى لما تيجي من رمسيس ناحية ميدان التحرير و تفوت مطلع الكوبري عند رمسيس هيلتون و تدخل شمال و تكسر يمين (الملف) عشان تنزل علي الكورنيش
انا بقالي اكتر من 10 سنين بتحدى الملف ده و بكل انواع السيارات و مفيش فايدة لازم العربية تعوم و ابتدي اتشاهد :-)
بس و الله اخيرا قهرته و بجد الوحيدة اللى عملت شبه 90 درجة بتلف دون اي تعوييم و لا سنة حتة........من يوميها و انا بحلف بالسوبارو و عمري ما ركبت و لا هركب زيها....
و لو ربنا يشاء اني مضطر ابيعها اليومين دول و هي لسة جديدة لظروف خارجة عن ارادتي ,فأنا ان شاء الله متأكد اني لما ابيعها ,أكيد بأذن الله هرجعلها تاني و نفس الموديل كمان 2006 و زي ما لقيت منها جديد في 2008 يبقي أن شاء الله هلاقي منها تاني...يا رب.
و علي رأي أخونا في المنتدي.....جرب تركب السوبارو اسبوعان و لو كنت ركيب و بتفهم في العربيات و بتحس بيها تحت رجليك و حوليك يبقي مستحييييييييل تتحمل و تستمتع بركوب اي سيارة أخري مهما حصل
انها فئة بذاتها و انا عاشق لها
و ربنا يكرم الجميع يا رب
أخوكم