يا جماعه عايز اوضح حاجه بس,
المسأله مش ثبات و خلاص,
لو على الثبات يبقى كل عربيات مصر ثابته لان صعب تلاقي عربيه بتجري و تروح مقلوبه من نفسها لله في لله
الموضوع المميز في السوبارو عن باقي السيارات هو الكونترول
الثبات لوحده يعني انك وانت بتجري متحسش ان السياره عايمه انما ده ممكن يكون في عربيات كتير منهم اللانوس لانها معايا,
الانوس معايا ثابته جدا طول مانا ماشي على طرق كويسه و ناعمه و قليلة الملفات و ده لان فيها معظم عوامل الثبات زي انها واطيه على الارض و دفع امامي و الباور بتاعها مش خفيف لدرجة انه يعوم على السرعات,
انما الكونترول بتاعها مش كويس على السرعات,
و هنا لما نقول السوبارو يبقى بنقول ثبات لنفس العوامل +الكونترول و ده للدفع الرباعي المستمر ( نظام الsymmetrical all wheel drive )
و معلش انا ركبت الميجان كتير جدا و سقتها و بصراحه برضه الكنترول بتاع السوبارو احسن مع احترامي الشديد للميجان
المفضلات