الموضوع: تقسيط جن ٢

سلم عليكم يا جماعة أنا حاجز جن ٢ ٢٠١٠ و انشاالله هستلم قرايب، بس المشكلة اني في حاجات مش عرف هتترتب ازاي، ذي مثلاً موضوع البنك إلي حأسط معه، ابتدي في اجراءت امتى بظبط و كمان موضوع التأثيت ازاي أجيب بوليصة تأمين عل عربية و هي لسة مش بإسمي حاجة كمان ، المفروض عز العرب يديني عرض سعر رسمي و دة طبعاً هيكون السعر الرسمي يعني من غير التخفيض بتاع أيمن ، مع إن محسن صالح ألي إن التخفيض شامل التقسيط كمان و أخر حاجة حاعمل اه في المرور ، في حد من التوكيل هيسعدني في الموضوع دة ولا مع نفسي ؟؟؟
ياريت يا جماعة الناس إلي حتأسط برد تالي هتعمل اه
ألف شكر يا رجالة

1- عرض الاسعار اللى هاتجيبه عبارة عن سعر استرشادى للبنك عشان يعرف ثمن العربية اللى هايمولها .. ويشوف اذا كان ده بيتوافق مع مفردات المرتب او الالتزام اللى هيترتب عليك فيما بعد . وده شئ روتينى .
2- بعد حضرتك لما تودى عرض الاسعار للبنك هما هايشتغلوا عليه ويقولولك هايمولك بكام % .
3- لما البنك يطلع الموافقة على تمويلك فى شراء العربية هايديلك خطاب موجه للتوكيل او المعرض عشان تستلم العربية . وكمان هايطلعلك شيك بالمبلغ اللى هايمولك بيه وانت طبعا هاتكمل الجزء الباقى نقدا من معاك .
3- بالنسبة للخصم اللى هاتخده من أ/محسن ده حضرتك ممكن تخصمه من الجزء النقدى اللى انت هاتدفعه .
4- لما تيجى رايح المرور عشان ترخص البنك بيبعت معاك مندوب أو بيبعت معاك خطاب عشان يحط تأشير بالتحفظ لصالح البنك .
5- بوليصة التأمين مافيهاش مشاكل وممكن البنك هو اللى يعملهالك وبتكون لصالح البنك .
ربنا يوفقك.