| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 16

  1. #1

    الصورة الرمزية farismoneer

    رقم العضوية : 48808

    تاريخ التسجيل : 04Oct2009

    المشاركات : 11

    النوع : ذكر

    الاقامة : القاهرة

    السيارة: فيات 128

    السيارة[2]: مازدا 323

    الحالة : farismoneer غير متواجد حالياً

    افتراضي اختبار قيادة الفيات 127 - Facebook Twitter whatsapp انشر الموضوع فى :

    hasad">

    السلام عليكم
    محدش يكون معاه العربية دى و يزعل
    أما والدى معاه فيات 128
    و انا معايا رجلى بروح بيها اى حته
    يعنى انا مش بتريأ على حد
    ده تقييم حقيقى لواحد من اشطر مهندسى السيارات فى مصر
    منقول عنه بالكامل

    العربية ال127 دى بالذات بأه حكايتها حكايه ، اول مرة فى حياتى اشوف عربية بتمشى من جوة بس ، يعنى وانت راكب جواها تحس انها ماشية وطايرة وجايبة 140 ،لكن كل الناس اللى برة شايفة العربية واقفة ومستغربة من الحركات العجيبة اللى الشاب الروش اللى راكبها عمال يعملها على الديريكسيون والدبرياج

    لو بدأنا بنظرة للعربية من برة هنلاحظ ان شكلها كويس اوى فى ما عدا حاجة واحدة غريبة أوى، العجلتين اللى ورا داخلين لجوة أوى و موجودين فى نص العربية ، يعنى الرفرف بتاع العربية فاااااااااااضى، وفيه حته رجل معزة كدة نازلة منه من عند آخره من جوة

    تبتدى نحاول نركب العربية ، وده هستلزم بعض المجهودات ، اسهلها طبعا فتح الباب لأن ابواب موديلات فيات القديمة دى طيعة جدا، بتفتح لو سندت عليها، وبتفتح فى اى مطب، وبتفتح لو شخطت فيها جامد، هى مشكلة الأبواب الحقيقية دى هى القفل وليس الفتح

    المهم، بعد ما شخطنا فى الباب وفتح هنحتاج نتعامل مع الكرسى ، نرجعه لورا على الأخر ونلزقه فى الكنبة الخلفية وبعدين أروح مقرفص ولامم رجليا بين دراعاتى وانزلق الى داخل العربية، قد يستلزم الأمر محهود من احد الأصدقاء يدينى زقه الى داخل العربية، وقد يكفى انى ادهن كاوتش الباب بالصابون واتزفلط على جوة العربية بالدفع الذاتى

    الحمد لله استقرينا على كرسى العربية،بس إيه الللى بيلعب فى دماغى دا، اه دا السقف، سقف ال127 متواضع جدا ولا يحب الإستعلاء، بينزل لمستوى دماغ اى حد يركب العربية، واى عربية 127 تبص على سقفها تلاقى فيه علامة سودة فوق كل كرسى مطرح راس اللى بيركب العربية(ماهى غلطتهم، مبيغسلوش راسهم ليه قبل ما ينزلوا من البيت)

    نحاول بأة نقفل الباب، طب وده ينقفل إزاى دة، مافيش مكان خالص ادى عزم لدراعى علشان يشد الباب، إستعنا على الشقا بالله، انتقل بحرك اكروباتية الى الكرسى اليمين، اشد الباب (بحزم وبدون ان اتركه عندما يقترب من الكالون) انجح فى فقله بعد المحاولة الثالثةارجع تانى للكرسى الشمال (ولو انها مش هاتفرق كتير، العربية دى ممكن تسوقها من الكرسى اليمين او الشمال بمنتهى البساطة)

    ندور بأه العربية، إيه الكونشرتو اللى انا سامعة ده، فى البداية تدخل آلات النفح (وح وح وح وح وح) ده المارش، فى وصلة تستمر لمده 10 ثوانى بدون تدخل آيه آلات موسيقية أخرى، وبعدين وح وح وح وح وح وح، برضه مافيش حاجة تانى، وبعدين وح وح وح وح وح والتالتة تابتة تلاقى الآلات النحاسية دخلت معاها تقول هس هس هس هس وبعدين آلات النفخ تقول ورةورةورةورةورةورة، وبعدين آلات النقر تقول كلنج كلنج كلنج لحد ما يستقر صوت الموتور، فينك يا عمار يا شريعى تغوص فى بحر نغمات هذا المحرك الطروب

    سخنت العربية والمسائل بقت 10 /10 ، نطلع بقى بالعربية، الحاجة المثيرة هنا ان الدبرياج خااااااافيييييييييييييييي ييييف، اخف من دواسة البنزين، نديها الأولانى، وهنلاقى حاجة بتقول معانا عااااش، متشغلوش بالكو، دا الفتيس بيعض بس، طب هو ليه بيعض هو مكلش لحمة، لأ يا سيدى واكل لحمة ومبسوط بس المرة الجاية قبل ما تديله الأولانى إبقى إدى التانى الأول وانت اقف وبعدين الاولانى، وهى لعمرى طريقة فذة فى قيادة السيارات لم تمر على شخصى المتواضع قبل كدة، نسيت اقول لكم ،ان صديقى صاحب السيارة ،الجالس على الكرسى الأيمن نصه تقريبا قاعد على حجرى، أه يا لئيييم، انا ديلوقتى بس فهمت انت ليه اصريت انك تجيب عربية 127 اول ما خطبت.....

    المهم : ابتديت اشيل رجلى من على الدبرياج، وطلعت العربية، العربية دى بتفكرنى بلاعبات التنس الأسبانيات، اللى كل ما يضربوا الكورة صريخهم يصحى الأموات فى المقبرة اللى جنب الملعب، برضه العربية دى بتعتبر ان جزء من كرامتها انها كل ما تعمل حاجة لازم تعمل لها صوت مميز، يعنى العربية وهى طالعة راحت قايلة الأول "كلانج" فبصيت لصاحبى مستغرب: مين كلانج دى، قاللى كلانج إيه، قلتله الصوت للى طلع دا؟ قاللى صوت إيه ؟ انا مسمعتش حاجة، رحت موقف العربية تانى وطالع بيها، راحت قايلة "كلانج" تانية، قاللى آآه قصدك ده؟ يا راجل خضيتنى دى صلايب عمود الكوبلن، وبعدين انت هاتقرفنى ليه تسوق وانت ساكت ، قلته حاضر، المهم بعد الكلانج وفى أول لنقلة الأولى اسمع صوت الموتور بيقول وررررررررررررررحححححح، انا قلت فى عقل بالى اكيد دا صوت تفنيس الفسنباخ وانا اللى بس مش فاهم فميش داعى أسأل صديقى الفخور بسيارته حفظا لكرامتى،

    الشهادة لله العربية بتجرى( او ان هذا هو احساسى وانا راكب العربية، لأن لما بشوفها من بره الوضع بيكون مختلف)، اول تانى تالت رابع والعداد بيقول 80 والدنيا زى الفل

    إمعانا من صديقى العزيز فى إثبات كفاءة سيارته راح مشغل الكاسيت اللى حاططله صب ووفر مش عارف كام مليون واط ومعليه، وألاقيلك يا عم حاجات غريبة جدا بتحصل فى العربية، مع كل بوم تش من الكاسيت الاقى فرش السقف بيطلع لفوق وينزل، فرش الببان بيدخل ويخرج، قزاز العربية كله بيلعب مع المزيكا والشنطة بتفتح لبرة شوية وتقفل
    دى طلعت مش بس عربة بتعزف سمفونيات محركية، لا دى كمان بترقص مع المزيكة
    المهم انا قعد ازعق بعلو حسى أقول له "إ..ف..خر...بد..." هو طبعا مش سامعنى فزعق بعلو حسة يوقللى، "بتقول إييييييييييه" انا رديت عليه اقول له "إط....لمخ....ده" قاللى مش ساااااااااااااااااممع ، راح طافى الكاسيت وقاللى بتقول إيه مش سامعك، قلته : كنت بقوللك إطفى المخروب ده

    المهم وصلت لسرعة 90 وهنا بدأ المحرك يقول وغغغغغغغغغغغغغغغغغغغ، غوووووووووووووووو، ويييييييييييييييييغ، وووووووووغ ، الشهادة لله الموتور لسة بيجيب معايا، لكن صوته بقى غريب أوى ، عند ال 100 بقى الموتور بيقول ياااااااااااااغغغغغغغغغغغ غغغ، وهنا بدأت العربية تتصرف تصرف يفطس من الضحك، بدأت تتنطط،رغم ان الطريق انا شايفه مستوى لكن العربية عمالة تطلع وتنزل، يا ماما انتى فاهمة غلط انتى لا زلت بأربع عجلات، لسة مافيش جناحين، اعقلى، انا وصلت لحد 120لمدة ثانية ورحت شايل رجلى لأان المرحلة القادمة كانت ان الآنسة تقلع بينا فى رحلة جوية قصيرة تنتهى فى وش اول شجرة او عمود نور يقابلنا،

    المهم، قابلنا مطب صناعى، فرملت قبليه، العربية وانا بفرمل قررت منها لنفسها كدة ان هذة هو الوقت المناسب للإنحراف يمينا، فلقيتها جايبة الشارع من اقصى الشمال لأقصى اليمين، انا كنت لحقتها بالديريكسون علشان اوازن تصرفاتها الفرملية الغريبة دى، وهنا وقبل ان ابعثر كرمتى فى سؤال لصديقى عما لا أعرف من تكنولوجيا هذة السيارة، وفر عليا المهانة، وقال لى، هى بتحدف يمين مع الفرامل، انا من يوم ما جبتها وهى كدة

    طلعنا يا عم المطب الصناعى، واسمع العربية بتقول الحجات دى بالترتيب: تراك، زييييييييييييق،فسسسسس،ججج جججغغغغغغ، زييييييييق، بوم، فسسسسسسسس ، وهاترك تفسير الأصوات دى ليكم ولمعلوماتكم الصوتعفشجية

    جرينا بالعربية تانى لحد 100 ، وبعدين لقينا عربية تانية قدامنا ماشية على الشمال،قمت قلت اخد منها غرزة، ورحت مدى الديريكسيون شعرة يمين، وألاقيلك يا عم حجة بتقول ايييييييييييييييييييييييي يييييييء، زيييييييييء، والعربية شغالة رقص بلدى من ورا ونصها الورانى عمال يروح يمين وشمال، طلعت كل خبراتى فى انى الم العربية لحد ما ربنا كرمنى ووقفت على جانب الطريق ورحت موقف العربية، وطلعت حتة الصابونة اللى كانت فى جيبى ودهنت كاوتش الباب ورحت متزفلط على برة، إستلزم هذا دفعة شلوتية من صديقى صاحب السيارة ليحررنى من إطار الباب الذى اطبق على جسدى، ورحت قاعد على جنب الطريق وفتحت فى العياط،

    صاحبى قاللى مالك بس، قلتله من بين دموعى لا ولا حاجة، قاللى قصدك يعنى علشان العربية بتعوم، طب مهو كل ال127 وبعدين لعلمك ان العربية دى بالذات آمان جدا عن باقى ال127، لعلمك انى اما من ساعة ما جبتها من سنتين متقلبتش بيها غير 3 مرات بس..................!!!!!!

    مفيش داعى احكيلكم ايه اللى حصل بعد كدة علشان ماتاخدوش عنى فكرة وحشة

    منقوووووووووووووووووووووو ووووووووووووووووووووووووو ووووووووووووووووووول


  2. #2

    الصورة الرمزية maka

    رقم العضوية : 5950

    تاريخ التسجيل : 18Feb2008

    المشاركات : 8,108

    النوع : ذكر

    الاقامة : .

    السيارة: .

    السيارة[2]: .

    دراجة بخارية: .

    الحالة : maka غير متواجد حالياً

    افتراضي -

    ده تقييم سبعاوى ............ انت جبته منين

    بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ


  3. #3

    الصورة الرمزية SeiffoZ

    رقم العضوية : 17720

    تاريخ التسجيل : 02Sep2008

    المشاركات : 3,458

    النوع : ذكر

    الاقامة : Cairo

    السيارة: Renault Logan 2010

    السيارة[2]: Florida 2006 1.4cc

    دراجة بخارية: لا

    الحالة : SeiffoZ غير متواجد حالياً

    افتراضي -

    تتقييم سبعاوى و موجود فى المنتدى من فترة كبيرة

    نفسن براحتك ..
    إشتم براحتك ...
    إغلط و متعوزش تتحاسب ...
    إتبلطج و خدها دراع و أعمل دكر ..
    إحجر على الرأى التانى و إتريق على الناس ..
    إنت عن جدارة عالم ثالث و متتكلمش تانى على الهجرة.


  4. #4

    الصورة الرمزية loodaa

    رقم العضوية : 32617

    تاريخ التسجيل : 10Feb2009

    المشاركات : 383

    النوع : ذكر

    الاقامة : Alexandria, EGYPT

    السيارة: not available

    السيارة[2]: FIAT GRAND Punto 2009

    الحالة : loodaa غير متواجد حالياً

    افتراضي -

    التقييم ده بتاع سبعاوي عن ال127


  5. #5

    الصورة الرمزية farismoneer

    رقم العضوية : 48808

    تاريخ التسجيل : 04Oct2009

    المشاركات : 11

    النوع : ذكر

    الاقامة : القاهرة

    السيارة: فيات 128

    السيارة[2]: مازدا 323

    الحالة : farismoneer غير متواجد حالياً

    افتراضي -

    أنا لقيته في أحد المنتديات وبصراحة الراجل أمين وكان كاتب عليه منقول وأنا نقلته وكتبت عليه منقول علشان محدش يزعل


  6. #6

    الصورة الرمزية Mostafa.Mahran

    رقم العضوية : 26740

    تاريخ التسجيل : 03Dec2008

    المشاركات : 2,908

    النوع : ذكر

    الاقامة : Alexandria

    السيارة: شيفروليه أوبترا - رينو لوجان

    السيارة[2]: 127 - دايو لانوس-أوبل استرا

    دراجة بخارية: NO

    الحالة : Mostafa.Mahran غير متواجد حالياً

    افتراضي -

    انت مش شايف انك ........* اوى

    الرجاء مراعاة أنتقاء الألفاظ
    مشرف الأوروبى 1




    Eng.M Mahran سابقا


  7. #7

    الصورة الرمزية Abdo_Eldesokey

    رقم العضوية : 9965

    تاريخ التسجيل : 02May2008

    المشاركات : 1,867

    النوع : ذكر

    الاقامة : 6 October

    السيارة: non

    السيارة[2]: Toyota Corolla 2003 1300cc A/T

    دراجة بخارية: non

    الحالة : Abdo_Eldesokey غير متواجد حالياً

    افتراضي -

    تلف تلف وترجع لصاحبها

    الي مدخلش QNET .. مدخلش دنيا
    http://www.nilemotors.net/Nile/244377-a.html


  8. #8

    الصورة الرمزية memononos

    رقم العضوية : 23358

    تاريخ التسجيل : 27Oct2008

    المشاركات : 261

    النوع : ذكر

    الاقامة : egy

    السيارة: i have not

    السيارة[2]: fiat 128 74 معدل

    دراجة بخارية: no

    الحالة : memononos غير متواجد حالياً

    افتراضي -

    اقتباس المشاركة الأصلية كتبت بواسطة draonx مشاهدة المشاركة
    انت مش شايف انك ........* اوى

    الرجاء مراعاة أنتقاء الألفاظ
    مشرف الأوروبى 1
    اقتباس المشاركة الأصلية كتبت بواسطة Abdo_Eldesokey مشاهدة المشاركة
    تلف تلف وترجع لصاحبها
    شوفت اهم اصحاب 127 زعلو
    صراحه انا مرتين فى حياتى شفت حادثه على الطريق والمرتين
    كانو حوادث انقلاب 127


  9. #9

    الصورة الرمزية Abdo_Eldesokey

    رقم العضوية : 9965

    تاريخ التسجيل : 02May2008

    المشاركات : 1,867

    النوع : ذكر

    الاقامة : 6 October

    السيارة: non

    السيارة[2]: Toyota Corolla 2003 1300cc A/T

    دراجة بخارية: non

    الحالة : Abdo_Eldesokey غير متواجد حالياً

    افتراضي -

    اقتباس المشاركة الأصلية كتبت بواسطة memononos مشاهدة المشاركة
    شوفت اهم اصحاب 127 زعلو
    صراحه انا مرتين فى حياتى شفت حادثه على الطريق والمرتين
    كانو حوادث انقلاب 127
    أنا مش من أصحاب الـ 127

    أنا من أصحاب الـ 128

    الي مدخلش QNET .. مدخلش دنيا
    http://www.nilemotors.net/Nile/244377-a.html


  10. #10

    الصورة الرمزية Mostafa.Mahran

    رقم العضوية : 26740

    تاريخ التسجيل : 03Dec2008

    المشاركات : 2,908

    النوع : ذكر

    الاقامة : Alexandria

    السيارة: شيفروليه أوبترا - رينو لوجان

    السيارة[2]: 127 - دايو لانوس-أوبل استرا

    دراجة بخارية: NO

    الحالة : Mostafa.Mahran غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة memononos مشاهدة المشاركة
    شوفت اهم اصحاب 127 زعلو :b4_611:
    صراحه انا مرتين فى حياتى شفت حادثه على الطريق والمرتين
    كانو حوادث انقلاب 127:o_stupid[1]:
    العيب مش فى العربية انما فى الى سايق المفروض انه يعرف امكانياته و بصراحة ال127 هى انسب عربية لو انت(لسه شاب و الامكانيات محدودة-لسه بتتعلم السواقة-راجل كبير و سواقتك محدودة)




    Eng.M Mahran سابقا



 
صفحة 1 من 2 1 2 الأخيرةالأخيرة

المواضيع المتشابهه

  1. اختبار قيادة الفلوينس
    بواسطة bukla في المنتدى ساحة تجارب القيادة
    مشاركات: 53
    آخر مشاركة: 11-09-2013, 03:21 PM
  2. اختبار قيادة ال byd f3
    بواسطة memo_p910 في المنتدى BYD
    مشاركات: 1
    آخر مشاركة: 27-04-2010, 07:46 PM
  3. -اختبار قيادة لسيارات بروتون-
    بواسطة Ayman_52 في المنتدى أخبار السيارات في مصر والعالم
    مشاركات: 18
    آخر مشاركة: 30-01-2010, 04:32 PM
  4. اختبار قيادة طحن للوجان mcv
    بواسطة amr.elsayed في المنتدى ::: أهـــم مـوضـوعــات القســـم :::
    مشاركات: 3
    آخر مشاركة: 04-09-2009, 01:24 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2