الموضوع: Byd f3 تقفيل مصرى

لو حضرتك خايف ممكن تشترى اسبيرانزا M11 و السعر متقارب جدا بينها و بين الـ f3
و عندك بريليانس FRV و هيونداى اكسنت و اسبيرانزا 516

اذا كانوا مش فالحين في تجميع اللادا و النيفا اللي هما اصلا تكنولوجيا قديمة جدا و مافيهمش فن اصلا .. هيفلحوا في عربية كلها تكنولوجيا و امكانيات عالية ؟؟؟

المشاركة الأصلية كتبت بواسطة HEEEEERO

عندك حق والله دول بوظوا الكرونة بتاعت عربيتى الادا ولاد xxxxx وجاى يقولى انت مشيت من غير زيت مع العلم انى كنت داخل بيها سليمة وعشان الكرونة كانت بترشح زيت كدة روحت اغير الاويل سيل بتاع الكرونة فا xxxxاللى اشتغل فيها ربط على رمان البلى جامد خلاه مش عارف يلف عقبال ما رجعت البيت لقيت صوت الكرونة عالى جدا وااللى عرفنى الموضوع دة واحد ميكانيكى وعلى فكرة دة توكيل اليكس اللى فى الكيلو 27 طريق اسكندرية القاهرة الصحراوى

عادي جدا اللي حضرتك بتقوله .. توكيل لادا حقق المعادلة الصعبة فعلا ..
اسعار نار + شغل xxx= توكيل لادا
توقيع : واحد من ضحايا توكيل لادا

المشاركة الأصلية كتبت بواسطة mohamedmd14

العربية byd f3 هيبدأ تجميعها فى مصر
واول انتاج مصرى هينزل فى شهر 11
ده كلام التوكيل
بصراحة انا كنت بفكر فى العربية دى بس لما عرفت موضوع التجميع المصرى ده قلقت عشان التوكيل بتاعها معظم الناس بتشتكى منه
يا ريت اعرف اراء حضرتكم و ده هيفيد ناس كتير بيفكروا يجيبوا العربية دى
يعنى موضوع التجميع المصرى ده فى صالح العربية و هيوفر قطع غيار اكتر و يقوى التوكيل
وله هيضر العربية و هتظهر عيوب و التوكيل ده اضعف من انه يجمع عربية
وله مش هتفرق

السلام عليكم

أولا الحمد لله فالسيارة كل يوم بتثبت لي جودتها المتميزة عن باقي الإنتاج الصيني
وذلك يصعب وجوده إلا مع شركة تفتح قنوات إتصال مع العملاء وتستمع إليهم
ومستوي مبيعاتهم التي هي مؤشر لمدي النجاح في سوق يصعب تمييز الجيد من الرديء فيه

ثانيا بالنسبة لموضوع التجميع إن كنت تنتظره فيصعب الحكم عليه جدا هذه الفترة
لأن عيوب التجميع لا تظهر في السيارة الزيرة إنما بعد فترة من الإستعمال

وإن كان لي رأي هو أن التجميع سيكون بإستيراد نفس المكونات السيارة الحالية في جميع الأجزاء الحيوية بدأ من المحرك وملحقاته كالدينمو والمارش والكومبريسور وغيرها ومرورا بالعفشة كالمقصات والمساعدين إلخ..
أما الإنتاج المحلي المصري يقتصر علي بعض المكونات الداخلية كالكراسي والزجاج وربما بعض بلاسيكات الصالون والكاوتش وممكن الجنوط وإن كان الصيني سيكون أرخص خاصة الجنوط الإسبور

وإن زادت النسبة قليلا لا أعتقد أنها ستمثل مشكلة لأن المكون المصري ليس سيء للغاية فضلا عن أنه مكمل مثل جهاز الإنذار مثلا أو المصابيح أو موكيت الفرش وربما أكثر

ومقابل ذلك سيكون هناك فرق في السعر ولو قليل فالمستهلك أولي به والأهم أنه سفتح الطريق أمام توفر قطه الغيار بكثرة.

ولا شك أني أعجبت بجودة التقفيل الصيني لها وأتمني أن يكون المصري مشابه

أما التوكيل فهو للأسف منطقه ليس سليم في التعامل مع السوق من ناحية الدعاية خاصة ويجب علي كل من يواجه مشكله أن يعلم بها الشركة الأم مباشرة إذا لم يجد حل من التوكيل ليتولي الضغط علي الوكيل بطرقه الخاصة

لعل أصوات المستهلكين يكون لها صدي عند الشركة الأم في تغيير وكيلها في مصر والأهم أن يغيره إلي وكيل لا يكون أسوأ منه.

وإن كنت من طبيعة علمي بالوكيل أتوقع ان المنتج المصري لن يختلف في السعر عن المستورد فهو يرفض تماما ضياع قرش واحد