حفاظا على أطفالكم

**electrondevil** · 08-10-2009 12:34 PM

لاحظت مؤخرا ظاهره عجيبه وغريبه
كتير قوي بشوف واحد محترم وراكب عربيه محترمه, سايق ومقعد الننوس إبنه على حجره وهو سايق.
وطبعا الواد بيقعد يلعب بالدركسيون فرحان وفاكر نفسه سايق, وممكن يخلي أبوه يخيش في بطن المقطوره من تحت.
الراجل ده مش مقدر إن أي حاجه ممكن تحصل هو مش عامل حسابها؟
لو أي حاجه حصلت والإيرباج فتحت, الراجل ده مش هيقدر ينسى منظر إبنه وهو ميت في حجره
ولو مافيش إيرباج تبقى المصيبه أكبر الواد هايتفعص مابين أبوه والدركسيون
والمصيبه الأكبر لما تبقى واحده هي اللي سايقه وفي نفس الوضع ده
كفايه أصلا الخطر الناتج من إن في طفل راكب عربيه سايقاها واحده ست

أرجو الإقلاع عن هذه العاده المميته والداله على عدم الاكتراث بحياة أطفالنا

**M!NA** · 08-10-2009 12:46 PM

المنظر ده بيستفزني جدا ... فعلا الناس ديه مش حاسين بيعملوا ايه...

دا حتى لو تصادم خفيف... ممكن يعمل تأثير جامد جدا... لأن الأطفال بيكون عضمهم ضعيف...

فعلا استهتار...

**electrondevil** · 08-10-2009 03:46 PM

كرسي الأطفال مش غالي
ولو غالي برضه مش مهم أكيد الطفل اللي مش فاهم حاجه ده حياته أهم
أنا أكيد مش خايف على الإنسان الغبي اللي بيعمل الحركه دي عشان هو يستاهل كل اللي يجراله بسبب غبائه
بس ليه الطفل ده يتحمل نتيجه غباء أبوه أو أمه

**Terrible_DaRsH** · 08-10-2009 03:56 PM

الطفل ممكن يعمل مليون حركة مفاجاة يكون رد فعلها يتسبب فى كارثة لا قدر الله ..

**m_o_sakr** · 08-10-2009 04:05 PM

yes, this is a unreasonable thing to do, these people in europe they get from their lisence 3 pints out and put in jail for 2 or .3 days, but here, what we can say,,,,people and government are so

**MohaMed_Refaat** · 08-10-2009 04:15 PM

فى واحد معاة بوما بشوفة كتيير وهو مخلى ابنة اللى فى ابتدائى يسوق
كل لما اروح اقعد عند الاستاد اشوفة مخلى ابنة يسوق وابنة والله مش بيبقى شايف الطريق قدامة غير بالعافية بيبقى متشعبط فى الدركسيون .

يا أستاذ محمد نرجوك رجاء حاراً
أن تكتب لفظ الجلالة بأسلوب سليم
في كل مشاركة يتدخل الإشراف وراءك بتعديل لفظ الجلالة
رجاء ثم رجاء استدراك هذا الأمر
الإدارة 3