ألف مبروك يا باشا أنا برضو والدى لسة مستلنها من 5 أيام..بس كان لية سؤال..حضرتك حاجز لون أية ,انهى فئة..و من امتى...عشام والدى كان حاجز لون أسود 1600 وقعد شهر و أسبوع لغاية ما أستلم و صاحب المعرض أصر على 81 ألف جنية..:11:
عرض للطباعة
الف مبروك
وربنا يعطيك خيرها ويكفيك شرها
وعقبالي
الاخ الفاضل kesmat
عوزين نعرف معلومات اكثر عن السيارة
منين اشترتها واتأخرت اد ايه على ما استلمت
وما هو اللون المفضل من وجه نظرك
يا ريت عوزين نعرف معلومات عن التيجو 1600
ولو هناك صور يا ريت
ولا خلاص من حبك للسيارة بقيت طول النهار معاها ومبتدخلش على المنتدي
تحياتي والف مبروك
الف مبروك وربنا يعطيك خيرها ويبعد عنك شرها
بس عاوزين تقرير من حضرتك من حيث الترخيص وتكاليفه ومن حيث اسهلاك البنزين وكمان عاوزين نعرف هل ينفع نركب ليها ديفيندرات وحيكون مصرح بيها ولا ممنوع
أشكر سعدتك على المشاركة ، وبعدين والله أنا حتى الأن مش عارف أستمتع بالسيارة لآن ظروف شغلى مضغوطه شويه .
بالنسبة للأستفسار من قبل حضرتك فهى كا الأتى :
- أشتريت السيارة من توكيل أبو الفتوح الموجود فى كورنيش المعادى وبقيمة 79900 جنية .
- بالنسبة للون المفضل ومن وجه نظرى هو اللون الرمادى الفاتح لأنه لون فاتح ومدى للعربية حجم وكمان نفس لون الفرش .
- بالنسبة للمده أنا حجزت السيارة يوم 27/7 وأستلمت يوم 7/10 وده لأنه اللون كان غير متوفر فى هذى الفترة وهما عرضو على أكثر من مره أنى أستلم اللون الأسود .
- بالنسبة للسيارة فهى بدون مبالغة للأستخدام من أول مره فهى سيارة رهيبة وجميلة جدا وبعدين أنا كنت خايف من قوه الماتور نظرا لأنه 1600 ولكن مش هاقدر أصوفلك العزم شكله أيه .
تحت أمرك فى أستفسار أن شاء الله .
ربنا يبارك فيك وشاكر على الدعاء والمشاركة .
بالنسبة للترخيص فهو كا الأتى :
- 50 جنية تقريبا مستندات فحص 3 سنين+ 220 تأمين أجبارى 3 سنين + 125 طفاية حريق + 810 ضريبة ونمر 3 سنين + 50 مصروفات نثرية أثناء الترخيص طبعا فاهم . يعنى الأجمالى لترخيص 3 سنوات هو ( 1255 لترخيص لمده 3 سنوات ) وطبعا ضيف عليهم غدوه للأواد بمناسبة العربية الجديدة وده حسب تقدير الأولاد :stink[1]: .
بالنسبة لديفيندرات أنا وقفت واحد معاه السيارة وكان مركبهم وسئلاته عنهم أخبرنى أنهم بيتركبو فى شارع رمسيس أمام السنترال ولكن هم ممنوعين فى المرور .
شاكر وتحت أمرك فى أى أستفسار .
ألف مبروك وتاخد خيرها ويكفيك شرها يارب ...
ممكن سؤال هل 1600 فيها فتحة سقف وإيه الأوبشن إللي فيها ؟؟
ربنا يبارك لك فيها ان شاء الله ويديك خيرها ويكفيك شرها ... كنت عاوز اسأل على البنزين ... بتحط ليها بنزين كام ومعدل الأستهلاك معاك جوه البلد ولو كنت خرجت بيها بردو على طريق طوالى بتعمل معاك كام اصل بصراحه العربيه سعرها رائع وانا نفسى اشتريها بس خايف يكون Running coast اوى يعنى التكاليف للتشغيل بتاعتها عاليه ياريت تفيدنا:satelite: