برجاء شاركونى الرأى - أيهما أفضل أشترى نيو أكسنت 2010 أو كرولا 2004 بحالة ممتازة مع ان السعر متقارب لصالح الكرولا بمعنى الكرولا مطلوب فيها 86 الف وبحالة ممتازة عداد 40 الف موديل 2004 - وشكرا للجميع
عرض للطباعة
برجاء شاركونى الرأى - أيهما أفضل أشترى نيو أكسنت 2010 أو كرولا 2004 بحالة ممتازة مع ان السعر متقارب لصالح الكرولا بمعنى الكرولا مطلوب فيها 86 الف وبحالة ممتازة عداد 40 الف موديل 2004 - وشكرا للجميع
انا افضل الكورولا احسن بكتير
انا شايف ان الكورولا احسن بكتييييييييير كمقارنة عامة بينها كسيارة مستعملة و بين الاكسنت زيرو
بس متهيألى و الله أعلم ان السعر غالى شوية
كورولا على طووووووووووول شرط الحالة تكون كويسة
الكورولا افضل بكتير وعن تجربية التيوتا مانيوال فول اوبشن ركبتها فى المطبات ناعمة العزل ممتاز التسارع جيد الفرامل جيدة عالية عن الارض وشيك جدا من جوة وربنا يسهل
كرووووووووووووولا
والله انا شايف ان الأكسنت 2010 زيرو أفضل بكتير جدا
الكورولا أفضل من وجهة نظري
وعلى فكره 86 الف
تجبلك كورولا 2005او 2006 كمان
ودور على الحالة الكويسة
بس اللي معروضة عليك دي سعرها عالي شويه او ممكن تكون حالتها فعلا نظيفة قوي
ولكن ده مش في مصلحتك بعد كده
يعني مش اي حد هياخدها بالسعر ده
وربنا يوفقك لما يحبه ويرضاه
انا شخصيا بفضل الجديد لان محدش بيبيع حاجه لمجرد البيع اكيد بيكون فيها عيب او حاجه زي كده. عموما شوف الالنترا الجديده بردو.جامده اوي
اكسنت زيرو طبعاً ..
عربية زيرو و موديل السنة و انا اول واحد يلمسها و دا ميقللش من الكورولا في حاجة .. بس المستعمل لأ
القلب بيقول الكورولا...............لان الكورولا كورولا
العقل بيقول نيو اكسنت.................لان الجديد جديد وماتضمنش المستعمل فيه ايه............ حتى لو انكشف عليه
انا شخصيا بأفضل الزيرو دايما
ليه احساس مختلف وانت اول واحد تركب العربيه ومفيش حد ركبها قبلك ماتضمنش يكون عمل فيها ايه او ايه اللى حصل للعربيه
عربيه موديل 2010 مش 2004 يعنى فرق 6 سنين
وبعدين احنا مش بنتكلم عن اى عربيه زيرو وخلاص حتى لو وحشه
لأ دى عربيه محترمه وتقفيل كورى 100 % وممتازه
وحتى لو بنقارنها بالكورولا
مع احترامى ليها دى مش bmw عشان نقول طبعا كورولا حتى لو 2004 ومستعمله
وانا شخصيا جربت الكورولا الشكل دا قبل كدا ومعجبتنيش خالص
بصراحه لو بدور على الامان واعتماديه يبقى كورلا
احنا معانا كورلا 2006 عملتبيها حادثة جامده مع اوبترا
بصراحه الابترا راحت فيها والكورلا بردوا اتعورت بس مايجيش ربع
اللي حصل في الاوبترا
فلو السعر متقارب والحاله كويسه خليك في الكورلا وياسلام لو موديل بعد 2004 والكورلا عامة اعطالها معدومة
لو المقارنة مع النترا كان هيكون فيها تقارب لكن مع اكسنت حرام تقارن كورلا باكسنت
وربنا يوفقك في عربية تكون كويسه وتكون وش السعد عليك
طب اية رايك لو تغير المقارنة بين الاكسنت زيرو و ياريس زيرو هاف اوبشن علشان يبقى السعر قريب
واية راى الاعضاء فى المقارنة دى
معاك حق الزيرو بيديك احساس افضل .. بس مافيش شك ان فى بعض العربيات بتتباع فعلا بحالة الزيرو ... وانا شخصيا لو كانت المقارنة بين كورولا مستعملة مع عربية تانية زى الاوبترا او الالنترا كنت هاختار واحده منهم انما الاكسنت لا .
انا سوقت الكورولا 2010 الجنوب افريقى كتير فعلا عربية تستاهل ...بس حقيقى ماسقتش الشكل القديم .
كورولا طبعا بس 86 الف كثير جدا على 2004 مهما كانت حالتها