الموضوع: جبت النترا ومش فاهم الانذار

طبعا فيه مشكلة لأنك المفروض لو لغيت الانذار وانتظرت 30 ثانية بدون ما تفتح العربية الانذار هيشتغل تانى لوحده ويغلق العربية
اما لو فتحت العربية خلاص اوتوماتيك الانذار كدة فصل وما يشتغلش الا لما تدوس عليه تانى من الريموت
يبقى كده عندك مشكلة ولغاية ما تحلها اوعى تنسى الريموت داخل العربية وتنزل منها
وربنا يستر

نسيت اقولك مبروك عليك العربية
وربنا يعطيك خيرها ويكفيك شرها

ياخونا الواحد لازم يقول اللى ليه واللى عليه ، انا ماقدرتش اصبر على موضوع الانذار ده ورحت صيانة غبور اللى في ابو رواش من غير حجز ولا احم ولا دستور ، وعلى فكرة روحتلهم يوم الجمعة وانا مش مصدق انا هلاقيم فاتحين ، والناس ماكنش عندهم اي مشكلة وبدلوا الانذر من غير ولا كلمة والعربية بقت زي الفل، على فكرة مركزصيانة ابو رواش محترم قوي وكبير مقارنة بمركز صيانه كيا اللى كنت بروحه ايام عربيتي القديمة ، وصالة الانتظار لطيفة وعندهم مكان للاطفال ، ومعاملتهم كويس رغم اني كنت غلس حبتين ، طبعا انا معرفش هيحصل ايه في الصيانات الجاي بس الناس للامانة زي الفل.

ملاحظة واحدة لصالح توكيل كيا ، في غبور مابيغسلوش العربيات بعد الصيانة ودي حاجة مش لطيفة قوي بس تعدي.

على فكرة هو الموضوع ده ميزة زيادة
علشان لو إنت أو أي حد فتح العربية بالإنذار من غير ما ياخد باله ( يعني مش في نيته يركبها ) الإنذار يشتغل تاني لوحده
وهما غالباً ما غيرولكش حاجة هما لقوا الخاصية دي

لاغيروه عشان ادوني ريموت جديد ، ودي مش ميزة ولاحاجة ، ده انا عقبال ماكنت احط الحاجة في العربية يكون الانذار اشتغل لوحده ، مافيش ولاعربية من اللي كانوا في المعرض كان فيها الاوبشن ده.

يبدو إن موضوع الإنذار وعيوبه شئ شائع فى الهونداى. أنا الإنذار باظ من تانى يوم وصلحته فى غبور وباظ تانى.