فيات لينيا تربو

**moshooo** · 08-10-2009 06:52 PM

انا ان شاء الله مقبل علي شراء عربية جديده و كنت عايز اعرف شوية حاجات عن الفيات لينيا تربو ال 120 حصان و يتلخص السؤال في الاتي
1-هل العربية برغم انها 1400 سي سي هتكون كويسه في الشد و السفر علشان التربو و هتكون زي العربيات ال 1600 سي سي ولا التربو مبيشتغلش الا علي سرعات معينه فقط ؟؟؟؟؟؟؟؟؟

2-هل قطع الغيار متوفره ولا لا ؟؟؟؟؟؟؟؟؟

**semsem_uno** · 08-10-2009 07:25 PM

السؤال متجاوب عليه 100000 مرة
تاني حاجة علشان تقارن سحبها عيب تقارنه بال 1600 :)) تقارن بأعلي بكتير لأن مواتير فيات عزمها غبي جدا

**aljurjani** · 08-10-2009 07:47 PM

[quote]تقارن بأعلي بكتير لأن مواتير فيات عزمها غبي جدا[/
quote]

عن أي فيات تتكلم يا أخ سمسم. خليك مسمسم ولا تتكلم عن مواتير فيات عموماً. تكلم فقط عن موتور عربية معينة.

أنا معي فيات بترا وعزمها محترم تماماً.

**aromr** · 08-10-2009 07:48 PM

المشاركة الأصلية كتبت بواسطة semsem_uno

السؤال متجاوب عليه 100000 مرة
تاني حاجة علشان تقارن سحبها عيب تقارنه بال 1600 :)) تقارن بأعلي بكتير لأن مواتير فيات عزمها [gdwl]غبي [/gdwl]جدا

ياباشا كان ممكن ترد بايجابية اكتر وتحط لنك لواحد من الـ100000 اجابة

وكمان مافهمتش كلمة غبي ده حاجة كويسة ولا وحشة

**ahmad--ezzat** · 08-10-2009 07:56 PM

بص ياباشا الفيات لينيا من العربيه الجميله جدا اللى فى السوق بس يعيبها التوكيل... حضرتك روح التوكيل قبل ماتشتريها وشوفه ولووعجبك توكل على الله.....العربيه سحبها رائع جدا جدا واخر سرعه ليها 205 فى الظروف العاديه....تخيل 1400 سى سى يعدى ال 200 كيلو متر...اعتقد حاجه كويسه.....العربيه موتورها جامد جدا وعزمه كويس جدا من واقع الارقام اللى قريتها فى مواضيع فى قسم فيات...توكل على الله العربيه ممتازه واوبشنها رائع بس عدى على التوكيل مره كده وشوف موضوع قطع الغيار ويستحسن تتكلم مع حد معاه العربيه دى هناك

**moshooo** · 08-10-2009 08:53 PM

المشكله ان التوكيل بيعمل من البحر طحينه و خاصة في مسألة قطع الغيار و علشان كده انا كنت بسأل هل قطع الغيار بتاعت فيات لينيا متوفرة خارج التوكيل ولا لا و يريت اي حد يكون جرب العربية يفدني في الموضوع ده

و انا أسف بس عندي طلب تاني ممكن اي اقتراحات اخري بخصوص عربيات في نفس السعر

وشكرا

**bahaahssn** · 08-10-2009 10:35 PM

انا روحت سألت على حوالى 20 قطعة غيار فى التوكيل لقيتهم كلهم فوانيس و رفارف و باب و اكصدامات و زجاج الكلام ده كله متوافر
سألت لو لقيت حاجة مش متوفرة قالوا متعهدين يجيبوها بالدى اتش ال فى 6 ايام
غير كده سألت الكيلانى بتاع الفيات اللى فى وسط البلد و قاللى عندو جميع قطع الغيار ليها و سألتو عن حاجات صعبة زى المقصات و المساعدين و البارات و خلافه و كلو موجود
و قطع الغيار موجودة لسبب بسيط الفيات و اللانشيا و الألفا روميو نفس قطع الغيار الميكانيكية و مكتوب علي قطعة الغيار الأسماء التلاتة ده غير ان الجراند بونتو و البرافو و اللينيا مشتركين فى نفس قطع الغيار باستثناء بعض القطع الخارجية
و على موضوع الموتور ال1400 ف هو 120حصان صافى عند 5000لفة فقط و عزمه 206 نيوتن عند 1750لفة و التيربو بيشتغل على العالى و الواطى
على فكرة العربية تقارن بال 1800 و انت طالع فقططط و اعلى من العربيات ال 1600 بكتييييييييرررررررر
الباسا وزنها 2 طن و 1400 تيربو و سعرها 285000 و 121 حصان و عزمها 180 نيوتن
اللينيا من 0-100 فى 9 ثوانى
السيراتو ال 124 حصان 0-100 فى 11.5 عزمها 156 نيوتن عند 4300 لفة
الهوندا ال 125 حصان (صافى) 0-100 فى 11.0 عزمها 156نيوتن

**bahaahssn** · 08-10-2009 10:37 PM

على فكرة غير التوكيل فى مركز امير و جوزيف اللى فى مدينة نصر عندو الصيانة و قطع الغيارالأصلية برضو و معتمد

**loodaa** · 08-10-2009 10:54 PM

عزمها غبي يعني ما بيهزرش

**semsem_uno** · 09-10-2009 02:28 AM

انا لما قلت عزمها غبي يعني موتو معندوش تفاهم و عزمو قوي جدااا
و الفيات بيجيب اصلا اقصي عزم ليه علي ار بي ام قليل عن باقي العربيات بكتير فا مبالك لو قرصت هيعمل ايه
من الأخر جيبها و هتعيش في هني و هتبقي عربية عمرك كله