عرض للطباعة
السلام عليكم ورحمة الله
بحثت فى الصور عن bmw 316 1997 وهل يوجد نفس الشكل ام لا
عاوز اعرف اية الجديد فى الموديل دة وهل فى تحسينات فى الموتور ومعلومات عن التسارع والاداء واية المشاكل اللى فيها واية حلها
واخيرا سعرها مستعمل كام وشكرا
الصور :
http://img180.imageshack.us/img180/9171/316e3601.jpg
http://img28.imageshack.us/img28/8201/316e3603.jpg
http://img119.imageshack.us/img119/6962/316e3602.jpg
اية ياجماعة محدش عاوز يفيدنى لية ويجاوبنى مستنى مشاركتكم
تسمى الدبانة وموتورها 1600 انجكشن , واسعارها حسب الفئات والكماليات وفي منها بفتحة سقف وبدون وبإرباجز وبدون والمانى ومصرى
شكرا على الافادة ارجوا الاجابة على اسالتى وشكرااقتباس:
المشاركة الأصلية كتبت بواسطة د.محمود صلاح
تم الارسال على الخاص
يا ريت معلومات اكتر عنها من فضللك علشان انا ممكن اجيب واحده ترخيص لمعاق من بور سعيد وموش عارف عنها اي حاجه ممكن تقولي العربيه ديه اخبارها ايه والاسعار المتوقعه ليها ايه وشكرا
مع أحترامى الشديد جدا لهذاالمنتدى وأعتزازى الشديد جدا بكل ما يكتبه speed ألأ أننى بزعل جدا حينما تكتب أنه تم الرد على الخاص فلماذا لأيتم كتابة الرد على الملأء حتى تعم الفائدة علينا جميعا -برجاء من حضرتك كتابة الرد لأنى مهتم جدا بهذا الموضوع وكمان حتى نتستفيد من معلوماتك ولكى تعم الفائدة
وجزاك الله خيرا
اقتباس:
المشاركة الأصلية كتبت بواسطة jackson_75
+1
انا رأيي ان ال316 1997 هي من افضل السيارات التي انتجتها بي ام
السيارة ما شاء الله رائعة شكلا و كماليات و امكانيات
السيارة الماني و لا يوجد منها مصري (لم تجمع في مصر)
1600 سي سي 102 حصان
عزم ممتاز
ثبات رائع
شكل رياضي انيق
منها بفتحة سقف و بدون مع اني لم اري منها بفتحة سقف
منها عادة و اوتوماتيك
تكييف تاتش
abs
air bag واحدة
روافع زجاج و زجاج و مرايات كهرباء
تنزل بطاسات حديد بي ام و ليس بجنوط سبور
سعر المستعمل حسب الحالة.....من اول 75 الف الي 90 الف
لو احتجت اي معلومات انا تحت امرك
شكرا يا د. شامل على المعلومات وجزاك الله خيرا
مشكوووووور والله يعطيك الف عافيه
بعد تجربة مريرة مع مثل هذا النوع من السيارات ، أنصح الجميع بانه يمكنك شراء هذا النوع من السيارات فى حالة أن يكون متوفر بشخصيتك ثلاث شروط ،، وهما
أولاَ : أن تكون ذو قدرة مالية عالية جداً وقادر على الصرف ومتسئالش بكام وليه لأنك من الاخر راكب بى أم دبليو ، حاجات العربية دى هتالاقيها فى الحرفين ، عالمين زى اللى بيقطع فى لحم ميت وبياخد منه ويركب فى لحمك ، عربيات متقطعة وشكلها زفت ومتربة ، تراب متغمس فى زيت وحاجة تقرف ويقطع ويديك فى أيدك!!!!
ثانياً : أن تكون متمتع بروح الصبر لأنك هتقابل أشكال من الصنيعية مايعلم بيها الا ربنا وحده ، وهى فئة فى قمة الطمع والجشع وقلة الذوق والقرف !!!
ثالثاَ: أهم حاجة بقى أنك تكون فاضى وماوركش حاجة نهائياً لأنك هتقضى نص عمرك اللى بقيلك فى الحرفين وفى البحث عن قطع غيار ..
والله والله والله ونصيحة لوجه الله أن أى عربية حديثة برقبة العربيات القديمة دى وأحسن من وجع الدماغ لأن الاغلبية العظمى من اللى بيبيعوا السيارات دى نصابين وكدابين وبيجيبوا عربيات متقطعة وبيبعوها على أنها فبريكة ، والغالبية العظمى بتكدب فى سوق المستعمل ، كذب ، كذب ، كذب ونصب ونفاق !!!!!
يعنى من الاخر ال 60 ولا 70 ألف اللى ممكن تدفعهم فى عربية زى دى ماشية على الاررض بقالها 20 سنة وبتتصلح فى أماكن محدددة وقطع غيارها فى أماكن معينة وفئة ما يعلم بيها الا ربنا من اللى بيصلحوها ، ليه كل وجع الدماغ ده
طب ما فى عربيات زى الفل موديل 2013 وب 80 ألف وأخر شياكة وريحة الفبريكة فيها أحسن من العربيات اللى ريحة العتة ماليها دى ، أنا أسف فى التشبيه بس بصراحة عاملة زى اللى مطلقة وأتجوزت من مية واحد !!!
أنا قلتها نصيحة لوجه الله والله الموفق ،،
اولا ده من اقوى موديلات بى ام دابليو الفئه التالته
ومتوفره من 1600 سى سى الى 3500 سى سى وهى عربيه تحفه مالهاش حل قطع غيارها فى الحرفيين كتير وسعرها معقول ده بالنسبه ل 1600 بس كل الموتور ما كبر قطع الغيار بتغلى نسبيا مش كتير يعنى
وسعر العربيه من 60000 لغايه130000 حسب الحاله والموديل والمواصفات
والعربيه دى لو حالتها نضيفه هاتحس انك راكب طياره