ساعات بسمع صوت طقة خفيفة مع الضغط على دواسة الدبرياج في الغيار الأول بالذات وساعات الثاني ونادرا الثالث.
عرض للطباعة
ساعات بسمع صوت طقة خفيفة مع الضغط على دواسة الدبرياج في الغيار الأول بالذات وساعات الثاني ونادرا الثالث.
قد يكون عيب فى بلية الدبرياج وقد يكون عيب فى الديسك
أو وجه الفلام
ممكن تكون طقم اصلاح او جلبة ....تابع عملية الدواسه من خلال واير الدبرياج داخل الكبوت
اضغط واحدة واحدة وتابع الطقطقة فين
الطقة بتحصل وأنا ماشي فقط
يبقى كده الدبرياج برىء
ورحنا جهة الفتيس
فيه حاجة كمان يابشمهندس لما برجع مارش. بسمع صوت طقطقات خفيفة ومستمرة.
طيب فيه سؤال
العربيه سحبها كويس معاك
والعيوب دى ظهرت من قد أيه تقريبا
ونصيحه قبل أى حاجه
أعمل ترصيص لكل العجل على جهاز الأتزان المسمى بالموتوسيكل
علشان تطمن على حالة بلى العجل
ممكن يكون العيب منه
سحب العربية عشرة على عشرة بس الغيار الرابع سحبه مش حلو خالص.
بس فيه مشكلة مضايقاني لما بنقل من الأول للتاني وبشيل رجلي من على الدبرياج براحة بحس ان العربية بتنتش مني. وكذلك من التاني للتالت
العيوب دي ظهرت تقريبا بعد ما ظبط زوايا من حوالي أربع شهور
لو قصدك على عيوب الطقاتاقتباس:
المشاركة الأصلية كتبت بواسطة thedeveloper87
يبقى أن شاء الله الفتيس تمام برضه
وهتكون محتاج تراجع على صواميل نهاية رجلاش بارات الطرف بتاعة الزوايا
العيب عندك فى الجزئيه دى بنسبه كبيره
بتاع الزوايا اللي بيظبطهالي؟
نعم وخليه يكشف على بارات الطرف بالمره
معلش أنا آسف إيه بارات الطرف :005:دي شاكرا لأفضالك يا باشمهندس.
بارات الطرف بتبقى راكبه فى بيض الدركسيون لتوصيل حركة التوجيه من الأسكترا الى العجل
كما بالشكل
http://i728.photobucket.com/albums/w...untitled-1.jpg
وححاول أشوف رسمه أوضح وأرفعهالك أن شاء الله
جزاك الله خيرا وشكرا على تعبك ومجهودك العظيم ده.
بارات الطرف اللى بيقولوا عليها أتياش الأسكترا
ودى بتاخد الحركه التردديه من جريدة الأسكترا (مسطره مسننه) مع حركة الدركسيون يمين وشمال
لتوصيلها الى بيض الدركسيون من خلال مسامير الضبط اللى واصله بين التيش (الباره يعنى )والبيضه
فلو بصينا على الشكل
1- بارة الطرف (التيش ) يعنى tie rod بال e (القطعه رقم 2 )
2- مسمار الضبط (بتاع الزوايا ) القطعه رقم 4
3- البيضه هى القطعه رقم 3
وده لكل جنب يمين وشمال
http://i728.photobucket.com/albums/w...ntitled-99.jpg
علشان كده لو عيب الطقه ده فعلا كان مش موجود قبل ضبطك للزوايا ....فأحتمال كبير
لما تعرض كلامنا ده على بتاع زوايا كويس ....تتحل المشكله أن شاء الله
أكرر شكري مرة تانية لحضرتك وأنا آسف جدا إن سهرتك معايا النهاردة :shyy: وجزاك الله خيرا.
ياباشا ولا يهمك
وبالتوفيق إن شاء الله