افضل نوع زيت للسيارة....

**moustafamoussa** · 09-10-2009 12:08 AM

اهلا شباب...
انا غيرت زيت 10000 شل في التوكيل ..وبعد 6000 كم لقيتو باظ وسالت اكتر من بنزينة (شل&موبيل&توتال&امارات مصر)
كلة قالي لازم يتغير...
وكل اللي اعرفهم قالولي مستحيل ...دة قالولي انها كمان احسن من موبيل..
مع العلم السيارة 2009
--وسؤال كمان.. ال5000 ولا 10000 احسن للعربية؟
في ناس بيقولة انة 5000 احسن عشان ينعش الموتور ...
--واية افضل نوع (شل&موبيل&توتال&امارات مصر)؟؟؟؟؟؟؟؟؟؟؟؟؟؟
برجاء الافادة...

**hobby10** · 09-10-2009 02:57 AM

متابعة باهتمام

**Samir_Adel** · 09-10-2009 08:14 AM

هو التوب اما نتكلم علي زيوت المحركات يبقي نقول شل و موبيل.
بص حضرتك ممكن تعمل حاجة حلوة جدا بس هي مكلفة شوية (أنا شخصيا بعمل كدة من أول ما ركبت عربيات) حط زيت ال 10,000 كيلو حطة كل 5,000 كيلو بفلتر أصلي. و أنسي. بس حضرتك قلت لقيتة علي ال6,000 كيلو بايظ! يعني اية بايظ؟ بس هقول لحضرتك علي حاجة في ناس بتكون مبسوطة ان بعد كام ألف كيلو من تغير الزيت ان بيكون لونة قريب من لونة الجديد بس دة غلط عشان كدة هو مش بيعمل ولا بيحرق ولا بيقدي الوظايف السليمة بتاعتة نتيجة كدة ان لونة مغيرش أوي! بس الطبيعي يبقي ان لونة يغير و نتيجة كدة انة شغال في المحرك بطريقة صح. يعني لو لقيت لونة غير دة شئ طبيعي جدا!

**moustafamoussa** · 09-10-2009 02:30 PM

المشاركة الأصلية كتبت بواسطة samir_adel

هو التوب اما نتكلم علي زيوت المحركات يبقي نقول شل و موبيل.
بص حضرتك ممكن تعمل حاجة حلوة جدا بس هي مكلفة شوية (أنا شخصيا بعمل كدة من أول ما ركبت عربيات) حط زيت ال 10,000 كيلو حطة كل 5,000 كيلو بفلتر أصلي. و أنسي. بس حضرتك قلت لقيتة علي ال6,000 كيلو بايظ! يعني اية بايظ؟ بس هقول لحضرتك علي حاجة في ناس بتكون مبسوطة ان بعد كام ألف كيلو من تغير الزيت ان بيكون لونة قريب من لونة الجديد بس دة غلط عشان كدة هو مش بيعمل ولا بيحرق ولا بيقدي الوظايف السليمة بتاعتة نتيجة كدة ان لونة مغيرش أوي! بس الطبيعي يبقي ان لونة يغير و نتيجة كدة انة شغال في المحرك بطريقة صح. يعني لو لقيت لونة غير دة شئ طبيعي جدا!

كلامك صح..
بس الزيت ماينزلش اسود فحم...ودة اللي حصل معايا ونازل اكنة مية مش زيت لدرجة اني لما كنت بمسكة مفيش لزوجة..واكني حطيت مية علي ايدي..
وانا شاكيت ان التوكيل ماغيرليش زيت اساسا..بعد صيانة الاف واداني الجركن في ربع كيلو كان باقي من زبون تاني...

**giuoshe** · 09-10-2009 03:58 PM

بص يا باشا اكيد التوكيل مش مزبوط علشان مستحيل الزيت يبقى مية وعلشان يبقى مية متهيئلى لازم يكون اشتغل اكتر من طاقتة جرب وحط زيت تانى وتابع الزوجة بتاعتة واكيد انشاء الله هتلقية كويس وهيطلع التوكيل هو اليمش مزبوط بس هى العربية نوعها اية ؟ اما بالنسبة لنوع الزيت فزيت موبيل 5000 انا منت بحطة من سنتين كنت بحس بقرق فى العربية اما دلوقتى لما بغير الزيت مفيش اى فرق وكتير شكرو فى شل وزيت توتال برة مصرتمام ونمر 1 اما فى مصر الله أعلم عنة وأعتقد انك تحط الزيت الموصى بة فى كتالوج العربية أحسن

**Samir_Adel** · 10-10-2009 12:44 AM

المشاركة الأصلية كتبت بواسطة moustafamoussa

وانا شاكيت ان التوكيل ماغيرليش زيت اساسا..بعد صيانة الاف واداني الجركن في ربع كيلو كان باقي من زبون تاني...

عشان الجملة دي انا بخاف جدا من التوكيلات في غيار الزيت و الفلتر! عشان كدة انا بحب أغيرة في محطة بنزين قدام عيني! علي فكرة الربع كيلو دول او الشوية دول تمام, عشان أنا عربيتي مش بتاخد الجركن كلة, بيكون فية شوية بيدهوني في جركن و هو دة الليميت بتاع الموتور.