عداد الحرارة في النيو اكسنت

**د.محمد** · 09-10-2009 12:19 AM

انا عارف ان مفيش عداد حرارة فى النيو اكسنت طيب ازاى نقدر نتابع حرارة السيارة عشان لو لا قدر الله مفيش في العربية ميه الموتور هيسخن جامد ايه الحل؟؟؟
دا العربيات القديمة فيها مؤشر حرارة

**K_Morsy** · 09-10-2009 06:22 AM

النقطة دي مهمة جدا فعلا.. ياريت اي من الخبراء يتكرم بالرد وله خالص الشكر..

**omarmakeen** · 09-10-2009 01:32 PM

متابع بشدة

**ahmadalsattar** · 09-10-2009 01:39 PM

اكيد اللمبه جتقوم بالمهمه دى عند درجة الحراره الخطر طبعا يعنى بداية الحرارة العاليه اللمبه تدى اضاءة تحذير

**ezzatfox** · 09-10-2009 03:19 PM

المشاركة الأصلية كتبت بواسطة ahmadalsattar

اكيد اللمبه جتقوم بالمهمه دى عند درجة الحراره الخطر طبعا يعنى بداية الحرارة العاليه اللمبه تدى اضاءة تحذير

بالظبط كدة .. يعنى اكيد اللى عملوا عربية بالمواصفات دى .. منسيوش المؤشر و لا استخسروا يحطوة فى العربية مثلا .
هو بدل المؤشر فى لمبة - لو الحرارة ابتدت تعلى عن المعدل الطبيعى اللمبة هتنور و قبل ما توصل لمرحلة الخطر بكتير عشان تاخد بالك .
و عموما العربية دى مبتسخنش الا لو فى حاجة بايظة او خلل فى دورة التبريد غير كدة محدش هيشوف اللمبة دى منورة خالص .

**ezzatfox** · 09-10-2009 03:29 PM

المشاركة الأصلية كتبت بواسطة د.محمد

عشان لو لا قدر الله مفيش في العربية ميه الموتور هيسخن جامد ايه الحل؟؟؟
دا العربيات القديمة فيها مؤشر حرارة

استاذ محمد العربيات الجديدة مش زى القديمة اللى كل اسبوع تكشف على المياة و تشوفها نقصت و لا لا .. المفروض ان المياة عمرها ما هتنقص الا لو فى حاجة بايظة ، انا مثلا العربية بقالها معايا 10 شهور و مزدوتش نقطة مياة لغاية دلوقتى لانها مبتنقصش .
انا معاك ان المؤشر لو موجود هيبقى احسن - بس عدم وجودة و وجود لمبة مكانة فى اعتقادى انة مش حاجة جوهرية ممكن تقلقك من العربية .

**mahamedaraby** · 09-10-2009 03:38 PM

دى السياسه المتبعه فى العربيات دلوقتى عندى فى التيدا برضوا مفيش عداد حراره لكن فيه لمبتين لمبه زرقه ودى اول ما تشغل العربيه بتنور لحد مالعربيه تسخن ولمبه تانيه حمراء ودى بقى ما بتنورش الا فى حاله الطوارئ بس ولو نورت لقدر الله لازم تركن وتشوف المشكله فين والحمد لله اللمبه دى منورتش لحد دلوقتى