ماسبب عومان السيارة

**unroi** · 09-10-2009 12:43 AM

انا عندى عربية شاهين فوجئب ان بقى فيها كسرة جامد فى الطارة
قولت انها محتاجة ضبط زوايا المهم روحت لبتاع عفشة وزوايا جرب العربية
وقالى العربية دى مينفعش تمشى بيها كدة .اة نسيت اقولكم ان العربية ماينفعش تمشى بيها اكتر من 60 علشان العربية بتعوم جامد جدا وماتقدرش تتحكم فيها , المهم العفشجى فك عفشة العربية بالكامل
وملقاش حاجة غير ان البيض جامد قافش جامد ومش بيتحرك راح كبسه وبقى ناعم وعمل ضبط زوايا وبعدين العربية اتظبتت شوية وبعدين رجعت زى الأول قمنا فكينا عفشة العربية تانى ملقناش اى حاجة
الجنوط جديدة والكاوتش جديد والمقصات جديدة وكويسة والمساعدين جديدة بردة ومش عارفين اية السبب .فلو فيح حد هنا يقدر يساعدنى

**samirayad** · 09-10-2009 12:55 AM

وملقاش حاجة غير ان البيض جامد قافش جامد ومش بيتحرك راح كبسه وبقى ناعم

مش عارف ليه
أنا غير مقتنع بموضوع كبس البيض ده على المكبس
وحاسس أنه سبب المشكله اللى عندك

**unroi** · 09-10-2009 02:01 AM

أنا متشكر جدا على ردك واهتمامك وانا هروح اعفشجى تانى نحاول نعرف اية السبب

**x_gomgom** · 09-10-2009 02:40 AM

هو للاسف انا جربت موضوع الكبس دا بيفضل بيقول اكبس و يديك احساس انها عمليه معقده و طلع في الاخر ضربتين شاكوش و شويه شحم و شكراً...
انا اتعمل فيا الفصل البايخ في البارات (الدركسيون و تيش النص و كان في الحرفين) و قالي هكبسهم و طلع الموضوع كله سبوبه و ياخد 5 جنيه على الباره و في الاخر اسبوع و رجعت ريما لعادتها القديمه و طبعا نفس اللعبه في علبه الدركسيون....
اهم حاجه عفشجي امين و بيفهم و ان شاء الله حاجه بسيطه....
ربنا يوفقك