الموضوع: افضل نوع زيت للسيارة.... بروتون

على فكره مصر للبترول نزلت زيت أسمه فينكس تخليقى 10000 كيلو ب195 أنا جربته من شهر ونصف عمل معايا 6000 كيلو وما شاء الله لسه بلزوجته وبنفس لونه .
أخويا بيغير موبيل 1 وأخر مره قرص على الزيت لغاية ما جاب أخره
عمل معاه 14000 كيلو .

المشاركة الأصلية كتبت بواسطة medhat_skaik

سلام عليكم

أنا ياجماعة ماشي مع التوكيل وبغير الزيت عندهم اللي هو توتال 5000 وطبعاً بكون ماشي عليه 5000 أو اكتر ب 300 بس طبعاً مش بشوف الزيت وهما بيغيروه (ممنوع طبعاً) فمش قادر أحكم إن كان كويس ولا لأ؟؟؟ وكمان إزاي أعرف إنه الزيت جاب أخره لوحدي أنا مش عارف أحكم عليه إزاي. وموتور العربية أنا شايفة كويس بس برضوه إزاي اعرف إنه مش كويس؟؟؟ أصل أنا جاهل في الميكانيكا بتاعت العربيات

موضوع لزوجة الزيت ده بسيط
لو عايز تعرف مدى كفاءة الزيت بعد فتره قبل ما تدور العربيه الصبح (وهيه بارده ومشتغلتش ) أرفع مقاس الزيت وخد نقطه منه وشوف مدى لزوجته .....
لو عندك باقى زيت فى الجركن اللى غيرت منه أخر مره حط شويه منه فى غطا الجركن وخد نقطه على صباعك وشوف مدى لزوجته
لو لقيت الزيت اللى كان فى العربيه خفيف وبينقط من مقاس الزيت زى الميه خفيف يعنى يبقى لازم يتغير
ومتحكمش على الزيت من لونه علشان ده مش مقياس اللون مالوش دعوه
فيه بعض الزيوت التخليقيه زى موبيل 1 بيبقى عليه أضافات لتحسين أدائه ولتنظيف الموتوروعدم تراسب الكربون بداخله وحاجات تانيه فهتلاقيه خفيف حتى وهوه جديد
ده بأه مش هتعرف تحكم عيه الا بعداد الكيلو متر أو شخص محترف فى الموضوع ده بس نصيحه أحسبها بالعداد
موضوع اللزوجه ده مع الزيت المعدنى فقط .