انا عن نفسي بغير شل الترا 10000 كم وبغيره على بالكتير 8000 كم
وجربت موبيل ون وجربت توتال 9000 اللي في التوكيل ويمكن كلهم كويسين ولكن انا ارتحت مع شيل وبغير طبعا الفلتر كل مره فلتر ميتسوبيشي بومه الاصلي ب 40 جنيه مع زيت شل الترا 10000 كم ب 230 جنيه خارج التوكيل علما بأن توكيل عز العرب بيغير توتال فقط سواء خمسه او عشرة الاف كم
عموما نصيحه مني ماتطولش على الزيت في الفتره كمان مش في الكلم بس
بمعنى انك ماينفعش تحط زيت 10000 من اي نوع وتسيبه في العربيه اكتر من 6 شهور حتى لو مامشيش 2000 كم
وكمان نصيحه تانيه مني دايما ماتخليش الزيت يمشي زي مالناس تقول يعني انا مثلا زي ماقلتلك مش بحط غير زيت تخليقي 10000 كم طبعا شل الافضل عن تجارب بالارتياح النفسي ليس اكتر ولكن بغيره بالكتير على 8000 كم واحيانا 7500 كم صافي علما بأني افلب مشاويري سفر
وكمان مع مرور الكلم بتغير نوع الزيت يعني عشان العربيه زيرو بنحطلها زيت 10000 كلم ولكن بعد استعمال السياره 3 سنين مثلا وبالتقريب على 100000 كلم بتنزل لنوع زيت اخر اتقل وده كلام المصنع مش كلامي
ده بالنسبه لسؤالك عن نوع الزيت
السؤال التاني بتاع ان ناس قالت ان الجن 2 مش بتحب الزيت التخليقي
ده كلام بيضحكني وهي يعني موتور الجن 2 مصنوع في المريخ والمرسيدس وهيونداي مصنوع على الارض
سيبك من كل الكلام ده طالما مافيش حقيقه علميه
عموما الزيت التخليقي له وقته والمعدني له وقته
انا حاليا عربيتي جن 2 اوتوماتيك 2008 ماشيه على اللي بقولهولك ده
57000 كم والحمد لله الموتور كفاءته حتى الان ماشاء الله
تحياتي
المفضلات