محل لبيع قطع غيار لابتوب؟

**itsonlyme** · 09-10-2009 03:11 AM

من كام ساعة وقعت شوية بيبسي على الكيبورد بتاع اللابتوب.

الكمية كانت صغيرة والزراير كانت شغالة في الأول كويس. بس في خلال دقائق كانت بعض الأسهم والزراير التانية مش شغالة.

المشلكة ان فترة الضمان خلصت من كام يوم. ومركز الصيانة بتاع Dell بعيد (في المهندسين) وأنا مش مطمن له أساساً.

بفكر أغير الكيبورد بنفسي. تغير لوحة المفاتيح شيء سهل نسبياً.
حد يعرف محل لبيع قطع غيار اللابتوب؟
سعر الكيبورد يعمله في حدود كام؟

**بحري** · 09-10-2009 03:43 AM

ممكن تفك الكيبورد بنفسك وتنشفها بالسيشوار أو أي بلاور، وجرب برضه تنشفها قبل ما تفك الكيبورد
اعمل بحث على النت باسم جهازك
disassembling of..(your model)
وحتلاقي طريقة فك الكيبورد غالبا إن شاء الله

**itsonlyme** · 09-10-2009 04:15 AM

المشاركة الأصلية كتبت بواسطة ba7ary

ممكن تفك الكيبورد بنفسك وتنشفها بالسيشوار أو أي بلاور، وجرب برضه تنشفها قبل ما تفك الكيبورد
اعمل بحث على النت باسم جهازك
disassembling of..(your model)
وحتلاقي طريقة فك الكيبورد غالبا إن شاء الله

أنا فعلاً لقيت تعليمات فك اللابتوب بتاعي. بس دول كانوا شوية بيبسي ونشفوا، لكن الزراير مازات مش شغالة. يعني غالباً الزراير دي باظت.

مش عايز أفكه قبل ما ألاقي وأجيب الكيبورد الجديد. عشان لو فكيت زراير الكيبورد القديم وباظ يكون معايا غيره. بس برضو ممكن افك الكيبورد القديم وانظفه ومحتجش كيبورد جديد. بس دي مخاطرة. حاجة تحير

**بحري** · 09-10-2009 04:33 AM

المشكلة في الزاراير وإنما غالبا بتكون في البوردة اللي تحت الزراير ودي لما بتجي عليها حاجة في موضع معين ممكن يحصلها عزل عن الزرار الخاص بالمنطقة دي فممكن تكون في حاجة محتاجة تنضيف
وعموما ابحث عن الكيبورد بتاعتك ولما تتأكد إنها موجودة في السوق وتعرف مكانها ابتدي تشتغل بنفسك في جهازك واحدة واحدة وبدون عنف والموضوع مش مخاطرة ولا حاجة، وإن شاء الله تكون بسيطة
طمنا على الأخبار

**eng.octooo** · 09-10-2009 05:14 AM

بص نات روح لباب اللوق هناك فية محلات صيانة كتيير اوى وفية مول اسمة النخيلى هناك خليهم يعملولك صيانة الاول وبعدين شوف اذا كان هايتغير

**piezo** · 09-10-2009 11:50 AM

السلام عليكم
اولا انت مش محتاج انك تغير الكيبورد كل الي هاتعمله انك تفكها وتنزل تصور الكيبورد في اي مكنة تصوير و تكون كل الزراير باينه في الورقه
و بعد كده تفك الزراير الي وقع عليها البيبسي او فكها كلها و اغسلها و نشفها وهتلاقي البورده الي في الحديد من تحت و عليها زي طبقتين بلاستيك ماسكين في بعض مكان الزراير ممكن تغسلها كلها بالميه وتنشفها كويس من بره و من بين الطبقتيين دول علي قد ماتقدر بمنديل و الي مش عارف توصله اعملها بستشوار بس بالبارد مش بالسخن و البورده بمنديل مببلول خفيف نضفها لو كان و قع عليها حاجه او البيبسي وصلها
وان شاء الله تشتغل حصلت قبل كده مع لاب برده جالي في الشركه و كان وقع عليه نسكافيه عملت القصه ديه ورجع زي الفل
وابقي طمني عملت ايه

**itsonlyme** · 09-10-2009 03:28 PM

المشاركة الأصلية كتبت بواسطة piezo

السلام عليكم
اولا انت مش محتاج انك تغير الكيبورد كل الي هاتعمله انك تفكها وتنزل تصور الكيبورد في اي مكنة تصوير و تكون كل الزراير باينه في الورقه
و بعد كده تفك الزراير الي وقع عليها البيبسي او فكها كلها و اغسلها و نشفها وهتلاقي البورده الي في الحديد من تحت و عليها زي طبقتين بلاستيك ماسكين في بعض مكان الزراير ممكن تغسلها كلها بالميه وتنشفها كويس من بره و من بين الطبقتيين دول علي قد ماتقدر بمنديل و الي مش عارف توصله اعملها بستشوار بس بالبارد مش بالسخن و البورده بمنديل مببلول خفيف نضفها لو كان و قع عليها حاجه او البيبسي وصلها
وان شاء الله تشتغل حصلت قبل كده مع لاب برده جالي في الشركه و كان وقع عليه نسكافيه عملت القصه ديه ورجع زي الفل
وابقي طمني عملت ايه

ألف ألف شكر على النصيحة. ح أجرب وأقول لكم.

**Rembrandt** · 09-10-2009 03:36 PM

أونلى ممكن تروح مول البستان فى الدور الرابع فى محلات صيانة وقطع غيار ومش غالية

**eng.octooo** · 09-10-2009 03:37 PM

لسلام عليكم
اولا انت مش محتاج انك تغير الكيبورد كل الي هاتعمله انك تفكها وتنزل تصور الكيبورد في اي مكنة تصوير و تكون كل الزراير باينه في الورقه
و بعد كده تفك الزراير الي وقع عليها البيبسي او فكها كلها و اغسلها و نشفها وهتلاقي البورده الي في الحديد من تحت و عليها زي طبقتين بلاستيك ماسكين في بعض مكان الزراير ممكن تغسلها كلها بالميه وتنشفها كويس من بره و من بين الطبقتيين دول علي قد ماتقدر بمنديل و الي مش عارف توصله اعملها بستشوار بس بالبارد مش بالسخن و البورده بمنديل مببلول خفيف نضفها لو كان و قع عليها حاجه او البيبسي وصلها
وان شاء الله تشتغل حصلت قبل كده مع لاب برده جالي في الشركه و كان وقع عليه نسكافيه عملت القصه ديه ورجع زي الفل
وابقي طمني عملت ايه

هوة اية لازمو ان الزراير تتصور ؟؟؟ يعنى علشان يحفظ اماكنهم ولا علشان الحرارة بتاعة التصوير تنشف بواقى البيبيسى؟؟؟؟

**Medo007** · 09-10-2009 03:45 PM

طيب انا عندي زرار اتكسر في اللاب
اعمل ايه
هل اغير زرار واحد ولالا
ولا اجيب كيبورد جديد ولو جديد هيتكلف في حدود كام
اللاب توب ايسر aspire 5600

الموضوع: محل لبيع قطع غيار لابتوب؟

LinkBack

أدوات الموضوع

عرض

-

-

-

-

-

المواضيع المتشابهه

لبيع قطع غيار دايو لانوس 2

مين افضل محل لبيع قطع غيار الواجا

مكان لبيع قطع غيار جولف 6

محل لبيع قطع غيار شيفروليه الاصلية

محل جديد لبيع قطع غيار بروتون

الكلمات الدلالية لهذا الموضوع

المفضلات

المفضلات

ضوابط المشاركة