-
ليا سؤال بس
انا شغلي في العبور .. فين مكان اسيب فيه العربية للصيانة و انا في الشغل قريب من العبور ؟
السلام عليكم ياصديقي
متشكر على ردك عليا وربنا يكرمك في عربيتك اللي جاية ان شاء الله
أولا:
أقرب مكان ليك وانت في العبور هو مركز أبوالفتوح أو أبوغالي لو هتاخدها من عندهم وده عند سوق القنال الدولي الشارع اللي قبل بنزينة كالتكس مباشرة(ابوالفتوح) او الشارع اللي بعد بعد نفس البنزينة (ده ابوالفتوح الأصلية وابوغالي في نفس الشارع)المنطقة دي اسمها قباء تقريبا
ثانيا:
بردو من باب الأمانة مش التخويف والله....آخر مرة وانا في ابوغالي اتصاحبت على مهندس الورشة والأخ الفني اللي كان عمال يجرب معايا العربية...واحنا مع بعض قالي انت تحمد ربنا انك مجبتش ال1600 قولتله ليه؟؟قال بيظهر فيها عيوب كتير وجامدة مثل عيوب بالفتيس نتيجة سوء التجميع هنا وحاجات بالموتور لأن ال1600 دي اختراع مصري
الخلاصة اللي عاوز اقوله لك انك تحاول قبل ماترخص تمشي بيها شوية وتجرب على قد ماتقدر....وممكن تركب لوحات تجارية بتتأجر بحوالي من80 ل100ج/اليوم وده مش خسارة في سبيل ان لو طلع لاقدر الله فيها حاجة تقدر ترجعها
على فكرة العربية انتشرت بشكل خرافي وبالذات ال1600 واعتقد ان العيوب اللي قالوا عليها دي مش في كل العربيات بس الأحتياط واجب....وبعدين لو عاوز اي حاجة انا تحت امرك...بجد انا عملت دراسة على العربية دي ممكن احضر فيها دكتوراه ولو اي حد عاوز اي حاجة انا تحت امره
م.ياسر جادو
-
مرسي يا فندم
و بارك الله فيك
و انا برضه درست كل حاجة في العربية
و مافيش فرق في الفتيس أو العفشة عن ال2000 سي سي
و الموتور تكنولوجيا متطور عن ال 2000 سي سي .. و معدل العزم لدورات قليلة .. بحيث نسبة القدرة الحصانية و العزم مقسومة علي السعة اللترية بتكون أعلي من ال 2000 سي سي
بس أنا حأحاول أعمل اللي قلت لي عليه
-
السلام عليكم:
نفسي يا جماعة نكون محددين فى تحديد المشكلة,أقصد ما هو عيب الفتيس بالتحديد وما مدى التغلب على المشكلة,لأنه ممكن أى فنى (فتك)كما اعتدنا فى مصر أن يضلل الناس (بفتكتة),أنا سعيد اني بدأت أسمع مشاكل فى السياره 1600 لأني أنوي شرائها ان شاء الله
وسرد العيوب بشكل عملي ومفصل يساعدني على تقييم الأمور واتخاد القرار السليم.
-
من خلال معرفتي بملاك كتير للتيجو .. بعضهم لا يشتكي من شيء .. و بعضهم مر الشكوي .. و لكن لا يوجد مالم يتم اصلاحه في أول صيانة .. هو بس حرقة الدم من انك تلاقي عيب في عربية جديدة
لكن كله بيعدي
-
هي بس عقدة الصيني اللي عند الناس
انما طبيعي جدا تلاقي عيب معين في عربية جديدة أنا أعرف مثلا ان دفعة 2007 في اليارس كلها تقريبا مغيره طقم دبرياج
المهم ان المشكلة يكون لها حل وماتتكررش
Content Relevant URLs by
vBSEO 3.6.0 PL2