و الله العظيم انا بزعل جدا و بتغاظ جدا جدا جدا من التفكير المعدوم المتمثل في
شركات استيراد و بيع السارات في مصر و في تفكير عدد كبير من المصريين
بزعل اما مينزلوش عربيات ب وسائد هوائية و اما تسأل ليه يقولك اصل لو فتحت في حادثة تصليح التابلون حيتكلف 20 الف جنيه -مثلا-
بزعل اما اما واحد بيسأل ازاي افصل فيشة الوسادة الهائية بتاعت السواق
بزعل اما في ناس ترد في المنتدى و تقول الايرباج ملوش لازمة و ان المهم العربية تكون جامدة
بزعل جدا بصراحة
حياة الانسان خلاص مبقلهاش لازمة .. توفير قرشين اهميته اكبر من اهمية حياة البني ادم
عارف حضرتك تكلفة فرامل ال abs كام حوالي 400 دولار يعني 2200 جندي و الله العظيم هي دي التكلفة
عارف تكلفة esp كام حوالي 111 دولار يعني 600 جندي بس
يعني فرق التكلفة حوالي 2800 قول 3000 جنيه .. قول بالجمرك 5000 جنيه يعني مجيناش في جمل
المسألة استمرار للنظريات الغلط الموجودة في عقول الشعب المصري و السوق المصرية عموما
انا مبتكلمش عن الكيا انا بتكلم على 99 في المية من شركات العربيات في مصر
و عن 90 في المية من الشعب المصري
ربنا يكون في عونا
المفضلات