رد مع اقتباس
لا والله بجد انت راجل وقلبك ميت علشان تتجر فى الشارع وكمان تجرى ورا الحرامى بعربيتك وكمان استغنيت عنها وخبطتها كمان كل دة علشان تمسكة
وموضع ان بتوع القسم معملوش المحضر لانهم ممكن يكون كانوا عايزين ياخدو الحاجة اللى معاه الفلوس وكدة ويمشوا انما لما يعملوا المحضر الحاجة اللى معاه هتتصادر ومش هيخدوا حاجة منهم
بس اهم حاجة انك لسة بخير وحمد لله على سلامتك
النتائج 1 إلى 10 من 95
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 32666
تاريخ التسجيل : 11Feb2009
المشاركات : 398
النوع : ذكر
الاقامة : Cairo - Egypt
السيارة: Nissan
السيارة[2]: Kia
الحالة :
اتسرقت و...........قفشت الحرامي......!!!!! -
انشر الموضوع فى : hasad">كنت رايح شغلي الصبح بدري يوم 6 أكتوبر
وأنا ماشي في الشارع رايح اخد عربيتي من الجراج وسرحان في حاجات في الشغل
فجاءة حسيت ان كتفي بيتقل
وفي لمح البصر شنطة اللاب توب بتجري على دراعي
فاكتشفت اني باتسرق...
ومسكت جامد أوي في الشنطة وماحسيتش بحاجة غير اني وقعت وباتسحب على الأرض
واللي بيسرقني راكب عربية أوبترا وماسك في الشنطة وبيجري بالعربية........!!!!!!
وماسيبتش الشنطة غير لما شوفت وشه في مراية الباب
ورحت سايب الشنطة وطيران على عربيتي وفي لحظات كنت على الطريق ماشي 180 بقمة العصبية والجنون والألم
وجيبته بعد مسيرة حوالي كيلو متر واحد
واستمرت المطاردة حوالي 10 دقائق من الرعب الأكيد لأننا كنا ماشيين بسرعات عالية جدا وكان بيحاول يلبسني في أي حاجة
ازدت عنادا اني امسكه واطلع فيه القديم والجديد وقررت........................
أني أخبطه وأوقفه علشان مايخبطش بني ادمين مالهمش ذنب...
وفي حته فاضية خالص قرصت على عربيتي باقصى ماعندي ودخلت جنبه ورحت داخل فيه بجنب عربيتي بقلب...
وراح المعلم داخل في صف عربيات راكنة دغدغهم (للأسف) وعربيته اتفرمت ووقفت
ووقفت أنا قدامه لما اتكدت انه وقف و مش هايعرف يمشي بيها تاني (كل ده في لحظات)
ونزلت من عربيتي و هو كمان نزل وطلع يجري و أنا هاتك ياجري لما نفسي اتقطع و عمال أقول امسك حرااااااااااااااامييييييي ييي.........ز
والناس كتر خيرهم مسكوه وهاتك ياضرب...وبلغت النجدة
وأخدت حاجتي والحمد لله كانت كاملة لأن الشنطة كان فيها حاجات بالهبل منهم موبايلي وExternal Hard Disk وورقي وشغلي و مفاتيحي ونضارتي........الخ
ووديت الشنطة في العربية و قفلتها ورجعتله ..... وانتوا فاهمين ....................
ولقينا مع البيه بطايق لسيدات مساكين سنهم بعد الأربعين حوالي 5 بطايق و بطايق بنات
وكان من الواضح انه محترف خطف شنط...
وبعد كده في القسم اكتشفنا ان البيه معاه موبيلات مسروقة وفيز بنوك بأرقامها السرية و العربية كمان طلعت مسروقة وبقالها شهر صحابها بيدوروا عليها ...
وكمان طلع عيه حكمين واحد بستة أشهر وواحد بشهر (مع وقف النفاذ...!!!!! يعني صعب عليهم!!.gif "Majd(4)")
تقريبا)
ومتبلغ عنه في 2004, 2005, 2007, 2009 والغريب ان الحكومة سيباه وسطنا (والله اخر مهزلة)
المهم ان المباحث والنبطشية بيتخانقوا مين اللي يعمل المحضر ولو أي حد تاني كان زهق وفضل الواد ده ابن التيتيتيتيت... شغال سرقة الله ينور
واستمرت المفاوضات بين المباحث والنباطشية لمدة 4 ساعات ولسه ماحدش مسك قلم وعمل محضر....!!!!
فعملت اتصالاتي علشان أجيبلهم واسطة يخلصوني ويعملوا المحضر
ااه والله..
المهم عملنا المحضر ووافقت على تسليم اللاب توب علشان يتحرز علشان اثبت التهمة عليه...علشان يتحبس واريح الناس من همه..
والغريب في الموضوع ان واحد من ضمن العربيات اللي دخل فيها البيه لواء شرطة في منصب مرموق وطلعنا نعرف بعض و ماظهرش تماما في أي حاجة..!!!!!
المهم صحاب العربية المسروقة لقيتهم جايين مع المحامي بتاعهم وحكالي حكاية غريبة...
ان العربية أصلا كانت متأجرة يوم ما اتسرقت يعني اتسرقت من المؤجر مش من المالك
والحرامي اللي سرقها سرقها بمفتاحها!!!!!!
لأن الحرامي هو الصديق المقرب للمالك اللي عنده مكتب ايجار...!!!!
وبعملوا كده علشان يبتزوا اللي أجر العربية واتسرقت منه علشان يجيبلهم واحدة بدل اللي اتسرقت.... شوفتوا قذارة وانحطاط أكتر من كده؟؟؟ لا حول ولا قوة الا بالله
المهم روحت معاه في نفس اليوم بالليل واليوم اللي بعده الصبح النيابة علشان أشهد عليه أنا وشاهد (واحد جاري) علشان ياخد عقابه و علشان اخد حاجتي وعملت اتصالت بناس رفيعة المستوى لتوصية وكيل النيابة بحبسه (اللي هو أصلا من أكتر الناس المحترمين المعدودين في الموضوع).
شوفتوا بقه الدنيا في مصر بقت عاملة ازاي؟؟؟
لو الحرامي بتتقطع ايده زي ما شوفت في السعودية ما كانش سرق تاني....Pure Engineering, Pure Satisfaction
-
رقم العضوية : 40362
تاريخ التسجيل : 15May2009
المشاركات : 3,393
النوع : ذكر
الاقامة : القاهرة/الاسماعيلية
السيارة: قاهرة التروسيكلات الصينى
السيارة[2]: كانت 128 واتسرقت :(
دراجة بخارية: لا يوجد
الحالة :
-
سبحان الله ... الحمد لله ... لا اله الا الله ... الله اكبر
-
رقم العضوية : 198
تاريخ التسجيل : 25Apr2007
المشاركات : 2,429
النوع : ذكر
الحالة :
-
والله شجاعه وسرعه رد فعلا رائعه
حمدلله على سلامه حضرتك ورجوع الشنطه والحمدلله ان الواطى ده وقع على ايدك ..وانا رأيى من رأى حضرتك برضه اذا الحرامى من دول ايده اتقطعت كتطبيق لحد السرقه تانى يوم مش هتلاقى حد بيسرق
-
رقم العضوية : 31624
تاريخ التسجيل : 31Jan2009
المشاركات : 520
النوع : ذكر
الاقامة : S U E Z
السيارة: L a N o S 1
السيارة[2]: L a N O S 2
الحالة :
-
والله مش عارف اقولك ايه بعد اللى انت عملته ده
انت كده ميت فل وعشره
[sor2]http://www.nilemotors.net/Nile/signaturepics/sigpic31624_3.gif[/sor2]
elwad_crazy@yahoo.com
-
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
-
بارك الله فيك وفى أمثالك
-
رقم العضوية : 32666
تاريخ التسجيل : 11Feb2009
المشاركات : 398
النوع : ذكر
الاقامة : Cairo - Egypt
السيارة: Nissan
السيارة[2]: Kia
الحالة :
-
المشاركة الأصلية كتبت بواسطة eng_mostafa_89
المشاركة الأصلية كتبت بواسطة mada121977
الله يسلمكوا ويحميكوا المشاركة الأصلية كتبت بواسطة elwad_crazy
أنا باحكي القصة العجيبة دي علشان الناس تاخد بالها من حاجتها ونتعلم من قصة ايجار السيارات دي وقصة الابتزازات الدنيئة دي وربنا يستر علينا وعليكوا..Pure Engineering, Pure Satisfaction
-
رقم العضوية : 12116
تاريخ التسجيل : 02Jun2008
المشاركات : 1,612
النوع : ذكر
الاقامة : Nasr City
السيارة: لا يوجد
السيارة[2]: Sirion GL 1300
دراجة بخارية: no
الحالة :
-
انا بحييك جدا علي ايجابيتك
و حرصك علي حاجاتك من الحيوان دة
ربنا يكتر من امثالك
بس اوعي تكون عربيتي من اللي اتخبطوا
-
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
-
الحمد لله ان حضرتك بخير و الحاجة رجعت و بحيي حضرتك على شجاعتك و ان شاء الله أي تلفيات في العربية تتعوض
-
رقم العضوية : 32666
تاريخ التسجيل : 11Feb2009
المشاركات : 398
النوع : ذكر
الاقامة : Cairo - Egypt
السيارة: Nissan
السيارة[2]: Kia
الحالة :
-
للأسف اتخبطت بس الحمدلله مش جامدة بس الجنط بتاعي باظ.. المشاركة الأصلية كتبت بواسطة mohamed_momi88
وان شاء الله هاصورلكم العربية المسروقة علشان تشوفوا اللي حصلها و هاصورلكوا عربيتي المسكينة بس بكرة ان شاء الله...Pure Engineering, Pure Satisfaction
-
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
-
hasad">بارك الله فيك اخي مروان وفي شجاعتك
صدقني هيا مغامرة قاسية واكيد كان فيها خسائر لكن لو كل صاحب حق عمل زيك كده البلد حالها هيتصلح لأن كل سارق او ظالم هيبقي عارف انه هياخد عقابه دنيا وأخره
الحمد لله علي سلامتكم / إيهاب منصور
SEAT CORDOBA 2002 1.0 16V AVZ
المواضيع المتشابهه
-
سيراتو اتسرقت و صاحبها راح سرقها من الحرامي !!!
بواسطة MITSUKERO في المنتدى كـــــيامشاركات: 56آخر مشاركة: 10-12-2012, 03:21 PM -
سيراتو اتسرقت و صاحبها راح سرقها من الحرامي !!!-واقعة حقيقية
بواسطة MITSUKERO في المنتدى أخبار السيارات في مصر والعالممشاركات: 44آخر مشاركة: 08-12-2012, 01:13 PM -
عربيتي السيراتو اتسرقت قدامي وكان الحرامي معاه المفتاح
بواسطة klioahmed في المنتدى كـــــيامشاركات: 77آخر مشاركة: 14-12-2011, 08:29 PM -
عربيتي السيراتو اتسرقت قدامي وكان الحرامي معاه المفتاح
بواسطة klioahmed في المنتدى أخبار السيارات في مصر والعالممشاركات: 58آخر مشاركة: 08-12-2011, 04:26 AM -
الفرامل قفشت
بواسطة abo_lamar في المنتدى دايــو+شيفرولية لانوسمشاركات: 7آخر مشاركة: 11-09-2010, 04:14 PM
الكلمات الدلالية لهذا الموضوع
20,
2007,
2009,
316,
40,
405,
50,
ما,
لانسر,
أجيب,
مين,
مشاكل,
مصر,
مع,
من,
موضوع,
ام,
المثلث,
اللي,
التي,
الي,
الدرامى,
الحقوق,
السعودية,
الشنطة,
القسم,
اتصالات,
اتسرقت,
ابن,
ايجار,
اسكندرية,
اوبترا,
بين,
بدون,
بس,
تسليم,
بكرة,
font,
يا,
حادثة,
حوادث,
جنزير,
حكومة,
رائع,
زلة,
شار,
شارك,
سير,
سرعة,
سرقة,
شنطة,
على,
عليهم,
عدو,
عربية,
عن,
في,
فئة,
هي,
هو,
نايل موتورز,
نار,
وانت,
نور,
وقفشت,
وقفه,
وكيل,
قلب,
قوة,
قطع,
كل,
كريستاله
ضوابط المشاركة
Content Relevant URLs by vBSEO 3.6.0 PL2
المفضلات