باراك اوباما الرئيس الامريكى يفوز بجائزه نوبل للسلام !!

**blazer** · 09-10-2009 04:38 PM

In a surprise, Obama wins Nobel Peace Prize

مصدر الخبر
In a surprise, Obama wins Nobel Peace Prize - Yahoo! News
واحد من اغرب الاخبار اللى سمعتها !!!!!
دا

فى العسل و معملش اى حاجه
ولا احنا اللى شكلنا نايمين

بس مش فى العسل

سبب فوزه بلجائزه :
stunning decision designed to encourage his initiatives to reduce nuclear arms, ease tensions with the Muslim world and stress diplomacy and cooperation rather than unilateralism.
يعنى بسبب تشجيعه تخفيض الاسلحه النوويه
و تخفيف حدة التوتر مع العالم الاسلامي والدبلوماسية والتعاون بدل من اسلوب التوحد

**r0xer** · 09-10-2009 04:49 PM

هههههههههههههههههه والله خبر مضحك جداً...

هو عمل ايه الاوباما دا عشان ياخد الجايزة دي؟ قوات بلده في افغانستان بتدبح وفي العراق بتدبح وبيسمح بالمذابح بتاعت فلسطين........ال جايزة نوبل ال! اعتقد الجايزة هتفقد مصداقيتها بعد ما الشخص دا اخدها.

**itsonlyme** · 09-10-2009 05:49 PM

المشاركة الأصلية كتبت بواسطة r0xer

هههههههههههههههههه والله خبر مضحك جداً...

هو عمل ايه الاوباما دا عشان ياخد الجايزة دي؟ قوات بلده في افغانستان بتدبح وفي العراق بتدبح وبيسمح بالمذابح بتاعت فلسطين........ال جايزة نوبل ال! اعتقد الجايزة هتفقد مصداقيتها بعد ما الشخص دا اخدها.

جائزة نوبل للسلام فقدت كل مصداقيتها لما الارهابي مناحم بيجن زعيم عصابات الإرجون والمسؤول عن مجزرة دير ياسين أخد الجايزة سنة 1978 مناصفة مع السادات.

أنا موافق أن أوباما ياخد الجايزة بس لما ينسحب من أفغانستان والعراق ويحقق ولو تحسن بسيط في ظروف الفلسطينيين.

**NaderNabil** · 09-10-2009 05:57 PM

ملهاش أي لازمة....
على الأقل في الوقت الحالي

**amr.elsayed** · 09-10-2009 06:00 PM

طب انا عايز جايزة بقى اشمعنى هو

**itsonlyme** · 09-10-2009 06:00 PM

بس للدقة، الراجل كسب الجايزة عشان "for his extraordinary efforts to strengthen international diplomacy and cooperation between peoples".

بالعربي "مجهوداته الغير عادية لتقوية الدبلوماسية العالمية والتعاون بين الشعوب"

**r0xer** · 09-10-2009 06:34 PM

مناحم بيجن عمل سلام و أوقف نزيف الحرب مع مصر وممكن نبلعها لانه عمل اتفاقية سلام ريحت دول كتيرة من صداع اسمه صراع مصري اسرائيلي بغض النظر قبلها كان بيعمل ايه لكن اوباما دا !! اموت وافهم ايه اللي عمله من يوم ما مسك لحد النهاردة ايجابي للعالم؟ الإجابة : صفر. ولا حتى عمل لبلده حاجة الراجل دا طلع بؤق لإنه من أصول مسلمة افريقية فالظاهر هو وارث الموضوع دا مننا :d فوق كل دا مقفلش حتى السجون اللي وعد بقفلها مجرد ما يمسك الحكم....

نوبل باي باي مصداقية.

**elassar2010** · 09-10-2009 07:04 PM

هو عمل اية علشان ياخد نوبل ؟؟؟؟؟؟؟؟؟؟هى بقت بالكوسة هى كمان هما بيقلدونا ولا اية

**itsonlyme** · 09-10-2009 07:08 PM

المشاركة الأصلية كتبت بواسطة r0xer

مناحم بيجن عمل سلام و أوقف نزيف الحرب مع مصر وممكن نبلعها لانه عمل اتفاقية سلام ريحت دول كتيرة من صداع اسمه صراع مصري اسرائيلي بغض النظر قبلها كان بيعمل ايه لكن اوباما دا !! اموت وافهم ايه اللي عمله من يوم ما مسك لحد النهاردة ايجابي للعالم؟ الإجابة : صفر. ولا حتى عمل لبلده حاجة الراجل دا طلع بؤق لإنه من أصول مسلمة افريقية فالظاهر هو وارث الموضوع دا مننا :d فوق كل دا مقفلش حتى السجون اللي وعد بقفلها مجرد ما يمسك الحكم....

نوبل باي باي مصداقية.

لو على بيجن أو أوباما، يبقى أوباما أولى.
بيجن زي ما قلت مسؤول عن مذبحة دير ياسين.
في نفس السنة اللي كسب فيها جايزة نوبل مناصفة مع السادات (1978)، احتل بيجن جنوب لبنان.
وفي سنة 1982، احتل لبنان تاني وحاصر بيروت ودمر بيروت الغربية تماما وارتكبت وقتها مجزرة صابرا وشاتيلا.

بعدين مفيش حاجة اسمها صراع مصري-اسرائيلي. في حاجة اسمها صراع عربي-اسرائيلي.

مابقلش ان أوباما يستحق الجايزة. زي ما أنت قلت الراجل معملش حاجة. ده غير انه صعد الحرف اللي في أفغانستان. بس على الأقل الراجل لم يشن حربين ثلاثة زي بيجن وقتل الآلاف.

**r0xer** · 10-10-2009 02:16 AM

أنا مش بدافع عن بيجن طبعا ولا يهمني ولكن انا شايف انه اخد الجايزة "وقتها!" لانه عمل اتفاق سلام. بعد كدا عمل ايه بقا دي مش تخص بتوع جايزة نوبل!

اما اوباما فانا شايف إنه كل اللي عمله هو انه قال بؤقين ضحك بيهم على الناس change وكل عام وانتم بخير

------

صحيح مفيش حاجة أسمها صراع عربي إسرائيلي دلوقت...لايوجد دولة عربية لايوجد لها تعامل اقتصادي مع إسرائيل و أولهم دول الخليج. بإستثناء سوريا يمكن. غير كدا فكله ليه علاقات والكل كبر دماغه وباع القضية ولك الله يافلسطين.