زراع الأشارة و الضوء

**A. Ibrahim** · 10-10-2009 03:13 AM

الزراع موجود عند اولاد منصور بس معرفش ثمنه كام

بس مدام انت في الضمان خليك وراهم وكلمهم كل يومين هما ممكن يفكوه من عربيه حوادث عندهم

**amrcd1** · 10-10-2009 05:20 PM

المشاركة الأصلية كتبت بواسطة a. Ibrahim

الزراع موجود عند اولاد منصور بس معرفش ثمنه كام

بس مدام انت في الضمان خليك وراهم وكلمهم كل يومين هما ممكن يفكوه من عربيه حوادث عندهم

----------------------------------
يا مسهل!!!
بس ياجماعه حد يعرق يقولى مدى خطورة الموضوع ده ايه ؟؟

**Osama.shihata** · 10-10-2009 06:22 PM

متقلقش ان شاء الله تتحل قوام وخليك زنان على التوكيل علشان دى حاجة مهمة ولازم تتصلح

**Abdelrahman.H** · 29-01-2010 06:59 PM

أنا كمان حصل عندي الموضوع ده .... كنت ماشي على الدائري ومنور النور العالي وفجأة لقيت شياط ودخان طالع من الدراع .... ومالقيتوش عند المدينة و في الحرفيين قالولي 450 جنيه ... حراااااااااااااام ... قولولي ألاقيه فييييييييييييييييييييييين

**maged2010** · 29-01-2010 08:14 PM

المشاركة الأصلية كتبت بواسطة amrcd1

يا جماعه. انا عندى طلع شياط و دخان من عند دراع الاشاره و لما رحت للتوكيل قلى الدراع عايز يتغير بس هو مش موجود دلوقتى . هنبعت نجيبه. و بقالى اسبوعين دلوقتى و لسه ماجاشو كل ما اسال عليه يقولى كمان يومين و مش عارف اشغل النور العالى لحد دلوقتى !!!!

حد ممكن يقولى اجيبه منين بره التوكيل و لا اعمل ايه معاهمم ؟؟؟؟؟

**romeo_6887** · 29-01-2010 08:43 PM

عليك و علي شارع دمشق و ربنا يساهل

**Raul_7** · 29-01-2010 09:51 PM

ده من الواضح إنه مش حالة فردية...ايه يا جماعة الموضوع ده!!!!

**N3N** · 29-01-2010 09:53 PM

المشاركة الأصلية كتبت بواسطة mahmoud_peugeot

يالهوي دراع نور بتاع عربيه لسه جديده مش موجود في التوكيل!!!!!!!!!!!!! لا يابشا انت تطلع علي جهاز حمايه المستهلك وتفهمهم علي الموضوع وهما حيجبولك حقك... لسه قاري النهارده خبر دفع تعويض 50000 جنيه لمشتهلك استلم عربيه فيها عيوب جامده ودي قول قضيه يتحكم فيها بالشكل ده للمستهلك المصري.
ده حقك ماتتنزلشي عنه علشان عمو عز بيستهبل جامد ومش معبر عملاء بروتون

فعلا اذا لم يتم حل المشكله روح لجهاز حماية المستهلك وهو حيتصرف ويجبلك حقك لان ازاي حاجه زي كده مفيش منها احتياطي في التوكيل دي مش حاجه كل يوم بتتغير

**sameh_loza** · 30-01-2010 12:42 AM

لو هاتجيب من بره هتلاقيه في الحرفيين عند محل اسمه الراعي بالحرفيين دول ناس محترمين وعن تجربة وكل حاجة عندهم لو عاوزعنوانهم وتليفوناتهم هاتلاقيهم في توبيك خاص بعنوايين وتليفونات محلات قطع الغيار في المنتدي
ونصيحه اوعي حد يبعتك عند واحد اسمه وحيد الكهربائي ويقولك ويعملك بلاش بلاش

**batoot556** · 30-01-2010 02:43 PM

اية الموضوع دة يا شباب وعايزين حد متخصص يقولنا الموضوع دة سببة اية ويا ريت الناس تسأل التوكيل عن سبب حدوث حاجة زى دى

الموضوع: زراع الأشارة و الضوء

LinkBack

أدوات الموضوع

عرض

-

-

-

-

-

المواضيع المتشابهه

مسند زراع النيو اكسنت

الأشارة الجانبية للأوكتافيا بتخرف !!

راس زراع الفتيس

زراع النور فى الدايو بيسيح

سؤال بخصوص الأشارة ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة