رابطة الوحوش ملاك السيفيا....الجزء الاول

**AHMED12345678** · 09-10-2009 07:45 PM

يا ريت من كل ملاك السيفيا يتجمعوا ويشكلوا رابطة ليهم ونفيد بعض وغيرنا فى اى استفسار عن السيفيا وكل واحد يعرف بنفسة وابدأ بنفسى:
اسمى:أحمد
معايا سيفيا موديل 2000 كورى
امتلكها من عام 2006
العربية عاملة لحد دلوقتى 165000 كيلو
العربية بسم اللة ماشاء اللة عمرها معملت معايا اى حركة نقص وانا بردلها الجميل ودايما مهتم بيها وبصيانتها.
وانا مستنى ردود وحوش السيفيا

**AHMED12345678** · 09-10-2009 08:12 PM

فينكوا يا وحوش فين غيظوا الاعادى انتوا فين

**AHMED12345678** · 09-10-2009 08:13 PM

بقالى زمان مستنى
تردوا عليا ونغنى
طب يالة

**AHMED12345678** · 09-10-2009 08:15 PM

اى استفسار عن الباور
الاسكاترة
الجنوط
الماتور
اى حاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اجة
احنا فى الخدمة

**max_ziro** · 09-10-2009 08:19 PM

انا جين اهوو
محمدد علاء
سيفيا 2000 كورى
و بردو نفس الكلام الى احمد باشا قالة هو هو الى عندى
الحمد لله العربية زى الفل
اى استفسار انا فى الخدمة و ياريت اتعرف بيك اكتر يا احمد باشا ..

**AHMED12345678** · 10-10-2009 03:32 AM

انا من الشرقية
ونفسى اجيب النيو سيراتو بس القرش مش مساعد دلوقتى وربنا يفرج عن قريب وغيظنى اوى حكاية الاوفر برايس

**AHMED12345678** · 10-10-2009 03:43 AM

وبالنسبة لقطع الغيار فهى متوافرة جديد وتلاقيها عند الجندى فى شارع دمشق ومعظم الى عندة اصلى وحاجتة ممتازة بشهادة ناس كتير فى المنتدى وانا اولهم.
وكمان تلاقيها عند حلمى سليمان فى التوفيقية بس انا مش بحب معاملتة علشان بتحس كدة انة اتم وكمان فى الاخلاص فى التوفيقية وفى محلات تانية كتير شغالة فى السيفيا والاستيراد متوافر فى الحرفيين وبورسعيد والشرقية عندنا بردة موجودة باختصار هتلاقيها فى كل مكان ةان كنت بفضل الاصلى لان سعرة قريب من الاستيراد وطبعا مش هتحتاج التوكيل فى حاجة ولو رحت التوكيل هتدفع الجلد والسقط فى حاجة متستهلش كعادة التوكيلات والعربية بقاله كتير فى السوق وهتلاقى ميكانيكة كتير فاهمين فيها والسيفيا مش معقدة

**AHMED12345678** · 10-10-2009 03:49 AM

مميزات العربية هى وسعها وجودة خاماتها.
يعنى الابواب متبطنة جلد وقماش والتابلوة متغطى بالجلد
التكييف تلاجة
قطع الغيار معمرة
اعطالها بسيطة ومش ببالغ لو قلت نادرة
النظام السمعى كويس اوى حتى بالنسبة لشاب

**AHMED12345678** · 10-10-2009 04:00 AM

العفشة كويسة يعنى هى ولا ناشفة ولا ناعمة معقولة يعنى
الثبات حلو لحد120 ومعقول لحد 150 وبعد كدة كلبش فى الدريكسيون وانا شايف ان دة كويس لعربية فى فئتها ةالعربية بتاعة جرى
وسحبها اجمد حاجة فيها
وانا اخر حاجة جبتها كانت 160 وكان عندها استعداد تجيب كمان وكمان بس فى اصحابى جابوا بيها 200 بس انا منصحش بكدة
واستهلاك البنزين فالعربية بتعمل معايا 220 كيلو فى الصفيحة كمتوسط استهلاك
والسيفيا واطية شوية بس مش اوى يعنى اعلى من الانوس مثلا بس احيانا لازم تاخد المطب بالعرض والا العربية بتحك فى المطب