بيجو تبيع 40% من اسهمها لشركه aic

**amr mokhtar** · 12-10-2009 07:30 PM

المشاركة الأصلية كتبت بواسطة nour_peugeot

يا جماعه محمد متولي انقذ وجيه اباظه من مطب عمره

الخلاصه بقي ان التوكيل عليه ديون للبيجو الام و الشكه رفضه تبعت قطع غيار او موديلات لسيارتها الا لما وجيه اباظه يبعت الفلوس و لو مبعتش التوكيل هيتسحب منه و هيتعمل قضايا و المعلومات دي من حبيبنا داخل التوكيل

و بكده التوكيل المفروض يقوم علي حيله شويه بقي

الكلام ده يفسر تأخر قطع الغيار و غياب بعض قطع الغيار الأساسية بالذات فى الفترة الأخيرة
بس يا ترى هم عندهم مشكلة مالية فعلآ ولا الموضوع فيه سرقة؟
و بصراحة التوكيل ده لولا المهندسين الخبرة اللى فيه و اللى إتعاملنا معاهم مدة طويلة كان التوكيل ده وقع من زمان

الحاجة التانية انا أعتقد ان كفاية على وجيه أباظة كده
التغيير مطلوب لإن التغيير بييجى معاه أفكار جديدة و روح جديدة أكيد ممكن تعمل تنشيط لإسم بيجو فى مصر

**amr mokhtar** · 12-10-2009 07:33 PM

المشاركة الأصلية كتبت بواسطة atamim

صح انا كلمتهم النهاردة الصبح الراجل بيرد عليا بمنتهى القرف مش عارف لية دا الكلمة الحلوة صدقة

كنت بسالة على ال 405 و البارس قالى ب 90 و الاستلام بعد 3 شهور قولت له طيب ال405؟ قال لى منا بكلمك عليها قولت له مش كانت بحاجة و سبعين قال لا دى كانت لحد موديل 2007
قولت له طيب بالنسبة للتقسيط عن طريق بنك بيقول معندناش بنوك معندناش تقسيط
قولت له شكرا

بيتكلم باختصار شديد كانه بيدفع من جيبة ثمن المكالمة او وراة الف واحد على الانتظار

إيه الرد المستفز ده
اللى يسمع كده يقول إنهم بيبيعوا منها كل يوم 50 عربية و مستغنيين

ده دليل آخر على أهمية التغيير

**mr_safwt** · 13-10-2009 03:30 AM

على فكرة يا جماعة فى اخبار بتقول ان محمد متولى دلوقتى فى فرنسا عشان يخلص التعاقد مع الشركة
وان نسبتة هتكون اكتر من 50%

**Nour_Peugeot** · 13-10-2009 04:42 AM

تبقي خبطه العمر لو التوكيل اتسحب و كل الشغلين فيه اتناقلو معاه و معا خبرات جديده تبقي 100 100 و نشوف التطوير بقي

**the-hero** · 13-10-2009 01:40 PM

يا مسهل يارب

**amr mokhtar** · 13-10-2009 05:22 PM

فعلآ تبقى خطوة كبيرة
بس بشرط عدم الإستغناء عن المهندسين و الفنيين الكويسين اللى موجودين فى مراكز الخدمة

بس تتوقعوا إيه التطوير اللى ممكن يحصل لو hic مسكت توكيل بيجو فى مصر؟