حاجة تقرف بجد

**jisso82** · 10-10-2009 01:08 AM

على فكرة لو حضرتك بصيت على باقى الموديلات هتلاقى نفس الكلام تقريبا بالظبط واضح إن كل الشركات السنة دى عشان موضوع الأزمة مش عايزة تشترى استوك و بتجيب أعداد بسيطة حسب الحجز.
أنا ليا زميلة والدتها موافقة تجيبلها أى حاجة ماعدا البروتون عشان ما تعرفهاش بس عايزة تستلم فورى مش عايزة تستنى سألت على اللانوس قالولها بعد شهرين ، سألت على الفيرنا قالولها آخر نوفمبر ، سالت على السيمبول ردوا الدفعة الجديدة لسه ما وصلتش و متوقع توصل على آخر السنة و نفس الكلام بالنص اتقال على البيجو ال 206 السيدان و من مدير مصنع غبور مباشرة رد علينا نفس الرد فى النيو أكسنت.
المشكلة إن حضرتك مركز فى عربيتك اللى انت مستنيها لكن حتى لو فكرت تغير هتلاقى كله هيقعدك مدة طويلة ماعدا حاجات قليلة قوى.
طب صدق أو لا تصدق أنا مستلم البرسونا بتاعتى من حوالى 3 شهور فى شهر يوليو بعد حجز حوالى شهر من يونيو و تحديدا فى مايو كان زميل ليا فى الشغل عايز نيو سيراتو مانيوال هاى لاين قالولوا فى التوكيل إنها مش بتنزل بس ممكن يعملوا له اسبيشال أوردر بيها و تيجى الدفعة الجاية وافق و حجز علطول ده فى مايو قبل ما أنا أحجز بشهر !!! عارف استلم امتى من يومين بالظبط يعنى قعد حوالى 5 شهور عقبال ما استلم فما تزعلش و اصبر و لعله خير ليك إن شاء الله.

و عموما بخصوص السبب اللى أخر الدفعة دى أنا كنت فى التوكيل أول امبارح و سألت طلعت الدفعة فى الجمارك بقالها فترة و بسبب خطأ إدارى ففى ورق يخص الدفعة دى ضاع من موظف عز العرب هناك فما عرفوش يخرجوا العربيات من الجمرك و جارى دلوقتى استخراج ورق بديل و انتوا عارفين الروتين فى مصر

**eslam_wega** · 10-10-2009 02:06 AM

ااااااه من الروتين ومن اهمال الموظفين

**khaledmontero** · 10-10-2009 03:11 AM

انت طبعا ليك حق تضايق .. بس مش للدرجة اللى تخليق تقرف كده
على فكرة مشكلة التوكيلات فى موضوع تسليم عربيات 2010 مش بس فى بروتون دى كمان فى كيا .. انا ليا واحد صاحبى حاجز كيا نيو يراتو بقاله اكثر من 3 شهور ولسه ماستلمش ... ولو دخلت القسم بتاع كيا جوه المنتدى هاتشوف كتيييييير ..
ع العموم هانت وماتضيقش نفسك وان شاء الله تستلم على خير ...
وابقى طمنا

**tutankhamoun** · 10-10-2009 07:01 AM

أنا بصراحة دخلت قلت هالاقي ...... كارثة .

متزعلش نفسك على الأنتظار ....... العربية بالحجز و عليها أقبال و العدد اللي بيوصل من ماليزيا مش كبير علشان الطاقة الأستيعابية بتاعة المصنع مش كبيرة قوي و العربية مطلوبة في الأسواق الخارجية اللي هما بيبيعوا فيها .
فكل سوق له عدد مُعين ..........
و الحمد لله أن مصر العربية ماشية فيها كويس و بالحجز كمان ....... العربية لها رونق كدا و بتتحجز يعني مميزة .

أما الشق الثاني بتاع الوعود الكاذبة و المواعيد الفالسو ..............
هما طبعا أكيد عندهم مشكلة ما ..... هي اللي مأخراهم ........... و بالتالي مش عايزين يخسروا العميل و بالتالي رجال البيع بيقولوا أي كلام أو ممكن بيقولوا الصدق و بعدين المواعيد تتأجل تاني .

و بالتالي أنا أنصحك ........ تأخد كلامهم على يومين مثلا على أنه 10 أيام ........ مش مع عز العرب بس ......... مع كل المصريين عموما .

ربنا يوفقك إن شاء الله و العربية توصل من الجمارك و تتمتع بها بإذن الله .

**mark_milad_95** · 10-10-2009 02:03 PM

هو اخ كلام أ/محسن قالو امتى ؟

**ramyar** · 10-10-2009 06:27 PM

يارب الكلام ده مايحصلش معايا وانا بشتري الواجا لاني والله هعيط ساعتها لان كلام التوكيل وكمان كلام رئيس جمهوريه بروتون الاخل المبجل ايمن ان الواجا موجوده وبورقها كمان يعني ادفع واستلم فوري ربنا يستر

**gagareen** · 10-10-2009 10:57 PM

يا باشا متزعلش نفسك كله يهون علشان الجين2
دفعات 2009 اتسلمت فى شهر 11
وزى ما الاخوه تفضلوا وقالوا معظم التوكيلات كده انا معايا واحد فى الشغل حاجز نيو سيراتو من شهر 6 اللى فات ولسه مايعرفش حيستلم امتى
واضح طبعا ان فيه مشكله فى تخليص العربيات من الجمارك والحمد لله ان الدفعه نزلت البلد اصلا وكل تاخيره وفيها خيره

تحياتى

**davemustain** · 11-10-2009 01:34 PM

أنا كمان حاجز من زمن و زهقت. بس هو محسن صالح ممكن يعمل إيه أصلاً لو في مشاكل فالورق معطلة الموضوع.
يعني الناس ابتدت تفكر تشتري عربيات تانية خلاص لو كان عند عربيات يسلمها كان ابتدا التسليم. أنا قرفت بردو بس مفيش حاجة في ايدي اعملها.

**ramyar** · 12-10-2009 07:49 AM

يا تري الموضوع ده ممكن يحصل في [marq="3;right;1;scroll"]الواجا[/marq] ولا رايكم ايه يا رجاله

الموضوع: حاجة تقرف بجد

LinkBack

أدوات الموضوع

عرض

-

-

-

-

-

-

المواضيع المتشابهه

حاجة تقرف

حاجة تقرف

ليه الناس بتعمل كدا...حاجة تقرف

أعمل أية-حاجة تقرف

الكلمات الدلالية لهذا الموضوع

المفضلات

المفضلات

ضوابط المشاركة